Mika 5:2 - KITAWO MALEŊ Catholic

² To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

KITAWO MALEŊ

² To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Mika 5:2 ပူးပေါင်းရင်းမြစ်များ

Cakirok 35:16

Kenyo jowotho wok Bethel, aka munyo fodi jonitie bor ye gi Efrath, ŋedi ocakere gi Laker to nywol bedo rigo matek.

Cakirok 35:19

Ameno Laker otho, aka oyiki go i yo ma kidho Efrath (meno Bethelehem)

Cakirok 48:7

Atimo gime ro yokin Laker. I rem paran madwoŋ go otho i lowo ma Kanan, kama kibor gi Efratha munyo nyaka adwoko wok Mesopotamia. Ayiko go kenyo i thengi yo ma kidho Efratha.” (Efrath pama oŋeyere paka Bethelehem.)

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

1 Kigana kwoŋ Kerin 2:54

Salima m'ocako tindi Bethelehem obedo kwari ji ma Netofath, ji ma Atiroth Beth Yowab kodi ji ma Zora, m'oyido jobedo nonin ario i Manahath.

1 Kigana kwoŋ Kerin 4:4

Penuel obedo ba Gedor, aka Ezer obedo ba Husa. Etam, Penuel kodi Ezer jobedo wot Hur, okayo pa Efratha cipa Kaleb.

1 Kigana kwoŋ Kerin 5:2

Nono pa Yuda am'olokere matek to jotel ma nonin je wok kwoŋ go.)

Zabuli 132:6

Wawinjo kwoŋ Kakan ma Cikirok i Efratha, aka wanwaŋo i sa ma Yar.

Zabuli 90:2

Mafodi ikicweyo gote kosa icweyo piny gibe, oyido ibedo Were makwo cil gi cil, aka ibino bedo Were cil gi cil.

Kitawo mar'ario mapa Musa m'ilwoŋo ni Wok 18:21

To medo i wi meno, iripo yero cwo ma jonitie gi nyalo, ma jolworo Were, ma jogenere, aka jokijol nyew. Ikethi jo telo ji i kitipa ma ganin, miya, piero abic, kodi apar.

Kitawo mar'ario mapa Musa m'ilwoŋo ni Wok 18:25

aka oyero cwo ma jonitie gi nyalo wok kwoŋ Joisiraili. Oketho jo telo kitipin ma ganin, miya, piero abic, kodi apar.

Isaya 11:1

Yath lakitula wok i kolo pa Yese, aka jangi yath lakitula wok i fuc mere.

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Isaya 55:4

Neni, aketho go mijulisi ri ji, jatel aka jamituka pa ji.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Yeremia 30:21

Jadhum pajo labedo acel kwoŋ jo wegi, go bino wok i dier jo wegi. Alakelo go cegin, aka go lacore bongan, kwoŋbedo ŋa manyalo bedi gi miseni ma corok bongan? Rwoth penjo.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Amos 9:11

I ndelo no, alatiŋo malo, ker pa Daudi m'opodho. Abino yiko kam'onyekere mere, t'ageto malo gundin mere. Abino doko geto paka oyido cango con nitie.

Mika 4:10

Dwanyere win aka wiuja ji ma Yerusalem, paka dhako ma colo nyathi. Kole onyo pama wilawok i tindi madwoŋ, to wibedo i piny m'othangere; wibino kidho i Babilon. Kenyo ibino botho win, kenyo Rwoth bino botho win, wok i cingi jokwor mewin.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Matayo 2:1

Munyo otiek nywolo Yesu i tindi ma Bethelehem, i Yuda i ndir ma Herode oyido kere, jorieko moro ma jofonjere kwoŋ micalin jowok yuwok ceŋ to jobino Yerusalem;

Matayo 2:6

“In Bethelehem, i piny pa Yuda, iŋat'ikithin loyo i dier jodhum ma Yuda; kole kwoŋin ama jatel bino wok'iye, ma bino bedo jakwath pa Joisiraili.”

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Luka 23:2

kama jocako kel'iye kwoŋe wac ni, “Wanwaŋo jalin komo ji, munyo waco ri ji ni kiri jowogoy misolo ri Kayisar aka ŋoyo ni go Kristo m'obedo kere.”

