Tito 1:10 - KITAWO MALEŊ Catholic

¹⁰ Kole jopiem mathoth bende jonitie, tektek mere Joyuda ma jothumirok, ji ma luwo wac masisiri aka jowondo gine joman.

KITAWO MALEŊ

¹⁰ Kole jopiem mathoth bende jonitie, tektek mere Joyuda ma jothumirok, ji ma luwo wac masisiri aka jowondo gine joman.

Tito 1:10 ပူးပေါင်းရင်းမြစ်များ

Matayo 23:14

[Kidamba otundi riwin, jondiko kodi Jofarisayo, jorendirok! Wimayo mon tho udi pajo, aka nyaka wirendere gi kwayo maboyo! Am'omiyo wibino limo gir'acula marac loyo]!

Tim pa Jomoor 11:2

Munyo Petero okidho Yerusalem, ji m'onwaŋo joyenyo ni Jopath bende jowothumere jogesa ni,

Tim pa Jomoor 15:1

Nitie jomoro ma jowok Yuda to jobino Antiok to jocako fonjo jom'oyeyo ni, “Wikinyal limo both kwanyo woko ka withumere paka Cik pa Musa waco.”

Tim pa Jomoor 15:24

Watieko winjo paka ji megi i kitipa mawan jobino koro to jokwinyo win gi luwo pajo ma to wakifonjo jo ni jowotimi ameno.

Tim pa Jomoor 20:29

Kole aŋeyo ni k'atieko eye, arara mager bino donjo bongi win, aka jok'owor sidwol rombo.

Jogalasia 2:4

Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

Jogalasia 3:1

Win Jogalasia mamiŋ! Ŋat'omieno win? Kole otiti i waŋ win won paka Yesu Kristo ogur wi musalaba!

Joefeso 4:14

Wakiripi odoko bedo pa nyithindho, ma fonji moro je kwadho jo korin gi koca pa koyo, kareno jomoro jowondo wan gi riekorieko moro kodi twodo.

1 Timothe 1:4

Wac rijo jowowey kigana ma kiniaŋere kodi bol m'oruwo ma nyingi kwarere pajo, rupiri gino kelo piem kendekende, jokikony can pa Were, ma ŋeyere i yeyo.

1 Timothe 1:6

Jomogo joloko ŋey gin ri gigipiny me to jorwenyo royo pajo i piem ma miŋo.

1 Timothe 1:9

Aka waŋeyo, nike cik k'otimi ri ji mabeyo, to ri joma turo cik kodi jowictek, ri joma kilwor Were kodi joreco, ri joma kileŋ kodi joma kidew kwoŋ Were, ri joma neko bacere pajo kodi megi jo, ri joma neko jowoti gin.

2 Timothe 3:13

Aka ji mareco kodi ma jor'aporapora jobino medirok gi reco, munyo jowondo jowoti gin kareno iwondo jo bende.

2 Timothe 4:4

Jobino weyo winjo adieri to joketho paro pajo kwoŋ kigana makicar.

Tito 1:6

Jadwoŋ ma kitipa ripo bedo m'ongoye gi komo moro, go ripo bedo jadhako acel, aka nyithindho pere joripo bedo jom'oyeyo aka jokiri jowoŋeyere paka joma ger kosa joma kiwinji or.

Yakobo 1:26

Ka nyatoro paro ni go ŋat'oyeyo, to kucel kikur lewe meno yeyo pere ongoye kony aka go won wondere.

1 Yohana 2:18

Nyithindho paran, kole me ndir ma gike; ato witieko winjo paka Jakwor pa Kristo bino; gunyo ni jokwor pa Kristo kweth jotieko nenere, aka meno apaka waŋeyo ni gike nicegin.

1 Yohana 2:4

Ka moro waco ni, aŋeyo go, to kiwinji or pere, meno ŋato jatwodo aka adieri ongoye i go.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Menyirok ri Yohana 2:14

To me a gigipiny manok m'anwaŋo kwoŋin ma k'otire: Winitie gi jomoro i dier win kenyo ma joluwo fonji pa Balam, m'ofonjo Balak nger ma ywayo cuny ji ma Isiraili jowotimi gimarac munyo jocamo riŋo m'ocow gine cal pa werin makicar, gi timo cot.

Menyirok ri Yohana 2:6

To me a gima thielin. Wikwero gima jopa Nikola jotimo, paka abende akwero.