Yakobo 1:19 - KITAWO MALEŊ Catholic

¹⁹ Maki win wac me, wutmera. Dhano je ripo bedo mayil i winjo, ma kikwakere gi luwo, aka kimaki nge piyo.

KITAWO MALEŊ

¹⁹ Maki win wac me, wutmera. Dhano je ripo bedo mayil i winjo, ma kikwakere gi luwo, aka kimaki nge piyo.

Yakobo 1:19 ပူးပေါင်းရင်းမြစ်များ

Nehemia 8:18

Wok i ndelo marapena ma kalima tundo i ndelo macowe jobedo ka josoma adec wok i Cik pa Were kisi ndelo. Jotimo kalima ma ndelo abirio, aka i ndelo mar'aboro jotimo kalima ma cego paka Cik waco.

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Nehemia 9:3

Ma sawa ma romo adek josoma Cik pa Rwoth Were pajo, aka ma sawa ma romo adek kendo jotuco reco pajo to jolamo Rwoth Were pajo.

Yobu 32:16

Anomedere kuro, kareno jongoye gi gima jowaci? Anocungi ka munyo jongoye gi radwok?

Agecin 10:19

Ka wac nitie kidhur, kibenga kingoye, to ŋata gwoko dhoke nyutho rieko.

Agecin 13:3

Jono ma jogwoko dhok jo jokwonga kwo pajo; to jono ma joluwere kicar jorere.

Agecin 14:17

Dhano ma kwako mako nge timo gimiŋo, aka dhano ma tim pere rac ji dak go.

Agecin 14:29

Ŋata kikwakere mako nge nigi niaŋ madwoŋ, to dhano ma kwakere mako nge miyo miŋo dwoŋ.

Agecin 15:18

Ŋata kwako mako nge sigila dhaw, to ŋata kikwakere mako nge kweyo piem.

Agecin 15:2

Lew jomariek miyo ŋeyo, to dhok jomamiŋ konjo woko miŋo.

Agecin 16:32

Ŋata kikwakere mako nge ber loyo jomeni, aka ŋata kweyo nge pere ber loyo ŋata mako tindi madwoŋ.

Agecin 17:14

Cako dhaw cal gi pi ma mol, riameno juki mafodi k'ocako.

Agecin 17:27

Ŋata kano wac nigi ŋeyo, aka ŋata liŋ nigi niaŋ.

Agecin 18:13

Ka dhano dwoko penji mafodi k'owinjo, meno obedo miŋo giwickwot.

Agecin 18:21

Meni ma tho gi kwo nitie i lew jo, aka jono ma jomaro jolacamo olemo mere.

Agecin 19:11

Jono ma joniaŋ jokimaki nge piyo, aka obedo dwoŋ rijo cayo raco m'otimi rijo.

Agecin 19:19

Dhano ma ja nge kweth ripo tiŋo gima wok'iye, k'ibotho go dicel, yikere botho go kendo.

Agecin 21:23

Kuro dhokin gi lewin, geŋin kwoŋ teko.

Agecin 25:28

Ŋata kinyal kuro dwoŋ, cale tindi madwoŋ m'othangere, m'ongoye gi kor ot.

Agecin 29:20

Ŋata kwakere gi luwo, kiri jamiŋo je nitie gi geno loyo go.

Kwan 22:27

Munyo punda oneno malaika pa Rwoth, onindo piny i ŋangi Balam. Balam omako nge, to goyo punda gi luth pere.

Matayo 5:22

To pama onyo awaco riwin ama: Ŋat'omaki nge g'omin bino bedo jabanja kapido. Ŋat'otim roro kwoŋ omin ibino tero go ruwaŋ jothumi banja, aka ŋat'oyeti omin ni, mamiŋ ma bukony, ibino bolo go i mac makitho.

Mariko 12:37

Daudi won lwoŋo go ni Rwoth, to Kristo nyalo nedi bedo wode? Lwak ji jowinjo Yesu gi kisangala.

Mariko 2:2

Gikenyo ji jocokere kiri i dhiot m'ongoye ka leŋo, to go fonjo jo.

