Tito 2:14 - KITAWO MALEŊ Catholic

¹⁴ Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

KITAWO MALEŊ

¹⁴ Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 2:14 ပူးပေါင်းရင်းမြစ်များ

Cakirok 48:16

Weyi malaika m'obothan wok i raco je womiy jo silwany! Weyi nyingan kodi nyingi bacere paran Abraham, kodi Isaka womedere luwo i jo! Weyi jowobedi gi nyithindho kweth, kodi nyikway jo kweth!”

Zabuli 130:8

Go ama labotho Isiraili kwoŋ reco pere je.

Zabuli 135:4

Kole Rwoth otieko yero Yakobo rigo won, Isiraili paka lim pere won.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Ezekiel 36:25

Alakiro kwoŋ win pi m'olony, aka wilalony kwoŋ koco mewin je, kodi kwoŋ cal mewin je alalonyo win.

Ezekiel 37:23

Jok'okocere kendo gi cal pajo gi gigipiny pajo ma mijokere, kosa gikibenga pajo mogo je. Alabotho jo kwoŋ royin je ma jotimo gine reco to josegeya an. Alalonyo jo. Jolabedo ji paran, aka alabedo Were pajo.

Jolevi 25:41

Nyaka gi nyithindho pajo jodok peco pajo, i lim pa kwarere pajo.

Malaki 3:3

Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

Kwan 25:13

Go kodi nyikway go je jolatic paka jocway ri Were i wi migam cil gi cil; kwoŋbedo go onyutho miyirok ri Were pere, to kelo cwak ri reco pa Isiraili.’ ”

Kwan 7:15

Rwath acel, wod rombo acel, nyathi rombo acel ma jaoro acel, ma mic awaŋa.

Matayo 1:21

Go bino nywolo nyathi majayac, aka ibino cwoko nyinge ni Yesu; rupiri go ama bino botho ji pere kwoŋ reco pajo.”

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Matayo 3:12

Go nitie g'odher pere ma yeko nyingi kal je; go bino coko kal pere ma lilo to konjo i dero pere, to waŋo woko cuŋ i mac makitho.”

Yohana 10:15

aka bende joŋeyan paka Baba oŋeyan, aka abende aŋeyo go, aka ayeyo tho ri rombo.

Yohana 6:51

Abedo mugat ma kelo kwo m'obino i piny wok i polo. Ŋat'ocam mugat me bino kwo cil gi cil. Aka mugat m'abino miyo win meno a delkwoŋan, m'abino miyo aka nyaka piny wolimi kwo.”

Tim pa Jomoor 15:14

Simon owok tito riwan paka Were okutho onyutho paka dewo kwoŋ Jopath munyo kwanyo i dier jo ji ma jowobedi apere won.

Tim pa Jomoor 15:9

Go k'opoko wan gi jo; aka ocwako reco pajo cungo kwoŋ yeyo pajo.

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Tim pa Jomoor 9:36

I Yopa onwaŋo nitie dhako m'oyeyo m'ilwoŋo ni Tabisa, (Nyinge i Dhogrik obedo Dokas, dwoŋ mere ni amudhe), m'oyido oro hongo pere je ma timo bero gi konyo jocandi.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Jogalasia 2:20

pama onyo aŋat'akikwo, to Kristo ama kwo i an. Aka kwo ma pama an gine, nitie i yeyo Wod Were m'omaran to miyo kwo pere ran.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 1:11

Kole gimoro je timere gi can pa Were kodi paro pere; aka Were oyero wan bende bedo ji pere i can pere ma go oridho wok i cakirok.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

Kitawo mar'abic mapa Musa m'ilwoŋo ni Cik 14:2

Kole wibedo ji maleŋ ri Rwoth Were mewin, obedo win ama Rwoth otieko yero kwoŋ nonin je i piny bedo ji pere, aka lim pere ma welo.

Kitawo mar'abic mapa Musa m'ilwoŋo ni Cik 26:18

Konon me Rwoth otieko waco nike wibedo ji pere m'omaro, paka go oluwo gi win, kuro or pere;

Kitawo mar'abic mapa Musa m'ilwoŋo ni Cik 4:20

To Rwoth okwanyo win to wodho win wok i mac m'okur, wok i Misir, bedo ji pere won, paka wibedo pama.

Kitawo mar'abic mapa Musa m'ilwoŋo ni Cik 7:6

Kole wibedo ji maleŋ ri Rwoth Were mewin. Rwoth Were mewin otieko yero win kwoŋ nonin je i piny bedo ji pere, lim pere ma welo.

1 Timothe 1:15

Me obedo wac mar'adieri, ma mitere ajola gi yeyo: Ni Kristo Yesu obino i piny botho joreco. Aka aŋat'aloyo i raco;

1 Timothe 2:10

To jowobedi gi tim mabeyo paka ripo gi mon ma jowaco ni jolworo Were.

1 Timothe 2:6

m'omiyere ma botho ji je. Meno obedo gir'anena, i hongo m'otire, ni Were mito ji je jowobothi.

1 Timothe 6:18

Or jo timo gima beyo, jowoŋaŋ i tic mabeyo, jowobedi jomiyo munyo jopoko gigipiny gi joman.

Tito 2:7

Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Tito 3:8

Me wac mar'adieri. Amito ni imedi ridho gigipiny me, ŋey nyaka jom'oyeyo Were jowonyal miyirok i timo tic mabeyo. Gigipiny me beyo odoko dikony ri ji je.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 10:24

Aka weyi wapar win kwoŋ jowoti wan, munyo wakonyere i nyutho mar gi timo bero ri jowoti wan.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

1 Petero 1:18

Ato wiŋeyo gim'ocul ma gonyo win woko kwoŋ kwo masisiri ma winwaŋo wok bongi kwarere mewin, aka gim'onyewo win no k'obedo gimoro ma nyekere woko paka zahabu kosa feza,

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.

1 Yohana 3:2

Jowotan, pama onyo wabedo nyithindho pa Were, aka fodi kiŋeyere gima wabino bedo. To waŋeyo ni ka Kristo onenere wabino bedo paka go, rupiri wabino neno go paka go nitie won.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.