Tito 1:6 - KITAWO MALEŊ Catholic

⁶ Jadwoŋ ma kitipa ripo bedo m'ongoye gi komo moro, go ripo bedo jadhako acel, aka nyithindho pere joripo bedo jom'oyeyo aka jokiri jowoŋeyere paka joma ger kosa joma kiwinji or.

KITAWO MALEŊ

⁶ Jadwoŋ ma kitipa ripo bedo m'ongoye gi komo moro, go ripo bedo jadhako acel, aka nyithindho pere joripo bedo jom'oyeyo aka jokiri jowoŋeyere paka joma ger kosa joma kiwinji or.

Tito 1:6 ပူးပေါင်းရင်းမြစ်များ

Cakirok 18:19

Atieko yero go ni wogwok nyithindho pere gi nyikwaye luwo yo pa Rwoth ka jotimo tiro, ŋey Rwoth wokel rigo gim'otieko ciko.”

Agecin 28:7

Jono ma jokuro cik jobedo nyithindho ma joniaŋ, to merin pa joworo jokwoto wi jonywol.

Ezekiel 44:22

Jokiripi nywomo citho, kosa dhako m'opokere gi cwore, kwanyowoko nyako mambula wok i ot pa Isiraili, kosa citho m'oyido obedo cipa jacway ri Were i wi migam.

Jolevi 21:14

Citho, kosa dhako m'oeye, kosa dhako m'otiek nindo gine, kosa malaya, jome go kiripi nywomo; to go ripo nywomo dhako mambula wok i nono pere won,

Jolevi 21:7

Jokiripi nywomo malaya, kosa dhako m'otiek nindo gine; kosa dhako m'oeye kwoŋ cwore; kole go leŋ ri Were pere.

Malaki 2:15

Were k'ocweyo win del acel kodi cuny acel gi go? Atoŋa pere oyido aŋo i gime? Oyido obedo ni wibedi gi nyithindho manyawere. Ameno neni win ni ongoye kwoŋ win ŋata turo cikirok pere gi cege.

Luka 1:5

I ndir ma Herode obed'iye kere ma Yuda, onwaŋo nitie jacway ri Were i wi migam m'ilwoŋo ni Zekaria, ma wok i nono pa Abija; aka go oyido nigi cege ma nyakwar Aron m'ilwoŋo ni Elizabeth.

Joefeso 5:18

Wikiri wimer gi medho rupiri meno mienirok, to poŋ win gi Cuny Maleŋ ayin.

1 Jothesalonika 5:14

Jowoti wan ma wamaro, waruma win ni, gwok win joma bed'abeda m'ongoye tic; miy win joma lworlwor miseni; kony win joma nyap; aka bedi win moth gi kisi dhano.

1 Timothe 1:9

Aka waŋeyo, nike cik k'otimi ri ji mabeyo, to ri joma turo cik kodi jowictek, ri joma kilwor Were kodi joreco, ri joma kileŋ kodi joma kidew kwoŋ Were, ri joma neko bacere pajo kodi megi jo, ri joma neko jowoti gin.

1 Timothe 3:12

Jakony ma kitipa pa jom'oyeyo ripo bedo jadhako acel kende, aka jo kodi cege joripo kuro nyithindho kodi peco pajo maber.

Tito 1:10

Kole jopiem mathoth bende jonitie, tektek mere Joyuda ma jothumirok, ji ma luwo wac masisiri aka jowondo gine joman.

1 Samwiri 2:11

Ameno to Elikana dok peco pere Rama to Samwiri doŋ Silo tiyo ri Rwoth, kanyacel gi Eli jacway ri Were i wi migam.

1 Samwiri 2:22

I hongo no Eli oyido oti. Oyido iwaco rigo wac kwoŋ gigipiny ma yac pere oyido jotimo ri Joisiraili paka oyido jobedo gi mon ma tiyo i waŋkac ma Wema pa Rwoth.