Yakobo 1:21 - KITAWO MALEŊ Catholic

²¹ Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

KITAWO MALEŊ

²¹ Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

Yakobo 1:21 ပူးပေါင်းရင်းမြစ်များ

Zabuli 25:9

Go telo ji ma jomwol timo gim'otire, aka fonjo jo yo pere.

Isaya 2:20

I ndelo no ji jolabolo woko cal pajo ma feza, gi cal pajo ma zahabu, ma jotimo rijo wegi lamo, ri fuko gi kilafundo.

Isaya 29:19

Jomamwol jolanwaŋo kisangala i Rwoth, aka jocandi jolafore i Ŋataleŋ pa Isiraili.

Isaya 30:22

Kenyo wilakwanyo cal mewin m'oum gi feza kodi zahabu to wibolo woko paka oselo ma dhako oro ka ruko dwe, aka wilawaco ni, “Wikoci.”

Isaya 61:1

Cuny pa Rwoth Were nitie kwoŋan, kwoŋbedo Rwoth owiran gi mo, ooran kelo wac manyen maber ri ji m'idiyo, yomo cuny joma cuny jo otur, tito gonyirok pa joma jonitie i twec, gi gonyo joma jotudere.

Ezekiel 18:31

Weyi win reco je ma witieko timo kwoŋan, aka wilimi cuny manyen kodi adundo manyen! Raŋo witho, awi ot pa Isiraili?

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Zefania 2:3

Rangi win Rwoth, win jomamwol je ma i piny, jono je ma joworo or pere. Tim win gim'otire, mwole win ruwaŋ Rwoth; poy kono winobothi i ndelo ma keme pa Rwoth.

Matayo 5:5

Josilwany a jomamwol, kole jobino lunjo piny.

Yohana 6:63

Cuny pa Were ama miyo go kwo; delkwoŋe won bukony. Wac m'atieko waco obedo cuny kodi kwo.

Yohana 6:68

Simon Petero odwoko go ni, “Rwoth, onyo wanokidhi riwan bongi ŋa man? Kole iŋat'initie ye gi wac ma kwo makirum.

Tim pa Jomoor 10:33

Am'omiyo aoro ji lwoŋin mayot, aka itimo maber bino. Pama onyo wajoje wan ka i nyim Were, wakuro winjo gimoro je ma Rwoth oorin waco.”

Tim pa Jomoor 13:26

Wutmera, nyikway Abraham, kodi Jopath je manitie ka ma jolamo Were: Fonji ma mako kwoŋ both me otiek dhiro riwan!

Joroma 1:16

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

Joroma 11:17

To k'inen otiek toŋo woko megi kwoŋ jangi yath vini m'opidhi, aka win ma wibedo jangi vini moro madudi onyo oriw win maber i kabedo pa m'otoŋ woko ca munyo ipoko win ye kwo m'oŋaŋ man tiendi yath m'opidhi no,

Joroma 6:17

To Were wofoy ni yado oyido wibedo ŋecin pa gimarac, to pama wiwinjo adieri m'ifonjo win gi cuny win je.

1 Jokorintho 15:2

Wac Manyen Maber ma afonjo win no ama bino botho win ka wicwir'iye matek, kak'ameno, meno wiyeyo gim'ongoye.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Joefeso 1:13

Wibende munyo wiwinjo wac mar'adieri, Wac Manyen Maber m'okelo riwin both, wiyeyo Kristo aka Were oketho ranyuth pere kwoŋ win, munyo miyo win Cuny Maleŋ ma go won oyido otieko ciko win.

Joefeso 4:22

Kole ofonji win ni wiboli woko kiti win macon, ma awanya mareco oyido nyeko.

Joefeso 4:25

Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

Joefeso 5:4

Kendo kiripi ni wac ma wiluwo wobedi ma kwoto wiy jo, ma miŋo, kosa kiliesa makoc. Kucel wiripo bedo munyo wifoyo Were ayino.

1 Jothesalonika 1:5

Kole Wac Manyen Maber ma wakelo riwin, k'obino nyaka i wac kende, to obino i meni kodi i Cuny Maleŋ, gi ridho kicutho kwoŋ adieri mere. Wiŋeyo paka kwo mawan obedo munyo oyido wanigi win kenyo; aka obedo ri bero mewin won.

1 Jothesalonika 2:13

Aka ro wac me bende, ndelo je waketho Were walwa. Munyo wakelo riwin mikwenda pa Were, wiwinjo aka wijolo, ki paka mikwenda pa dhano to mikwenda pa Were, m'obedo ameno adieri. Aka kole Were tiyo maber i dier win jom'oyeyo.

Tito 2:11

Kole Were otieko nyutho ji je nema pere ma botho jo.

Joebulaniya 12:1

Am'omiyo, paka onyo wanitie gi lwak jokony madwoŋ m'othoko wan ameno, onyo weyi wakwanyi woko gimoro je ma riwere riwan i royo, kodi reco ma mito moko kwoŋ wan matek,

Joebulaniya 2:3

onyo wanobothi nedi ka wacayo both madwoŋ me? Rwoth won gipi ama otelo luwo kwoŋ both me, aka nyaka joma jowinjo go joridho riwan ni obedo adieri.

Joebulaniya 4:2

Kole wabende watieko winjo Wac Manyen Maber, paka jo; to wac ma jowinjo k'otimo rijo bero moro, rupiri munyo jowinjo jok'ojolo gi yeyo.

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

Yakobo 5:20

poyi win gime: Ŋatimoro je m'odwok ŋatarac wok i royo pere m'okom, bino botho cuny ŋatarac no kwoŋ tho, to miyo icwako rigo reco madit.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 1:9

rupiri onyo wilimo gima wok i yeyo mewin, m'obedo both ma cuny win.

1 Petero 2:1

Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

1 Petero 2:11

Agoyo koko riwin jowotan, paka jowiloka i piny me, ni ŋuti win kwoŋ awanya mareco, ma ndir je lwenyo gi cuny win.