Nahum 3:11 - KITAWO MALEŊ Catholic

¹¹ In bende ilamero, ilapondo, ilarango kapondo, kwoŋ jakwor perin.

KITAWO MALEŊ

¹¹ In bende ilamero, ilapondo, ilarango kapondo, kwoŋ jakwor perin.

Nahum 3:11 ပူးပေါင်းရင်းမြစ်များ

Zabuli 75:8

Kole i cingi Rwoth nitie kikopo, gi vini ma walo ma nge pere, m'oruw maber; go konjo woko, aka jokidakana ma piny, jolacwiyo to lokere thiŋ.

Isaya 2:10

Donji i tele, kosa pondi i fukefuke, kwoŋ nge pa Rwoth, kwoŋ dwoŋ ma dhum pere.

Isaya 2:19

Ji joladonjo i ŋungu telin, gi i kero piny, ri lworo pa Were, ri dwoŋ ma dhum pere, ka go oay miyo piny kirin.

Isaya 29:9

Miŋere win aka bedi win mamiŋ, rwenyi win aka weyi waŋ win wotho! Mer win, to ki gi vini; tangatanga win, to ki gi medho matek!

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 63:6

Anyono ji piny i nge paran, amero jo i keme paran, aka akonjo remo ma kwo pajo piny.

Yeremia 4:5

Langa i Yuda, aka ituci i Yerusalem, aka iwaci ni: “Kudhi gwara i piny; koki malo aka iwaci ni, ‘Cokere win kanyacel, aka weyi wakadhi win i tindin madongo m'ogoy'iye cel!’”

Yeremia 51:57

Alaloko jodhum mere jomero, cwo ma joriek, jotel gi jolweny. Jolakidho nindo to jok'ocew. Kere waco, go ma nyinge obedo Rwoth pa lwak jolweny.

Yeremia 8:14

Raŋo wabedo ma wakikithini? Cokere win kanyacel, weyi wakidhi win i tindin madongo m'ogoy'iye cel to wasika woko kenyo; kole Rwoth Were mawan otieko thumo riwan banja ma tho, aka go otieko miyo wan pi ma kwir amadha, rupiri watieko timo reco kwoŋ Rwoth.

Hoseya 10:8

Udi ajwoka ma Aven, reco pa Isiraili, ilareyo woko. Kudhin g'ocoke joladongo malo, wi migame pajo. Aka jolawaco ri gote ni, umi wan, kodi ri tendere ni, podhi kwoŋ wan.

Amos 9:3

Makada nende jopondi wi got Kamel, abino dwaro jo t'amako jo. Makada nende jopondi ruwaŋan i pendi nam, abino wodho or to thwol kayo jo.

Mika 7:17

Jobino naŋo fukefuke pa thwol, pa gigipiny ma jomol piny. Jolabino ka jokirin wok i kapondo pajo, jobino gik bongi Rwoth, Were mawan gi lworo, aka jobino bedo gi lworo kwoŋbedo in.

Nahum 1:10

Paka kudhin, jowiyere, paka jomero, jomer; ilareyo woko jo paka kanja m'othwo kicutho.

Nahum 2:1

Jamonji otieko ay ruwaŋin, gwoki cel; kur royo; ridhi pierin; coki meni perin je.

Luka 23:30

Meno a hongo ma ji bino wac'iye ri gote ni, ‘Podhi win kwoŋ wan.’ Gi ri tendere ni, ‘Riewere win kwoŋ wan.’

1 Samwiri 13:6

Jofilistia jomonjo Joisiraili matek, to jomiyo jo lworo. Joisiraili man jopondo i ŋungin, i kerin, i tiendi gote, i buce, kodi i jwombe;

1 Samwiri 14:11

To jario jonyuthere ri Jofilistia; aka Jofilistia jowaco ni, “Neni! Joebulaniya moro jowok i bur kam'oyido jopond'iye!”