Matayo 8:20 - KITAWO MALEŊ Catholic

²⁰ Yesu odwoko go ni, “Kibwe jonitie gi kero pajo, aka winyin bende jonitie gi od gin, to Wod Dhano ongoye kodi kama go othen'iye wiye.”

KITAWO MALEŊ

²⁰ Yesu odwoko go ni, “Kibwe jonitie gi kero pajo, aka winyin bende jonitie gi od gin, to Wod Dhano ongoye kodi kama go othen'iye wiye.”

Matayo 8:20 ပူးပေါင်းရင်းမြစ်များ

Zabuli 104:12

I wi yen macegin gi jo, winyin jogeto od jo aka jowero.

Zabuli 104:17

Kenyo winyin jogeto od jo; obicin jogeto od gin i wilwindi.

Zabuli 109:22

Kole ajacandi, aka abu gimoro, litho nitie i cunyan.

Zabuli 40:17

Paka ri an, ajacandi aka abu gimoro, to idewo kwoŋan Rwoth. Ibedo jakony paran aka jaboth paran ikir'igali, Awi Were paran!

Zabuli 69:29

To acandere aka anitie i litho; weyi both perin, Awi Were, wokwonga an.

Zabuli 84:3

Kiri obico je jogeto od gin koro, aka winyin jogeto peco pajo. Jonywolo nyithindhi gin cegin gi migam perin, Rwoth pa lwak jolweny, Kere paran aka Were paran.

Matayo 12:32

Moro je ma luwo gima k'otire kwoŋ Wod Dhano ibino cwako go, to ŋat'oluwi gima k'otire kwoŋ Cuny Maleŋ k'ocwaki go, pama kendo gi i hongo ma bino je.”

Matayo 12:40

Paka Yona ocowo odieceŋ adek kodi wor adek i iy rec, apaka bende Wod Dhano bino cowo odieceŋ adek gi wor adek i iy lowo.

Matayo 12:8

Kole Wod Dhano obedo Rwoth ma Sabato.”

Matayo 13:37

Yesu odwoko ni, “Ŋat'ocwoyo kodhi maber, meno Wod Dhano;

Matayo 16:13

Yesu okidho iy'adec macegin kodi Kesereya Filipi kama go openj'iye jofonjirok pere ni, “Ji jowaco ni Wod Dhano obedo ŋa?”

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 17:9

Munyo jotieko loro wok wi got, Yesu ociko jo teltel ni, “Wikiri wiwaci ri moro kwoŋ gim'onenere me cuka Wod Dhano otiek cerino kwoŋ jom'otho.”

Matayo 19:28

Yesu owaco rijo ni, “Adieri awaco riwin, i ndir manyen, ma Wod Dhano bino bed'iye wi kom pere ma dhum ma didwoŋ, gikenyo wijapar g'ario ma wiluwan bende wibino bedo wi kombere ma dhum apar g'ario, kareno withumo banjin ri nonin apar g'ario ma Isiraili.

Mariko 8:38

Am'omiyo ka dhano wiye okwot kodan gi fonji paran, i ndir ma ji kuy'iye Were, ndir ma ji odakan iye, Wod Dhano bende wiye bino kwot gi ŋato ka go dwoko i dwoŋ pa Bamere kanyacel gi jomalaika maleŋ.”

Luka 12:8

“Aka awaco riwin, dhano je ma tuco i dier ji nike go oyeyan, Wod Dhano bende bino tuco go ruwaŋ jomalaika pa Were.

Luka 18:8

Aridho riwin ni go bino neno gimaber wotim rijo, kendo bino timo ameno i yoto. To ceŋ ma Wod Dhano odwok'iye, onwaŋ yeyo moro i piny?”

Luka 2:12

Aka me a ranyuth riwin, wibino nwaŋo nyathi maŋic m'oboy i nangin pa nyithindho t'ipielo i wer ma cemo dhok.”

Luka 2:16

Gikenyo joredo to jonwaŋo Maria gi Yozefu kodi nyathi m'opiel i wer ma cemo dhok.

Luka 2:7

Go onywolo wode makayo to umo gi nangin pa nyithindho, to pielo i wer ma dhok cem'iye rupiri kabedo k'onwaŋere rigo i ot wendo.

Luka 21:36

Kendo kure win aka wikway noknok nike wibedi gi meni ma ciro gigipiny ma bino timere me je to wicungo i nyim Wod Dhano.”

Luka 8:3

Yoana cipa Kuza, jatic madwoŋ i ot pa Herode, kodi Susana, kodi joman kweth m'onwaŋo jokonyo wendo gi gigipiny ma wegi jokelo.

Luka 9:58

Yesu odwoko ni, “Kibwe jonitie gi kero pajo, aka winyin ma malo bende jonitie gi od gin, to Wod Dhano ongoye kodi ka theno wiye.”

Yohana 1:51

Aka Yesu owaco rigo ni, “Adieri awaco rin, ibino neno munyo polo oyawere kareno jomalaika pa Were joidho malo aka joloro piny wi Wod Dhano.”

Yohana 12:34

Lwak ji odwoko ni, “Kole Cik mawan waco ni Kristo bino kwo cil gi cil. To idoko iwaco ni Wod Dhano iripo tiŋo malo nedi? Wod Dhano no a ŋa?”

Yohana 13:31

Munyo Yuda otieko kadho, Yesu owaco ni, “Pama Wod Dhano onyo otieko limo dwoŋ, aka Were bende onyo otieko limo dwoŋ i go.

Yohana 3:13

Aka ongoye moro m'otieko kidho i polo kwanyo woko Wod Dhano m'obino i piny wok i polo.”

Yohana 3:14

“Aka paka Musa oŋawo thwol ma nyweny wi yath moro i thim, apaka bende ibino ŋawo Wod Dhano malo.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 6:53

Yesu owaco rijo ni, “Adieri awaco riwin ni ka wikicamo delkwoŋ Wod Dhano to wimadho remo pere wik'obedi gi kwo i win.

Yohana 6:62

To kosa bedi winen Wod Dhano munyo gik malo kama yado go oyido nitie iye con!

Tim pa Jomoor 7:56

Aka owaco ni: “Neni! Eno aneno polo oyawere aka Wod Dhano ocungo yuracuc pa Were!”

2 Jokorintho 8:9

Kole wiŋeyo nema pa Rwodhiwan Yesu Kristo ni kada go oyido oŋaŋ, olokere jacandi ri bero mewin, ŋey go woloki win jom'oŋaŋ kwoŋ candi pere.