Mika 1:7 - KITAWO MALEŊ Catholic

⁷ Cal pere je ibino ŋinyo woko mathindho thindho, aka mic pere je ibino waŋo woko gi mac. Cal pere je bino ŋinyirok rupiri wok kwoŋ mic pa malayin ma ot ma lamo ama go ocoko jo. Onyo jokwor pere bende jobino tero ri malayin ma ot ma lamo kaman.

KITAWO MALEŊ

⁷ Cal pere je ibino ŋinyo woko mathindho thindho, aka mic pere je ibino waŋo woko gi mac. Cal pere je bino ŋinyirok rupiri wok kwoŋ mic pa malayin ma ot ma lamo ama go ocoko jo. Onyo jokwor pere bende jobino tero ri malayin ma ot ma lamo kaman.

Mika 1:7 ပူးပေါင်းရင်းမြစ်များ

2 Kigana kwoŋ Kerin 31:1

Munyo kalima orumo, ji je ma Isiraili jokidho i kisi tindi madwoŋ i Yuda to joturo sirin ma telin, jotoŋo piny cal pa were madhako Asera, to joreyo migame kodi kabedo ma lamo manyakafir. Jotimo gimoro acel no i Yuda paka rom, iy'adec pa Benyamin, Efrayim kodi Manase; nyaka to joje jodok peco.

Isaya 2:18

Cal je jolarwenyo kicutho.

Isaya 23:17

I gike ma oro piero ario, Rwoth lawendo ri Tire, aka Tire lagik i mitan pere kendo, aka latimo malaya gi kerin je ma piny.

Isaya 27:9

Riameno, gi gime ilaumo reco pa Yakobo, me labedo ranyak m'opoŋ ma kwanyo woko reco pere, ka go oloko telin je ma migam, paka coka m'oŋiny mathindho thindho, m'ongoye migam pa were madhako Asera kosa ma buban m'odoŋ.

Ezekiel 6:6

I kabedo mewin je, tindin madongo mewin labedo gundin, aka ilareyo woko udi ajwoka mewin to josika. Migame mewin ilaŋinyo woko aka calin mewin jolangoye, ilatoŋo piny migame mewin ma waŋo buban, t'iyweyo woko tic mewin.

Hoseya 2:12

Alakedho woko vini pere gi kiti makuyu m'icamo, ma go oluwo kwoŋe ni, “Me cul paran, ma jomitirok paran jomiyan.” Alaloko jo lul, aka ogwaŋe mager madudi lacuto jo.

Hoseya 2:14

Riameno, aladwoŋo go, t'akelo go i thim, t'aluwo gine gi mwolo.

Hoseya 2:5

Kole min jo timo kidakana; go m'ogamo jo i iye otimo giwickwot. Kole go owaco ni, “Aladwaro jomitirok paran; jo ama jomiyan cemo gi pi, yer rombo paran gi law mafoth, mo paran gi gir'amadha paran.”

Hoseya 8:5

Atieko kwero nyathi dhiaŋ perin, Awi Samaria. Nge paran liel kwoŋ jo. Latero jo hongo aŋo bedo ma bu apuse?

Hoseya 8:6

Kole wok i Isiraili, japac am'otimo; k'obedo Were. Nyathi dhiaŋ ma Samaria ilaturo mathindho thindho.

Yowel 3:3

Jobolo kwir ri ji paran, jotana yac paran ri malayin, to jotana nyir ri vini, ŋey jowomedhi.

Jolevi 26:30

Alareyo woko kabedo mewin manyakafir t'aturo piny migam mewin ma buban; aladhuro cokin mewin i wi cokin pa cal mewin. Aladak win.

Kitawo mar'abic mapa Musa m'ilwoŋo ni Cik 23:18

Wikiripi kelo pesa m'ocul malaya i Ot pa Rwoth Were mewin i cul ma cikirok, kole je obedo amien ri Rwoth Were mewin.

Kitawo mar'abic mapa Musa m'ilwoŋo ni Cik 9:21

Akwanyo gireco mewin ma witimo, cal ma rwath, aka awaŋo gi mac t'aŋinyo woko, t'arego swa, cuka olokere fukefuke; aka akonjo i pi ma mol loro piny ma got.

Menyirok ri Yohana 18:3

Kole go opoko ji je vini pere ma kidakana to jomadho. Kerin ma piny jotimo gine cot, aka jomitan ma piny joŋaŋ kwoŋ kwo pere ma mito gigipiny ma welo.”

Menyirok ri Yohana 18:9

Kerere ma piny m'oyido joŋiyo timo gine kidakana, kodi yodirok i kwo pere ma welo, jobino winjo gi rem to joywako go kareno joneno yiro ma wok i waŋ pere.

1 Samwiri 5:4

To munyo jocewi yawere odikin doko jonwaŋo Dagon opodho gi nyime piny ruwaŋ Kakan ma Cikirok pa Rwoth. Rume cinge ario je gi wiye oyido jotur to joywore kiri i dhiot; aka nyaka kore kende am'oyido odoŋ.