Yakobo 1:25 - KITAWO MALEŊ Catholic

²⁵ To ŋata kaŋasa cik m'otire ma ketho ji i siem, aka medo ketho paro pere kwoŋe, ma kiciki ithe kende to wiye wil, to go ketho wac i tim, ŋato Were bino miyo silwany i gima go timo.

KITAWO MALEŊ

²⁵ To ŋata kaŋasa cik m'otire ma ketho ji i siem, aka medo ketho paro pere kwoŋe, ma kiciki ithe kende to wiye wil, to go ketho wac i tim, ŋato Were bino miyo silwany i gima go timo.

Yakobo 1:25 ပူးပေါင်းရင်းမြစ်များ

Zabuli 106:3

Jokisangala a jono ma jotimo tiro, ma jotimo gim'otire noknok.

Zabuli 119:32

Alawinjo or perin gi mito je, kwoŋbedo ilamedo yawo niaŋ paran.

Zabuli 119:45

Alawotho m'agonyere, kole atemo luwo fonji perin.

Agecin 14:15

Ŋatamiŋ yeyo kisi gimoro, to dhano mariek kaŋasa woth pere.

Isaya 8:20

Ri fonji gi mijulisi! Adieri ri wac ma joluwo me jokilaneno lero.

Luka 11:28

Yesu odwoko ni, “Kucel josilwany meno a joma jowinjo wac pa Were to joketho i tim!”

Yohana 13:17

Paka pama onyo wiŋeyo gigipiny me, ka witimo ameno wibino limo silwany!”

Yohana 8:36

Ka Wod Were omiyo win siem, wibino bedo joma ni siem adieri.

Tim pa Jomoor 13:43

Munyo ji jotieko eye i romo, Joyuda mathoth kodi Jopath ma jowire i dini pa Joyuda joluwo Paulo gi Barinaba. Jomoor joluwo gi jo aka jomedo jo miseni nike jowomedere i nema pa Were.

Tim pa Jomoor 2:42

Aka jocwire kwoŋ fonji pa jomoor munyo jobedo i kweth acel, i cemo kodi i kwayo.

Tim pa Jomoor 26:22

To kiri konon Were okonyan, am'omiyo acungo ka munyo aridho wac me ri ji je, ri jomathindho kodi jomadongo parom. Gim'awaco obedo gimoro acel ma jotuci wac Were kodi Musa jowaco ni bino timere,

Joroma 11:22

Onyo neni win paka Were cunye ber aka odoko nyutho gero bende. Go ger kodi joma jopodho, to nyutho win bero tekin wicwire i bero pere; to ka wikitimo ameno, wibende ibino jwero win woko.

Joroma 2:13

Ato k'obedo nyaka i winjo Cik gi ithi jo ama miyo iketho ji i tiro gi Were, t'itimo gima Cik mito ayino.

Joroma 7:12

Riameno Cik leŋ, aka or pa Were leŋ, otire, kendo ber.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

Joroma 8:2

rupiri cik ma Cuny ma kelo riwan kwo i Kristo Yesu, otieko thekan gi cik m'okelo gimarac kodi tho.

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

2 Jokorintho 13:5

Kaŋasa win kwo mewin winen kafodi winitie gi yeyo. Wikuya ni Kristo Yesu nitie i win? Kono kosa timo ameno odhiero win kicutho.

Jogalasia 2:4

Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

Jogalasia 5:1

Kristo otieko gonyo wan i twec to miyo wan siem! Riameno cungi win, paka ji man siem, aka wikiri wiyey lokirok ŋecin kendo.

Jogalasia 6:2

Konyere win gi tiŋo bieto ma jowoti win nitie gine, rupiri ameno aka wibino mako cik pa Kristo.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

1 Timothe 2:15

To kad'ameno, dhako bino limo both i nywolo nyithindho, ka go ocwire i yeyo kodi mar gi leŋo, kodi kurok maber.

1 Timothe 4:16

In won kaŋasa kwo perin, aka kaŋasa fonji perin bende. Medere gi timo tic no, rupiri k'itimo ameno ibino bothere kiri gi joma jowinjin bende.

Joebulaniya 12:15

Gwokere win ŋey moro wokiri wokeŋ limo nema pa Were, kendo moro wokiri wolokere pa yath makec ma medere dongo to nyeko wadi gi keco pere.

Yakobo 2:12

Riameno luw win, odoko bedi win gi tim, paka ji m'ibino thumo rijo banja cungo kwoŋ cik ma kelo siem,

1 Petero 2:16

Kwo mewin wobedi paka apa joma ni siem; to wikiri wiloki siem mewin ma umo reco moro je; kucel kwo mewin wobedi paka apa jotic pa Were.

1 Yohana 2:24

Am'omiyo, ridhi win maber kano i cuny win mikwenda ma wiwinjo wok con. K'agima wiwinjo wok con odoŋ i cuny win, meno ndir je wibino doŋ gi wode kodi Bamere i kwo mewin.

Menyirok ri Yohana 14:13

Gikenyo awinjo dwondi nyatoro m'owok i polo munyo waco ni, “Ndiki gime: Josilwany a joma wok pama kadho yumalo jolatho i tic pa Rwoth.” “Ey,” Cuny waco, “Jobino ywomirok kwoŋ tic pajo matek, rupiri tim pajo luwo jo.”

Menyirok ri Yohana 22:14

Josilwany a joma lwoko ruk pajo m'olony, aka ŋey jowobedi gi siem ma camo gima nyak kwoŋ yath ma kwo, gi donjo i tindi gi i waŋkac.

1 Samwiri 12:14

Ka winolwor Rwoth, to wilamo go, to wiwinjo dwonde, to wiluwo or pere, aka ka win gi kere ma dhumo win winoluw Rwoth Were mewin, kisi gimoro je labedo maber gi win.