Yakobo 1:17 - KITAWO MALEŊ Catholic

¹⁷ Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

KITAWO MALEŊ

¹⁷ Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Yakobo 1:17 ပူးပေါင်းရင်းမြစ်များ

Cakirok 41:16

Yozefu odwoko Farawo ni, “K'obedo an; Were bino miyo tito maber.”

1 Kigana kwoŋ Kerin 22:12

Aka weyi Rwoth womiyin niaŋ kodi rieko ŋey inyal dhumo Isiraili cungo kwoŋ cik pere.

1 Kigana kwoŋ Kerin 29:19

Miy wodan Solomon wokur cik perin je gi cunye acel aka wogeti Ot pa Were m'atieko yiko gigipiny mere.”

Zabuli 102:27

To in ikiwire, aka oro perin ongoye gike.

Zabuli 122:6

Kway ri siem pa Yerusalem! “Weyi jono ma jomarin jowoyindira.

Zabuli 136:7

Go m'ocweyo talin madongo, kole mar pere makiwire bedo cil gi cil,

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 85:12

Rwoth bino miyo wan gimaber, aka lowo mawan bino nyak ranyak m'owega.

Agecin 2:6

Kole Rwoth ama miyo rieko, wok i dhok go ŋeyo gi niaŋ jobino.

Isaya 28:26

Kole ofonji go woŋey, Were pere fonjo go.

Isaya 45:7

Acweyo lero gi mudho, akelo kisangala gi kidamba; An, Rwoth, ma timo gigipiny me je.”

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Isaya 60:19

Ceŋ kilabedo lero perin odieceŋ, kosa dwe wor; to Rwoth, ama labedo lero perin ma cil gi cil; aka Were perin labedo dwoŋ perin.

Malaki 3:6

Rupiri An abedo Rwoth akiwire, riameno win, wot Yakobo fodi wikirere kicutho.

Kwan 11:17

Alaloro piny t'aluwo kodin kenyo; aka alakwanyo cuny moro manitie kwoŋin t'aketho kwoŋ jo; aka jobino bielo peko pa ji kanyacel kodin ŋey ikir'ibiel je kendin.

Kwan 11:25

Kenyo Rwoth oloro piny i pondeponde to luwo gine, to kwanyo cuny moro m'oyido nitie kwoŋe to ketho kwoŋ cwo ma jotegino piero abirio; aka munyo cuny no oloro kwoŋ jono, to jotuco wac pa Were; to jok'omedo kendo.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Matayo 7:11

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Luka 11:13

K'inen win ma wireco, wiŋeyo miyo nyithindho mewin gimaber, onyo Bawin ma i polo oloy win marom nedi i miyo joma kwayo go Cuny Maleŋ!”

Yohana 1:9

Lero mar'adieri ma miyo ji je lero, won am'onwaŋo labino i piny.

Yohana 3:27

Yohana odwoko ni, “Ongoye dhano manyalo bedo gi gimoro kwanyo woko ka Were am'omiyo go.

Yohana 3:3

Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Tim pa Jomoor 11:18

Munyo jowinjo gime, joliŋ piem, to jopako Were munyo jowaco ni, “Kere Were otieko miyo Jopath bende hongo ma ŋuto gi bedo gi kwo.”

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Joroma 6:23

Kole kemba pa gimarac obedo tho; to mic ma Were miyo wan obedo kwo makirum i Kristo Yesu Rwoth mawan.

1 Jokorintho 4:7

Aka ŋa ma neno gim'opokere i in? Aŋo m'initie gine ma k'omiyin amiya? To inyalo kwot nedi, paŋini gim'inigine k'obedo mic?

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Joefeso 1:18

Odoko akwayo nike paro ma cuny win woyawere ma neno lero pa Were, to wiŋeyo geno ma go olwoŋ'iye win, kodi silwany madwoŋ ma go ociko ji pere,

Joefeso 2:8

Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

Kitawo mar'abic mapa Musa m'ilwoŋo ni Cik 4:19

Kosa ka witiŋo waŋ win malo i polo to wineno waŋceŋ, dwe, kodi micalin, kodi lwak ma i polo, wikiri wirweny to wikule piny rijo kodi tiyo rijo, gigipiny ma Rwoth Were mewin omiyo nonin je manitie i pendi polo.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

1 Timothe 6:16

Go kende ama kitho, go bedo i lero ma moro kinyal core cegin gine. Ongoye ŋata fodi oneno go, odoko ongoye ŋata nyalo neno go. Ri go dwoŋ wobedi kodi meni ma cil gi cil. Ameno.

Joebulaniya 13:8

Yesu Kristo kiwire nyoro, konon, kodi cil gi cil.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

Yakobo 3:15

Rieko ma cal ameno kiwoki i polo; t'obedo ma piny ka, ki ma cuny, to apa jwogi ayino.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Yohana 1:5

Onyo me a mikwenda ma watieko winjo bongi wod Were munyo watito riwin: Were obedo lero aka ongoye mudho i go kada mathin.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

Menyirok ri Yohana 21:23

Tindi no kiyeny ceŋ kosa dwe wokel'iye lero, rupiri dwoŋ pa Were am'obedo lero mere, aka Nyathi rombo a tala mere.

Menyirok ri Yohana 22:5

Colo ma wor odoko kilabedo, aka jokibino yenyo lero ma tala kosa lero ma waŋceŋ, Rwoth Were won ama bino bedo lero pajo, aka jobino dhumo cil gi cil.

1 Samwiri 15:29

Aka Were pa Isiraili madwoŋ kitwodi kosa kiwir paro pere; rupiri go k'obedo nyatoro manyalo wiro paro pere.”