Tito 2:12 - KITAWO MALEŊ Catholic

¹² Ŋono no fonjo wan weyo kwo ma kilwor Were kodi awanya ma piny, bedo gi dhumirok i kwo, bedo gi tiro, gi kwo m'olworo Were i piny ka,

KITAWO MALEŊ

¹² Ŋono no fonjo wan weyo kwo ma kilwor Were kodi awanya ma piny, bedo gi dhumirok i kwo, bedo gi tiro, gi kwo m'olworo Were i piny ka,

Tito 2:12 ပူးပေါင်းရင်းမြစ်များ

Zabuli 105:45

ŋey jowoluwi cik pere, aka jowokuri or pere je. Rwoth wopak!

Zabuli 4:3

To poyi win ni Rwoth otieko yero joma lworo Were paka apere won, Rwoth winjan k'alwoŋo go.

Ezekiel 36:27

Alaketho cuny paran i win, t'amiyo win luwo cik to wigwokere ma kuro or paran.

Matayo 12:32

Moro je ma luwo gima k'otire kwoŋ Wod Dhano ibino cwako go, to ŋat'oluwi gima k'otire kwoŋ Cuny Maleŋ k'ocwaki go, pama kendo gi i hongo ma bino je.”

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 28:20

Aka wifonji jo mako or je m'amiyo win. Aka ŋey win nike abino bedo gi win ndir je, tundo i gik piny.”

Luka 1:6

Joje oyido ji mabeyo ruwaŋ Were, ma jokuro Cik je gi Or je mapa Rwoth m'ongoye apuse.

Luka 1:75

i leŋo kodi tiro i waŋe, i kwo mawan gipi.

Yohana 14:30

Onyo akibino medo luwo kodi win mathoth, rupiri jadhum ma piny me bino. Go ongoye gi meni kwoŋan,

Yohana 6:25

Munyo ji jonwaŋo Yesu yu loka, jowaco rigo ni, “Jafonji, ibino ka i hongo mene?”

Tim pa Jomoor 24:16

Am'omiyo atemo paka anyalo ndelo je bedo gi paro m'otire ruwaŋ Were kodi ji.”

Tim pa Jomoor 24:25

To munyo Paulo ocako gi luwo kwoŋ tiro, kurok, kodi bino pa ndelo ma thumo banja, lworo omako Felik to waco ni, “Ere onyo eye, abino lwoŋin kendo ka alimo hongo.”

Joroma 12:2

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joroma 6:12

Gimarac odoko wokiri wodhum i delkwoŋ win ma tho me, kareno witimo gim'awanya mere yenyo.

Joroma 6:19

Aoro wac manyadhanodhano ro nyapo ma winigine ma niaŋ. Paka yado oyido wimiyere ibedo ŋecin pa kidakana, kodi turo cik pa Were, onyo pama bende wiripo miyirok paka ŋecin pa tiro ri atoŋa ma lonyo.

Joroma 8:13

Kole ka kwo mewin nitie paka del yenyo meno wikidho tho; to ka wineko woko tim mareco gi meni pa Cuny, aka wibino kwo.

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Joefeso 1:4

Con ma piny fodi k'ocwey, go oyero wan bedo apere i Kristo, ni wabedi maleŋ, m'ongoye apuse ruwaŋ go.

Joefeso 2:2

I ndir no oyido wiluwo yo mareco manyapiny; oyido wiluwo rwoth ma dhumo ker ma hongo malo, cuny ma pama dhumo ji ma jocayo Were.

Jokolosia 1:22

To pama, kwoŋ tho ma delkwoŋ Wode, Were onyo odwoko win i tiyirok gine, ŋey go wokel win ruwaŋe, ma wileŋ ma bu raco.

1 Jothesalonika 4:7

Were k'olwoŋo wan bedo i kwo ma kidakana, to ma leŋo.

1 Jothesalonika 4:9

Ki yenyere ndiko riwin kwoŋ marok ma wiripo bedo gine ri jowot win ma bende joyeyo. Kole wiwegi Were otieko fonjo win paka wiripo marok.

1 Timothe 4:12

Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.

1 Timothe 6:9

To joma jomito ŋaŋo jopodho i karatem to jomoko i bwo pa awanya. Aka jodonjo iy'awanya ma miŋo ma kelo litho, ma tero ji i nyekirok kodi i rerok woko.

2 Timothe 3:12

Iy'adieri dhano je ma mito bedo gi kwo i Kristo Yesu, ji bino lwenyo gine.

2 Timothe 4:10

Kole Dema omako mere gi piny ma pama aka onyo oweyan okadho yu Thesalonika. Kuresike okadho Galasia aka Tito okadho Dalmatia.

Tito 3:3

Kole wan wegi onwaŋo yado wamiŋ, wajocay, aka oyido orweny wan woko. Wan oyido wabedo ŋecin pa awanya kodi kisangala ma piny; oyido waoro kwo mawan ma timo ri ji raco kodi nyeko; oyido wadakere gi ji.

Joebulaniya 8:11

Ongoye moro kwoŋ jo ma bino fonjo nyawote kendo kosa waco ri nyawote ni, “Ŋey Rwoth.” Me kwoŋbedo joje jobino ŋeyan, wok kwoŋ ŋatathin loyo, tundo kwoŋ ŋatadwoŋ loyo.

Yakobo 1:27

Yeyo ma Were Bawan tero paka yeyo m'otire m'ongoye rendirok a me: Kuro nyithindho kic kodi mon ma cwogi jo otho i candirok pajo, gi kurok kwoŋ reco ma piny.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,

2 Petero 3:11

Paka gigipiny me je ibino nyeko woko, onyo wiripo bedo ji ma cal nedi? Kwo mewin ripo bedo maleŋ ma wilworo Were,

1 Yohana 2:27

To ma mako kwoŋ win, Kristo otieko wiro kwoŋ win mo ma Cuny Maleŋ pere. Ka tekin Cuny Maleŋ pere nitie i win, odoko wikiyeny moro wofonji win. Kole wir ma Cuny no won fonjo win kwoŋ gimoro je, aka gima go fonjo obedo adieri makiweno twodo, onyo doŋ win i Kristo.

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.

1 Yohana 5:19

Waŋeyo nike wabedo apa Were aka piny gipi nitie i dhum pa Jaraco.

Yuda 1:18

Jowaco riwin ni, “I ndelo ma rumacen, ji jobino wok ariwa ma jobino nyero win, ji ma jotiyo g'awanya pajo mareco.”

Menyirok ri Yohana 14:12

Meno am'omiyo ji pa Were joripo bedo gi ciro, paka joma winjo or pa Were aka jonitie gi genirok bongi Yesu.