Mika 7:18 - KITAWO MALEŊ Catholic

¹⁸ Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

KITAWO MALEŊ

¹⁸ Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Mika 7:18 ပူးပေါင်းရင်းမြစ်များ

Cakirok 4:7

Kabedi oyido itimo gim'otire, dinyo ibwonjo. To rupiri itimo gimarac, reco gwaro thigo perin mito dhumin; t'iripo dhumo.”

1 Kerin 8:23

to kwayo ni, “Awi Rwoth, Were pa Isiraili, ongoye Were ma cale in, i polo malo kosa i piny! Ikuro cikirok perin gi ji perin aka inyutho mar makiwire ka jowotho ruwaŋin gi cuny jo je.

2 Kigana kwoŋ Kerin 30:9

Ka wigik bongi Rwoth, nyaka jono ma jomayo win wade mewin paka jotwec jomaki gi jo wor to joweyo jodwoko. Rwoth Were mewin jakisa doko jaŋono, aka ka wigik bongi go, go lajolo win.”

2 Kigana kwoŋ Kerin 6:21

Winji kwayo paran gi kwayo pa ji perin ka joŋiyo kabedo me to jokwayo. I nyingin i polo winji wan aka icwaki reco mawan.”

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Zabuli 103:13

Paka ba nyithindho timo wor ri nyithindho pere, apaka Rwoth timo wor ri jono ma joworo go.

Zabuli 130:4

T'icwako reco, aka am'omiyo wolworin.

Zabuli 35:10

Abino waco ri Rwoth gi cunyan je, “Ongoye ŋata cale in. Ikwonga ji ma jongoye gi nyalo kwoŋ jomatek, gi jocandi kwoŋ joma diyo jo.”

Zabuli 65:3

ro reco pajo. Reco mawan okengila wan, to icwako wan.

Zabuli 65:4

Josilwany a jono m'iyero, ji m'ikelo bedo i kabedo perin maleŋ. Wabino yeŋ gi gigipiny mabeyo ma ot perin, silwany ma Ot pa Were maleŋ.

Zabuli 71:19

gi tim perin m'otire, Awi Were tundo i polo, In m'itieko timo gigipiny madongo, Awi Were, ŋa ma cale in?

Zabuli 86:15

To in Rwoth, ibedo Were ma jawor aka nitie gi mar, ikimaki nge piyo, ipoŋ gi mar makiwire aka itimo adieri.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Zabuli 89:6

Ongoye ŋata cale kodin i polo, ongoye cwec ma polo ma cal Rwoth.

Zabuli 89:8

Awi Rwoth pa lwak jolweny, ŋa ma jameni paka in, Awi Rwoth, itimo adieri i gimoro je.

Kitawo mar'ario mapa Musa m'ilwoŋo ni Wok 15:11

“Rwoth, ŋa ma calin, kwoŋ werin je? Ŋa ma calin, itek loyo joje? Ŋa manyalo timo gir'aura gi tim madongo paka aperin?

Kitawo mar'ario mapa Musa m'ilwoŋo ni Wok 34:9

Musa owaco ni, “Rwoth, k'adieri iwinjo kodan maber, akwayin ikadhi gi wan. Ji me wiy gin tek, to cwaki raco gi reco mawan, aka iyey wan paka ji perin.”

Isaya 1:18

Onyo biye win, weyi waluw kanyacel, Rwoth waco. Makada nende reco mewin obokere swa, lalony matar paka pe, paka yer rombo.

Isaya 33:24

Ongoye ŋata bedo i lowo mawan ma latwo kendo, ji ma jobedo kenyo je ilacwako ri joreco pajo.

Isaya 38:17

Neni, obedo ro bero paran won, ama abedo gi keco madwoŋ, t'idwoko kwo paran wok i bur ma rerok, rupiri ibolo reco paran je yuŋeyan.

Isaya 40:18

Onyo inopima Were g'aŋo, kosa cal mene?

Isaya 40:25

Onyo inopima an gi ŋa, kosa ŋa marom kodan? Ŋataleŋ penjo.

Isaya 43:25

Kucel, Abedo Were ma cwako reco mewin ro bero paran won, aka Ak'opoy reco mewin.

Isaya 44:22

Atieko ywero woko reco perin paka pondeponde, gi reco mewin paka fumbi, dwoki bongan, kole atieko bothin.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 57:10

I thotho ma woth mewin, oyido wilacere to wikiwaco ni “Obedo gim'ongoye kony.” Winwaŋo kwo manyen ri meni mewin, aka ameno wikinyapere.

Isaya 57:16

Kole akilamedo kisegeya ji paran, kosa mako nge noknok. Kole bongan ama cuny wok'iye, aka atieko timo luya ma kwo.

Isaya 62:5

Kole paka jayac nywomo dhako mambula, ameno apaka yac perin lanywomin. Aka paka jamweha fore gi mweha pere, ameno apaka Were perin lafore kodin.

Isaya 64:9

Awi Rwoth, ikir'imaki nge tektek, aka ikir'ipoy reco cil gi cil. Neni, dew ni wajoje wabedo ji perin.