Luka 15:1

Ndelo moro jocoki misolo kodi joreco moro jobino bongi Yesu winjo go.

Luka 19:48

to jok'onwaŋo yo ma timo ameno, rupiri ji je oyido jociko ithi gin winjo go gi maro madit.

Tim pa Jomoor 1:15

Munyo ndelo okadho manok, romo pa jom'oyeyo obedo (ma romo ji cegin miya acel), to Petero cungo to luwo.

Tim pa Jomoor 10:33

Am'omiyo aoro ji lwoŋin mayot, aka itimo maber bino. Pama onyo wajoje wan ka i nyim Were, wakuro winjo gimoro je ma Rwoth oorin waco.”

Tim pa Jomoor 13:48

Munyo Jopath jowinjo gime josangala aka jopako fonji pa Rwoth. Aka jom'oyido oyer ri kwo makirum jolokere jom'oyeyo.

Tim pa Jomoor 17:11

Joyuda ma kenyo oyido joneno bor loyo ma Thesalonika. Jociko ithi gin winjo fonji gi maro madwoŋ, aka ndelo je bin jofonjere Ndiko Maleŋ jowoneni k'agima Paulo ofonjo jo oyido obedo adieri.

Tim pa Jomoor 2:42

Aka jocwire kwoŋ fonji pa jomoor munyo jobedo i kweth acel, i cemo kodi i kwayo.

Joefeso 4:26

Ka wimako nge, gino wokiri worwaki win i gimarac; aka wikiri wibedi gi nge ndelo gipi,

Joefeso 4:31

Kwany win woko duro, gi keme, kodi nge, gi dhaw kodi nyeko nyingi wadi win.

Jokolosia 3:15

Weyi siem pa Kristo, ma olwoŋ'iye win paka adec ma del acel wodhum cuny win; Aka bedi win gi foyo Were].

Jokolosia 3:8

To pama wiripo bolo woko kiti gigipiny ma cal meno: Nge, keme, awaca nyingi, nyeko nyingi jo, yet kodi luwo makoc.

1 Jothesalonika 2:13

Aka ro wac me bende, ndelo je waketho Were walwa. Munyo wakelo riwin mikwenda pa Were, wiwinjo aka wijolo, ki paka mikwenda pa dhano to mikwenda pa Were, m'obedo ameno adieri. Aka kole Were tiyo maber i dier win jom'oyeyo.

Yakobo 1:16

Kiri wowondi win, wutmera.

Yakobo 1:2

Jowotan, ter win paka silwany ka wiromo gi teko m'omore omore,

Yakobo 1:26

Ka nyatoro paro ni go ŋat'oyeyo, to kucel kikur lewe meno yeyo pere ongoye kony aka go won wondere.

Yakobo 2:1

Wutmera gi nyimin, i kwo mewin paka jom'oyeyo Rwoth Yesu Kristo, Rwoth madwoŋ, wikiri wiyer ji munyo wiŋisa joman ro cal pajo ma woko.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

Yakobo 3:10

Wac ma pako kodi ma kwoŋo nyatoro je wok i dhok dhano acel no won. Wutmera, gime oyido kiripi timirok ameno.

Yakobo 4:11

Wikiri wiluwere marac kwoŋ jowoti win, wutmera. Ŋata luwo marac kwoŋ omin, kosa thumo rigo banja, meno luwo marac kwoŋ Cik aka cayo Cik. K'icayo Cik, meno kere ikibedo dhano ma winjo Cik, to ijacay Cik ayino.

Yakobo 5:12

Maloyo meno, wutmera, wikiri wikwoŋere ka witimo cikirok aka wituco polo, kosa piny, kosa gimoro man je. Waci win nyaka ni, Ey ka wimito yeyo gimoro, kodi Be ka wimito kwero gimoro, aka ŋey wik'obedi gi banja ruwaŋ Were.

Yakobo 5:19

Wutmera, ka nyatoro kwoŋ win oweyo adieri, to ŋatiman dwoko go kendo,

1 Yohana 2:21

Riameno andiko riwin, ki ni rupiri wikuya adieri; to rupiri wiŋeyo, aka bende wiŋeyo ni ongoye twodo ma wok kwoŋ adieri.