Yakobo 2:21 - KITAWO MALEŊ Catholic

²¹ Kere cango okethi kwari wan Abraham i tiro gi Were nedi? Kole obedo i tim, munyo go ocwayo ri Were wode Isaka wi migam.

KITAWO MALEŊ

²¹ Kere cango okethi kwari wan Abraham i tiro gi Were nedi? Kole obedo i tim, munyo go ocwayo ri Were wode Isaka wi migam.

Yakobo 2:21 ပူးပေါင်းရင်းမြစ်များ

Zabuli 143:2

Ikir'idonji i thumo banja gi ŋeca perin, kole ongoye dhano ma kwo m'otire ruwaŋin.

Isaya 51:2

Ŋiy win Abraham kwari win, gi Sara m'onywolo win. Kole Abraham oyido ongoye gi nyathi munyo alwoŋo go, to, amiyo go silwany gi nyithindho, aloko nyikway go kweth.

Matayo 12:37

Kole wac perin ama nyalo miyo ikwanyo woko kwoŋin banja, kosa iketho kwoŋin banja.”

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

Luka 1:73

kwoŋirok ma cango go otimo ri kwari wan Abraham, nike bino botho wan wok i cingi jokwor mawan,

Luka 16:24

Gikenyo olwoŋo go ni, ‘Baba Abraham! Maki ye kodan wor idhiri ran Lazaro wobili lwet cinge i pi wokwey ran gine lewan, rupiri an litho madwoŋ i mac me!’

Luka 16:30

Jaŋaŋo owaco ni, ‘Be, baba Abraham, to ka nyatoro m'owok bothi jom'otho okidho bongi jo aka jobino ŋuto reco pajo.’

Yohana 8:39

Gikenyo jodwoko go ni, “Bawan obedo Abraham.” Yesu odwoko ni, “Bedi adieri winyithindho pa Abraham, di witimo gima cango go otimo.

Yohana 8:53

Onyo iwaco nike idwoŋ loyo Abraham Bawan m'otieko tho. Aka jotuci wac Were bende jotho. Iparo nike in iŋa?”

Tim pa Jomoor 7:2

Aka Stefano odwoko ni, wutmera gi bacere nan! Winjan win! Were man gi dwoŋ omenyere ri kwari wan Abraham munyo go fodi nitie yu Mesopotamia, mafodi go k'okidho bedo Haran,

Joroma 3:20

Kole ongoye dhano m'ibino kwano rigo tiro ruwaŋ Were ro nyaka timo gima Cik yenyo, rupiri Cik miyo dhano nyaka ŋeyo nike gimanyo obedo reco won kende.

Joroma 4:1

Onyo wanowaci aŋo kwoŋ Abraham, kwari wan i del?

Joroma 4:12

Go obedo ba jom'othumere bende, ki ni rupiri othum jo, to rupiri jonitie i kiti kwo ma yeyo ma Abraham cango obed'iye munyo fodi k'othumi go.

Joroma 4:16

Riameno cikirok no cungo kwoŋ yeyo, ŋey wothenere kwoŋ nema pa Were aka womiy nyikway Abraham je, aka ki nyaka joma jokuro Cik kende, to joma joyeyo paka cango Abraham bende oyeyo. Ato Abraham obedo ba wajoje ma cuny,

Joebulaniya 11:17

Yeyo am'omiyo Abraham, munyo Were otemo go, ocwayo wode Isaka paka cowirok. Abraham, ma Were oyido otieko kiri timo gine cikirok, oyeyo miyo wode paka cowirok.

Yakobo 2:18

To moro kwoŋ win bino waco ni, “Kole in gi yeyo; aka an gi tim.” Meno adwoko ni: “Nyuthan paka inyalo bedo gi yeyo m'ongoye tim; to an abino nyuthin yeyo paran i tim paran.”

Yakobo 2:24

Am'omiyo wineno ni dhano iketho i tiro gi Were kwoŋ gima go timo, makiweno kwoŋ yeyo kende.

Yosuwa 24:3

Kenyo akwanyo bawin Abraham wok kalo malawa aka atelo go i lowo ma Kanan parom, t'aloko nyikwaye mathoth. Amiyo go Isaka;