Tito 2:15 - KITAWO MALEŊ Catholic

¹⁵ Miy ji ŋeyo gigipiny me, aka or meni perin je munyo imiyo joma winjin miseni aka bwoki jo ma tiro jo. Neni ni wongoye moro kwoŋ jo ma wocayin.

KITAWO MALEŊ

¹⁵ Miy ji ŋeyo gigipiny me, aka or meni perin je munyo imiyo joma winjin miseni aka bwoki jo ma tiro jo. Neni ni wongoye moro kwoŋ jo ma wocayin.

Tito 2:15 ပူးပေါင်းရင်းမြစ်များ

Matayo 7:29

Go onwaŋo kicale kodi jondiko, rupiri go ofonjo pa ŋat'oyido nigi meni.

Mariko 1:22

Ji jouro swa, rupiri go ofonjo pa ŋata nigi meni, makiweno paka jondiko.

Mariko 1:27

Gino omiyo ji je dhier tektek to wegi jopenjere kendi gin ni, “To me aŋo? Kole me fonji manyen! Go oro kiri cuny m'ocido wok aka jowinjo go!”

Luka 4:36

Ji je jouro swa aka wegi jocako luwo kendi gin ni, “Me wac aŋo? Go riemo woko cuny m'ocido gi maker gi meni to jowok awoka!”

1 Jokorintho 16:11

Wongoye ŋata wocayi go, to wikonyi go womedere gi woth pere i siem, aka nyaka go bino dwoko bongan: Kole wan kodi jom'oyeyo je wakuro neno go.

1 Timothe 5:20

Bwoki joma cwire i timo gimarac i dier ji kamaler, ŋey joman lworo womaki jo.

2 Timothe 4:2

Titi wac pa Were, kada ndir mere otundo kosa be, miy ji niaŋ, pusa jo, medi jo miseni, aka fonji munyo idiyo cunyin.

Tito 1:13

Aka gima ŋato owaco otire. Am'omiyo, bwoki jo tektek, ŋey jowobedi gi yeyo m'olama,

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.