Isaya 65:19

Alafore i Yerusalem, t'asangala i ji paran; derino ma ywak k'owinjere kendo i iye, kosa ywak ma litho.

Yeremia 3:12

Kidhi ititi wac me yuthenge ma yumalo, aka iwaci ni: “Gik, awi Isiraili ma kigenere.” Rwoth waco. Ak'onenin gi nge, rupiri abedo jawor. Rwoth waco. Akilamako nge cil gi cil.

Yeremia 3:5

Go obedi gi nge cil gi cil, cuny go oŋedhere kiri i gike?” Me apaka itieko luwo, to itieko timo gimarac moro je m'inyalo.

Yeremia 31:20

Efrayim obedo wodan ma kacunyan? Go obedo nyathi ma fore gine? Paka aluwo kwoŋ go noknok, fodi apoyo go. Riameno cunyan rembo rigo, alanyutho go ŋono adieri. Rwoth waco.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yeremia 32:41

Alafore i timo bero rijo, aka alapidho jo i lowo me iy'adieri, gi cunyan je kodi adundo paran je.

Yeremia 33:8

Alacido woko reco pajo je aka alacwako reco pajo gi gwenyirok pajo je kwoŋan.

Yeremia 38:8

Ameno to Ebed Melek wok i ot pa kere to luwo gi kere ka waco ni,

Yeremia 50:20

I ndelo no, aka i hongo no, reco kilabedo i Isiraili, aka kidakana langoye i Yuda, kwoŋbedo alacwako ri jono m'abino weyo makwo, Rwoth waco.”

Yeremia 9:24

To weyi jono ma jodele jowodele i gime: Ni jowoniaŋ aka jowoŋeyan, nike Abedo Rwoth. Atiyo gi mar makiwire, tiro, kodi adieri i piny, afore i gigipiny me,” Rwoth waco.

Ezekiel 18:23

Rwoth Were penjo ni, “Anitie gi kisangala moro je i tho pa jakidakana? Be Them anen go pusere to kwo.”

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Ezekiel 33:16

Kilapoyo reco mogo je ma go otieko timo; rupiri go otieko timo gima cik mito, gim'otire, go lakwo adieri.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Hoseya 14:5

Alabedo paka thoyo ri Isiraili; go lathiwo paka mawuwa, go layaro tiende paka lule ma Lebanon.

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Amos 1:11

Me apaka Rwoth waco: Ji ma Edom jomedere timo reco kendo, aka ro gime akibino wiro gir'acula pajo, rupiri joredho piny wade pajo Joisiraili gi toŋ, aka jok'onyutho jo wor. Nge pajo kidhumere aka jokiwey otho.

Amos 7:8

Aka Rwoth openjan ni, “Amos, ineno aŋo?” Adwoko ni, “Aneno kabiro.” Kenyo Rwoth owaco ama: Neni, aoro kabiro me, ma nyutho ni ji paran Isiraili, jocale kor ot m'oban. Akibino wiro paro paran ma miyo jo gir'acula.

Amos 8:2

Rwoth openjan ni, “Amos, aŋo m'ineno?” Adwoko ni, “Adita mar'olemo.” Kenyo Rwoth owaco ran ama: Gike otundo kwoŋ ji paran Isiraili. Akibino doko wiro paro kwoŋ miyo jo gir'acula.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Mika 2:12

T'abino coko win, a Isiraili, abino coko ji pa Isiraili ma jodoŋ. Abino ketho jo kanyacel, paka rombo i sidwol, paka mwendi ma jocamo lum, paka lwak ji ma jowoy.

Mika 4:7

Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Mika 5:3

Riameno Rwoth bino jwango ji pere tundo i hongo, madhako ma ripo nywol obedi gi wode. Kenyo nyaka Joisiraili ma jonitie wiloka jodwoki, to joriwere gi ji pajo wegi.

Mika 7:14

Kway ji perin gi luth perin Rwoth, ji perin m'itieko yero ma jobedo i thim, nitie lowo maber thoko jo. Weyi doko jowopidhere i Basan kodi Giliad, paka oyido cango con.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Kwan 23:21

Go fodi k'oneno silwany marac kwoŋ Yakobo, kosa teko i Isiraili. Rwoth Were pajo nitie gi jo, Jotuco nike Rwoth obedo Kere pajo.

Luka 15:32

Aka oyido ripo ni watim kalima wasangala ye; kole omin in me onwaŋo otieko tho, to pama onyo kwo; onwaŋo otieko rwenyo, to pama onyo onwaŋere.’ ”

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Joroma 11:4

Were omiyo go radwok aŋo? Odwoko go ni, “Atieko ketho gicen ji gana abirio ma fodi jok'olamo were Bal.”

Kitawo mar'abic mapa Musa m'ilwoŋo ni Cik 33:26

Ongoye ŋata cale Were, Awi Yesurun, ma gweco i polo ri kony perin, i dwoŋ pere i pondeponde.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Jothum Banja 10:16

Ameno jokwanyo woko werin makicar je m'oyido nitie i dier jo, aka jolamo Rwoth. Kenyo Rwoth k'onyalo ciro neno Isiraili ka candere.