Nahum 1:7 - KITAWO MALEŊ Catholic

⁷ Rwoth ber, go obedo kapondo i ndelo ma teko; go oŋeyo jono ma jorango kapondo i go.

KITAWO MALEŊ

⁷ Rwoth ber, go obedo kapondo i ndelo ma teko; go oŋeyo jono ma jorango kapondo i go.

Nahum 1:7 ပူးပေါင်းရင်းမြစ်များ

1 Kigana kwoŋ Kerin 16:34

Foy Rwoth, kole go ber; aka mar pere kiwire cil gi cil.

1 Kigana kwoŋ Kerin 5:20

Joketho geno pajo i Were aka jokwayo go kony, to Were dwoko kwayo pajo aka omiyo jo loyo kwoŋ jo Hagra kodi jokony pajo.

2 Kigana kwoŋ Kerin 13:18

Ameno onyali woko Joisiraili i hongo no aka ji ma Yuda jokengila jo, rupiri jokanya Rwoth, Were pa kwarere pajo.

2 Kigana kwoŋ Kerin 32:11

Hezekia ama kimien win, lamiyo witho kec gi riyo, ka waco riwin ni, ‘Rwoth Were mawan labotho wan i cingi kere ma Asiria’?

2 Kigana kwoŋ Kerin 32:21

To Rwoth dhiro malaika m'oneko jolweny ma jomeni, jomituka gi jotel i kambi pa kere ma Asiria. Ameno to kere dok i piny pere giwickwot ruwaŋe. Aka munyo odonjo i ot pa were pere, to acel kwoŋ wote rwadho go piny kenyo g'abor.

2 Kigana kwoŋ Kerin 32:8

Senakerib nitie gi meni ma nyadhano, to wanitie gi Rwoth Were mawan ma konyo wan gi lwenyo riwan.” To ji jonwaŋo miseni gi wac pa Kere Hezekia me.

Ezira 3:11

Gi pak kodi foyo, jowero wer me ri Rwoth: Rwoth ber, mar pere makiwire ri Isiraili bedo cil gi cil. Kisi dhano okoko gi meni pere, ka jopako Rwoth, kwoŋbedo oyido otiek cako misingi ma Ot pa Rwoth.

Zabuli 1:6

Kole Rwoth kwonga, aka telo joma timo gim'otire, to jokidakana joluwo yo ma rerok.

Zabuli 100:5

Kole Rwoth ber, mar pere makiwire bedo cil gi cil, aka timo adieri pere tundo i luse je.

Zabuli 20:1

Rwoth wodwokin i ndelo ma teko! Nyingi Were pa Yakobo wokwonga in!

Zabuli 25:8

Rwoth ber aka otire, riameno go fonjo joreco yo ma joripo luwo.

Zabuli 27:5

Go bino kanan i kabwok pere i hongo ma teko, go bino panan i wema pere, go kilathangan wi got mabor.

Zabuli 37:39

Rwoth botho ji ma jotimo gim'otire, go obedo kapondo pajo i hongo ma teko.

Zabuli 37:40

Rwoth konyo jo aka botho jo, go botho jo kwoŋ jokidakana, kwoŋbedo jopondo i go.

Zabuli 46:2

Riameno wakibino bedo gi lworo, makada nende piny owire, makada nende gote joyengere i cuny nam;

Zabuli 50:15

Lwoŋan i hongo ma teko; alabothin, aka ilapakan.”

Zabuli 59:16

To alawero ro meni perin, kisi odikin alawero malo ri mar perin makiwire. Kole iŋat'ibedo kapondo paran, gi ka ŋwec paran i hongo ma kidamba paran.

Zabuli 71:3

Bedi ran tele ma pondo, cel matek, ma bothan, kole iŋat'ibedo tele paran, aka kapondo paran.

Zabuli 86:7

Alwoŋin i ndelo ma teko, kwoŋbedo idwoko kwayo paran.

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Zabuli 91:15

Ka jolwoŋan, abino dwoko jo, ka jobedi i teko, abino bedo gi jo. Abino botho jo t'aworo jo.

Agecin 18:10

Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

Isaya 25:4

Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Yeremia 17:17

Ikir'ilokere ran lworo madwoŋ; ibedo kapondo paran i hongo ma teko.

Yeremia 24:5

Me apaka Rwoth, Were pa Isiraili waco ama: Paka nyanderin ma jobeyo me, alatero paka gimaber jotwec ma jowok Yuda, m'atieko riemo jo woko wok i kabedo me kidho i piny ma Babilon.

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Ywakirok 3:25

Rwoth ber ri jono ma jokuro go, ri adundo ma rango go.

Yowel 3:16

Rwoth lakihola wok i Zayon, to miyo dwonde winjirok wok i Yerusalem, polo kodi piny jolayengere. To Rwoth obedo kabwok ri ji pere, kodi kapondo ri Joisiraili.

Zefania 3:12

Kole alaweyo i dier win, ji ma jomwol aka jobwonere. Jolarango kapondo i nyingi Rwoth;

Matayo 27:43

Kole go geno Were; aka owaco ni go Wod Were. Ere weyi wanen ka Were mito botho go pama!”

Matayo 7:23

Gikenyo abino waco rijo ni, “Akuya win, kendo eye win bongan win wijotimi reco me.”

Yohana 10:14

An a jakwath maber. Aŋeyo rombo paran,

Yohana 10:27

Rombo paran winjo dwondan; aŋeyo jo, aka joluwan.

Joroma 11:22

Onyo neni win paka Were cunye ber aka odoko nyutho gero bende. Go ger kodi joma jopodho, to nyutho win bero tekin wicwire i bero pere; to ka wikitimo ameno, wibende ibino jwero win woko.

Jogalasia 4:9

To paka pama onyo witieko ŋeyo Were; kosa weyi awaci ni paka pama onyo Were oŋeyo win, winyalo nedi gik kendo bongi cuny manyap masisiri no? Raŋo ma wimito lokirok ŋecin pajo kendo?

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”