Tito 2:10 - KITAWO MALEŊ Catholic

¹⁰ kosa kwalo jo. Kucel, joripo nyutho ni jobeyo aka jogenere, ŋey jowokeli bero ri fonji kwoŋ Were ma Jaboth mawan, i gimoro je ma jotimo.

KITAWO MALEŊ

¹⁰ kosa kwalo jo. Kucel, joripo nyutho ni jobeyo aka jogenere, ŋey jowokeli bero ri fonji kwoŋ Were ma Jaboth mawan, i gimoro je ma jotimo.

Tito 2:10 ပူးပေါင်းရင်းမြစ်များ

Zabuli 101:6

Abino nyutho ŋono ri jono ma jotimo adieri ri Were, aka abino weyo jo bedo kodan. Jono ma jotimo adieri kicutho, ama jobino tiyo ran.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Matayo 24:45

Ŋat'obedo jatic mariek ma genere ma rwoth pere nyalo ketho go kuro peco pere? Meno ŋata miyo jopeco cemo i hongo m'otire.

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Luka 1:47

aka cunyan sangala i Were Jaboth paran.

Luka 1:80

Nyathi no odongo to bedo gi meni i cunye kendo obedo i thim cuka ndelo otundo to nyuthere kamaler ri Joisiraili.

Luka 16:10

Dhano ma genere i gigipiny mathindho ibino geno go i gimadwoŋ; ŋata kigenere i gigipiny mathindho k'ogen go i gimadongo.

Yohana 12:6

Go owaco ama ki kwoŋbedo go paro kwoŋ jocandi, to rupiri go oyido jakwo. Go oyido a jamigowa pesa aka onwaŋo diceŋ konyere gi pesa me.

1 Jokorintho 4:2

Onyo gima yenyere kwoŋ dhano m'oketh i tic meno a genirok ri rwoth pere.

Joefeso 4:1

Am'omiyo, an m'otweyan ro wac pa Yesu Kristo, akwayo win ni kwo mewin wobedi ma ripo gi lwoŋo mewin.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jofilipi 4:8

Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

1 Timothe 1:1

Balwa m'owok bongi Paulo, jamoor pa Kristo Yesu ro or pa Were ma Jaboth mawan kodi Kristo Yesu m'obedo geno mawan.

1 Timothe 5:17

Jodongo ma jotiyo maber paka jotel, ripo miyo jo kemba ma romo, tektek mere joma asa timo tic ma tito wac gi fonji.

1 Timothe 6:1

Ŋecin je joripo tero rwodhe pajo paka joma ripo amiya dwoŋ, aka nyaka moro k'oluwi marac kwoŋ nyingi Were kodi fonji mawan.

1 Timothe 6:3

Ŋata fonjo fonji m'opokere aka kiyere gi wac m'otire mapa Rwodhiwan Yesu Kristo kodi fonji kwoŋ lworo Were,

Tito 1:3

aka munyo ndir mere otundo, go onyutho wac me. Okethi wac no i cingan, aka atito paka Were ma jaboth mawan ooran.

Tito 3:4

To munyo bero kodi mar pa Were ma Jaboth mawan onenere,

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 3:16

To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.

2 Yohana 1:9

Ŋata kibedi i fonji pa Kristo, to medere i giman ayino, meno ongoye gi Were. Ŋata doŋ i fonji, meno nitie gi Bawan kodi Wode.

1 Samwiri 22:14

To Ahimelek dwoko ni, “Ŋa kwoŋ ŋecin perin je ma jar'adieri paka Daudi, go m'onywomo kiri nyarin, aka jatel pa jolweny perin, aka ji ma ot perin je joworo go!

1 Samwiri 26:23

Rwoth miyo kemba ri jono ma jotire gi ji ma jotimo adieri. Konon go omiyan in i cingan to akitimo rin gimarac rupiri Rwoth owirin gi mo bedo kere.