Mika 7:8 - KITAWO MALEŊ Catholic

⁸ Ikir'isiemere kwoŋan, a jakwor paran; K'apodho, abino ay. K'abedo i mudho, Rwoth bino bedo lero ran.

KITAWO MALEŊ

⁸ Ikir'isiemere kwoŋan, a jakwor paran; K'apodho, abino ay. K'abedo i mudho, Rwoth bino bedo lero ran.

Mika 7:8 ပူးပေါင်းရင်းမြစ်များ

Yobu 31:29

Fodi akisangala ka jokwor paran jocandere, kosa ka joromo gi teko.

Zabuli 112:4

Ŋataber cal lero i mudho; jawor, jakisa, aka timo gim'otire.

Zabuli 143:3

Kole jakwor otieko rieman, otieko ŋinyo kwo paran piny, otieko miyan bedo i mudho, pa ŋat'otho cango.

Zabuli 20:8

Kiti ji no jobino cer to jopodho, to wan wabino ay to wacungo m'ocwiny.

Zabuli 27:1

Rwoth obedo lero paran aka bothi paran, anolwor ŋa. Rwoth obedo kapondo ma kwo paran, ŋa m'obwokan.

Zabuli 35:19

Ikir'iwey jowosangala kwoŋan, jono ma jotimo kodan kwor m'ongoye atoŋa. Ikir'iwey jowodiem waŋ gin kwoŋan jono ma jodakan nono.

Zabuli 37:21

Jokidakana jokwayo gigipiny, aka jokinyal culo, to jomaber jomiyo m'ongoye olo.

Zabuli 37:24

makada nende jopodhi, jokibino doŋ piny, kwoŋbedo Rwoth konyo jo ay malo.

Zabuli 38:16

Kole akwayo, ikir'iwey jokwor paran jowonyeran, ikir'iwey jowosangala ka tiendan ocer!

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 97:11

Lero menyo ri ji ma jotimo gim'otire, gi kisangala ri joma cuny gin olony.

Isaya 2:5

Awi ot pa Yakobo, biye, weyi wawothi, i lero pa Rwoth!

Isaya 49:9

Awaco ri jotwec ni, ‘Kadhi win.’ Awaco ri jono ma jonitie i mudho ni, ‘Wok win woko i lero.’ Jolacemo i yo malomalo, jolacemo kiri i wi tendere maler.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 9:2

Ji m'oyido jowotho i mudho, jotieko neno lero madwoŋ, oyido jobedo i piny ma mudho, to lero omenyo jo.

Yeremia 48:27

Isiraili oyido obedo ginyero rin, makada nende k'omaki go i dier jokwo. To kisi k'oyido iluwo kwoŋ go, iyengo wiyin.

Yeremia 50:11

Rwoth waco ni, “Makada nende ifore, aka isangala, awi ji ma jonyaga piny paran, makada nende wipor malo paka roya dhiaŋ ma camo lum, aka i hamo paka kayina matek,

Yeremia 8:4

Ibino waco rijo ama, Rwoth waco ama: Ka ji jopodho, jokiay malo kendo? Ka jorwenyo, jokiwire?

Ezekiel 25:6

Kole Rwoth Were waco ama: Rupiri wigoyo adhoŋ aka wigoyo mayindo to wifore gi ŋol pier je manitie i win kwoŋ piny ma Isiraili,

Ezekiel 35:15

Paka wifore kwoŋ gir'alunja ma ot pa Isiraili, rupiri oyido ojwangere, ameno apaka alatic gi win; wilajwangere, Gote ma Edom, kodi lowo je ma Edom, joje. Nyaka jolaŋeyo ni An Abedo Rwoth.

Ezekiel 36:5

Riameno Rwoth Were waco ama: Aluwo i nyeko paran malieth swa kwoŋ nonin man je m'odoŋ, kodi kwoŋ Edom, ma gi kisangala madwoŋ swa kodi mbusa, jokwanyo lowo paran paka gipajo, kwoŋbedo lum mere to jonyaga.

Amos 9:11

I ndelo no, alatiŋo malo, ker pa Daudi m'opodho. Abino yiko kam'onyekere mere, t'ageto malo gundin mere. Abino doko geto paka oyido cango con nitie.

Obadia 1:12

Dinyo ikisiemere, kwoŋ lifol pa wutmin in ma Yuda. Dinyo ikisangala, i ndelo ma rerok pajo. Dinyo ikipakere, i ndelo ma rembo pajo madwoŋ.

Mika 4:10

Dwanyere win aka wiuja ji ma Yerusalem, paka dhako ma colo nyathi. Kole onyo pama wilawok i tindi madwoŋ, to wibedo i piny m'othangere; wibino kidho i Babilon. Kenyo ibino botho win, kenyo Rwoth bino botho win, wok i cingi jokwor mewin.

Mika 7:10

Kenyo jakwor paran bino neno, aka wickwot bino umo ŋat'openjan ni, “Nikune Rwoth Were perin?” Waŋan bino neno jakwor paran, onyo ibino nyono go piny, pa cwodho ma ngudo.

Zekaria 12:8

I ndelo no Rwoth lakikwonga ji ma jobedo i Yerusalem ŋey ŋata nyap kwoŋ jo i ndelo no wocale paka Daudi; aka ot pa Daudi labedo paka Were, paka malaika pa Rwoth ruwaŋ jo.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Matayo 4:16

Ji m'oyido jonitie i mudho joneno lero madwoŋ; Aka ri jom'oyido jonitie i piny ma mudho ma tho, lero otieko menyere.”

Yohana 16:20

Adieri awaco riwin, wibino ywak to wirem, kareno piny sangala. Wibino winjo malith, to winjo malith mewin no bino lokere kisangala.

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

2 Jokorintho 4:9

Icando wan, to k'ojwangi wan; bende ogoy wan piny, to wakirere woko.

Menyirok ri Yohana 21:23

Tindi no kiyeny ceŋ kosa dwe wokel'iye lero, rupiri dwoŋ pa Were am'obedo lero mere, aka Nyathi rombo a tala mere.

Menyirok ri Yohana 22:5

Colo ma wor odoko kilabedo, aka jokibino yenyo lero ma tala kosa lero ma waŋceŋ, Rwoth Were won ama bino bedo lero pajo, aka jobino dhumo cil gi cil.