Mika 7:9 - KITAWO MALEŊ Catholic

⁹ Abino ciro nge pa Rwoth, rupiri atimo reco kwoŋ go, cuka go ocwaki ran, to thumo ran banja. Go bino wodhan i lero, Abino neno gonyirok pere.

KITAWO MALEŊ

⁹ Abino ciro nge pa Rwoth, rupiri atimo reco kwoŋ go, cuka go ocwaki ran, to thumo ran banja. Go bino wodhan i lero, Abino neno gonyirok pere.

Mika 7:9 ပူးပေါင်းရင်းမြစ်များ

2 Samwiri 24:17

Kenyo Daudi oluwo gi Rwoth munyo oneno malaika m'oyido neko ji, aka owaco ni, “Neni, atimo reco, aka atimo kidakana; to rombo me, aŋo ma jotimo? Weyi cingin, akwayin, wobedi kwoŋan gi ot pa baba.”

Yobu 23:10

To go oŋeyo woth paran je, ka go oteman, lanwaŋo ni acil paka zahabu.

Yobu 35:14

Adieri ilawaco ni Were kinen, to kur moth, kiosa perin nitie ruwaŋ go.

Zabuli 119:154

Gwokan aka bothan, miyan kwo paka iciko.

Zabuli 37:6

go bino miyo timo gim'otire perin liel paka ceŋ m'odikin.

Zabuli 43:1

Awi Were, wac ni an abu banja, aka thielan kwoŋ ji ma bu Were, kwoŋ jotwodo gi joreco!

Zabuli 7:6

Awi Rwoth, ay i nge perin, Ay malo kwoŋ nge pa jokwor paran, cew, Awi Were paran. Tiro am'imito,

Zabuli 94:15

Tiro bino nwaŋere i kapido kendo, aka jono ma cuny gin olony jobino thielo.

Isaya 42:16

Alatelo ji ma waŋ jo otho, gi royo ma jokuya, g'iger ma fodi jokuya, alatelo jo. Alawiro mudho ma ruwaŋ jo wobedi lero, kabedo m'onyany onyany wobedi lowo m'obipere. Me a gigipiny m'alatimo, aka ak'ojwangi jo.

Isaya 42:7

Ma yawo waŋ jo m'otho ma fudho jotwec ma jonitie i mudho, ma gonyo wok i katwec jono ma jonitie i colo.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 51:22

Rwoth mewin waco ama, Rwoth, Were mewin ma osa ri mito pa ji pere. Neni, akwanyo woko kikopo ma kitangatanga i cingi win, wik'omedhi kendo, wok i bakul ma keme paran.

Isaya 56:1

Me apaka Rwoth waco: Kur win tiro, aka witim gim'otire, kole both paran cegin bino, aka gony paran lanyuthere.

Yeremia 10:19

Ji ma Yerusalem joywak ni, nga walimo litho marac! Adholin mawan k'ocangi. T'awaco ni, “Me gir'acula paran, aka aripo ciro.”

Yeremia 14:7

Makada nende reco mawan segeya wan, tim gimoro, awi Rwoth, kwoŋbedo nyingin. Watieko jwangin hongo m'oromo, aka watieko timo reco kwoŋin.

Yeremia 51:10

Rwoth otieko miyo wan loyo, biye win watuci i Zayon, tic pa Rwoth Were mawan.

Ywakirok 1:18

Rwoth otire, kwoŋbedo agwenyere kwoŋ wac pere, to mondo winji win, nonin je, neni kwoŋbedo litho paran, yac paran kodi nyir paran, jokadho i twec.

Jolevi 26:41

ŋey an rumacen, amedi kwero jo t'akelo jo i piny pa jokwor pajo; ka onyo adundo pajo matek pa tele omwole to joweyo timo reco,

Malaki 3:18

Kenyo wibino poko kwoŋ jom'otire gi jokidakana, ji ma jotiyo ri Were gi joma kitiy rigo.”

1 Jokorintho 4:5

Am'omiyo wikiri withum ri nyatoro banja mafodi ndir k'otundo. Kutho kur win bino pa Rwoth, ma bino wodho i lero gimoro je m'opondo i mudho kendo bino thango kamaler atoŋa ma cuny ji. I hongo no ama nyaka dhano je bino lim'iye pak ma ripo gine wok bongi Were.

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Menyirok ri Yohana 18:20

Sangala ro podho pere, a polo! Sangala win, ji maleŋ pa Were kodi jomoor kodi jotuci wac Were pere! Kole Were otieko thumo banja rigo ro gima go oyido timo riwin!

1 Samwiri 24:15

Weyi Rwoth wothum ran kodin banja, aka wowaci ŋatarac. Weyi go wonen wac me, wogwokan, aka wobothan wok i cingin.”

1 Samwiri 25:39

Munyo Daudi owinjo ni Nabal otho owaco ni, “Rwoth wopak m'oculo Nabal kwor ro gimarac m'otimo ran to geŋan timo gimarac.” Kenyo Daudi ooro ŋecin pere weco gi Abigayili bedo cege.

1 Samwiri 26:10

Daudi omedere waco ni, “Paka Rwoth kwo, Rwoth won bino neko go, ka k'obedo ameno go bino tho ka okidho i lweny.

1 Samwiri 3:18

Ameno Samwiri owaco rigo gimoro je m'ongoye gima go okano. To Eli waco ni, “Go obedo Rwoth weyi go wotim gimaber rigo.”