Luka 23:38

Wac me bende ondiki yuwiye: “Me Kere pa Joyuda.”

Yohana 7:42

K'ondiki ni Kristo bino bedo nyakwar Daudi, aka ibino nywolo go i Bethelehem, tindi pa Daudi?”

Kitawo mar'abic mapa Musa m'ilwoŋo ni Cik 1:15

Ameno akwanyo cwo mariek, ma jonitie giŋeyo aka aketho jo bedo jotel mewin, paka jomituka ma ganin, miyin, piero abic, kodi apar i nonin mewin je.

Jokolosia 1:17

Go obedo mafodi gigipiny je, aka cungo kwoŋ go gigipiny je jonitie i kabedo pajo.

Joebulaniya 13:8

Yesu Kristo kiwire nyoro, konon, kodi cil gi cil.

Joebulaniya 7:14

Kole oŋeyere maber paka Rwodhiwan onywole i nono pa Yuda; aka Musa k'otuco nono me munyo luwo kwoŋ jocway ri Were i wi migam.

1 Yohana 1:1

Wandiko riwin kwoŋ wac ma kwo, m'otieko bedo wok i cakirok, ma watieko winjo odoko watieko neno gi waŋ wan, watieko kikaŋasa, aka cingi wan otieko geyo.

Menyirok ri Yohana 19:16

I nanga pere kodi i bat mere ondiki nyinge me: “Kere pa kerin, Rwoth pa rwodhe je.”

Menyirok ri Yohana 2:8

Ri malaika ma kitipa pa jom'oyeyo ma Simirina ndiki ama: Me mikwenda ma wok bongi ŋati marapena kendo macowe, m'otho aka doko onyo kwo.

Menyirok ri Yohana 21:6

Aka owaco ran ni, “Otieko timere! An a Alifa kodi Omega, cakirok kodi gike. Ŋata riyo neko abino miyo pi amadha ma nono ma wok i waŋ pi ma kwo.

Jothum Banja 17:7

Oyido nitie jayac moro ma wok Bethelehem i Yuda, janono pa Yuda. Go oyido obedo Jalevi aka bedo kenyo.

Ruth 1:1

I hongo ma Joisiraili oyido fodi jongoye gi kere, kec oyido nitie i piny. Jacwo moro ma wok i Bethelehem i Yuda okadho i piny Mowab, go gi cege kodi wote ario.

Ruth 4:11

To ji je m'oyido jonitie i waŋkac kanyacel gi jodongo jodwoko ni, “Wabedo jokony. Wakwayo ni Rwoth wokonyi dhako me m'ikidho nywomo wobedi paka Laker gi Leya, ma jonywolo nyithindho kweth ri Yakobo. Mondo ibedi ŋat'oŋaŋ i nono ma Efratha kodi ŋat'oŋeyere i Bethelehem.

1 Samwiri 10:19

To konon me wikwero Were mewin ma botho win wok i teko gi dinyo je; to wiwaco ni, ‘Be! Miy wan kere.’ Pama onyo wijoje cokere win ruwaŋ Rwoth luwo i nono kodi ude.”

1 Samwiri 17:12

To bedo jayac m'ilwoŋo ni Daudi wod pa Yese janono pa Efratha ma wok i tindi Bethelehem i piny Yuda. Yese oyido nitie gi wote aboro, aka i hongo ma dhum pa Saulo go oyido otieko ti.

1 Samwiri 17:18

To doko Yese miyo Daudi mo dhiaŋ apar ni woter ri jamituka pa jolweny pa Joisiraili. To waco rigo ni, “Neni nger ma wutmin in jonitie iye, aka idwoki gi gimoro ma nyutho ni inwaŋo jober.”

1 Samwiri 23:23

Rangi win kama go pond'iye je, aka widwoki ran gi wac ma ridho. Nyaka abino kidho gi win, aka k'inen go fodi nitie iy'adec, alarango go i piny Yuda gipi.”

1 Samwiri 8:12

Go laloko jomegi jomituka pa jolweny pere i kitipin ma ganin kodi ma piero abic. Jomegi jobino furo i ndelin pere to jokeco ranyak, aka jomegi jobino timo rigo gilweny kodi cumin ma cawila pere.