Matayo 7:21 - KITAWO MALEŊ Catholic

²¹ Ki dhano je ma lwoŋan ni, Rwoth, Rwoth, ma bino donjo i Ker ma polo, kende ŋata timo gima Baba man polo yenyo.

KITAWO MALEŊ

²¹ Ki dhano je ma lwoŋan ni, Rwoth, Rwoth, ma bino donjo i Ker ma polo, kende ŋata timo gima Baba man polo yenyo.

Matayo 7:21 ပူးပေါင်းရင်းမြစ်များ

Matayo 12:50

Kole ŋata timo gima Baba manitie i polo yenyo ni wotim, meno am'obedo omera, nyamera, gi yokan.”

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Matayo 18:10

“Neni ni wikicay nyaka jomathindho me; kole awaco riwin, i polo koro jomalaika pajo jonitie ruwaŋ Baba man polo hongo je.

Matayo 18:19

“Aka awaco riwin kendo, ka j'ario kwoŋ win i piny ka joyere i gimoro ma jokway, Baba manitie i polo bino timo rijo gino.

Matayo 18:3

aka owaco ni, “Adieri awaco riwin ni, wik'odonji i Ker ma polo, kwanyo woko ka wiwire aka wilokere paka nyithindho.

Matayo 18:35

Yesu ocowo wac ni, “Meno apaka Baba man polo bino timo riwin ka wikicwaki omin win, gi cuny win je.”

Matayo 19:24

Odoko awaco riwin, yot ri ŋamia donjo i yore piso loyo ri jaŋaŋo donjo i Ker pa Were.”

Matayo 25:10

Aka munyo jotieko kadho nyewo mo, to jamweha tundo, kendo jom'onwaŋo jocowo yikirok ca ama jodonjo gi go i kalima ma nywomirok; t'icego dhiot.

Matayo 25:21

Rwoth pere owaco rigo ni, ‘Walwa gi tic, ijatic maber ma genere; ibedo gi genirok i gimathin, abino ketho i cingin madit; donji ibedi i kisangala pa rwoth perin.’

Matayo 26:39

Aka munyo go omedere yumalo nyaka mathin, opodho gi nyime to kwayo. To waco ni, ‘Baba, ka nyalere, weyi agwata me woeye bongan. To weyi wobedi paka iyenyo makiweno paka an ayenyo.’ ”

Matayo 26:42

Odoko madirio, oeye to kidho kwayo. To waco ni, “Baba, ka agwata me kilaeye kwoŋan m'akimadho, weyi gim'iyenyo wotimere.”

Mariko 3:35

Dhano je ma timo gima Were mito, ŋato am'obedo omera, kodi nyamera kodi mama.”

Mariko 9:47

Aka ka waŋin acel rwakin i gimarac, goli woko; kole ber rin donjo i Ker pa Were gi waŋin acel, loyo bedo gi waŋin ario je t'ibolin i mac makitho,

Luka 11:28

Yesu odwoko ni, “Kucel josilwany meno a joma jowinjo wac pa Were to joketho i tim!”

Luka 13:25

“Ka won peco otieko ay malo to diyo thigo, kada winotem cungo woko kenyo to wigudo thigo munyo wiwaco ni, ‘Rwoth, yaw riwan.’ Go bino dwoko ni, ‘Akuya ran win kama wiwok'iye.’

Luka 18:25

Tek swa ri jaŋaŋo donjo i Ker pa Were loyo kayina donjo i yore piso.”

Luka 6:46

Raŋo ma wilwoŋan nike Rwoth, Rwoth, aka wikitim gim'awaco riwin?

Yohana 14:7

Owaco rijo ni, “Ka wiŋeyan, meno bende wiŋeyo Baba; aka wok konon onyo wiŋeyo go, aka witieko neno go.”

Yohana 15:23

Moro je ma dakan meno dak Baba bende.

Yohana 3:5

Yesu odwoko ni, “Adieri awaco rin, ongoye ŋata nyalo donjo i Ker pa Were kwanyo woko ka olimo nywolirok ma pi kodi ma Cuny.

Yohana 5:17

To Yesu odwoko jo ni, “Kole Baba tiyo noknok, aka abende onyo atiyo.”

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

Joroma 12:2

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joroma 2:13

Ato k'obedo nyaka i winjo Cik gi ithi jo ama miyo iketho ji i tiro gi Were, t'itimo gima Cik mito ayino.

Joefeso 6:6

Winji win jo, ki nyaka ni jowofoy win ka joneno win, to tiyi win paka jotic pa Kristo, ma jotimo gima Were yenyo.

Jokolosia 4:12

Epafra, ma bende obedo acel kwoŋ win, kendo jatic pa Kristo Yesu bende m'otho win. Ndiri je go kwayo riwin gi maro madwoŋ, munyo kwayo Were womiy wicungi matek, ma witegino kareno wiridho paro ma timo gima Were yenyo.

1 Jothesalonika 4:3

Me a gima Were mito riwin. Ni wibedi maleŋ aka wiwey kicutho kwo ma kidakana.

1 Jothesalonika 5:18

foy win Were i gimoro je ma timere; kole meno a mito pa Were riwin i Kristo Yesu.

Tito 1:16

Joŋoyo ni joŋeyo Were, to tim pajo nyutho ni jodak go. Jobedo jodakirok kendo joma kiwinji or, ma jokinyal timo gimaber.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

Joebulaniya 4:6

Joma jopen winjo wac pa Were jok'onyalo nwaŋo ywomirok no; rupiri jok'oyeyo am'omiyo nitie joman m'oyey jo limo kaywomirok me.

Yakobo 1:22

Bedi win joma ketho wac i tim, makiweno joma wondere gi nyaka winjo awinja wac won kende.

1 Petero 2:15

Kole Were yenyo ni tim mewin mabeyo woum luwo masisiri mapa jomamiŋ.

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

Menyirok ri Yohana 2:27

go bino dhumo jo gi luth ma nyweny to ŋinyo jo woko pa degi ma lowo, paka awon atieko nwaŋo meni ma dhum bongi Baba.

Menyirok ri Yohana 22:14

Josilwany a joma lwoko ruk pajo m'olony, aka ŋey jowobedi gi siem ma camo gima nyak kwoŋ yath ma kwo, gi donjo i tindi gi i waŋkac.

Menyirok ri Yohana 3:5

Ŋata loyo karatem bino rukere i ruk matar ameno, aka ak'orey woko nyinge i kitawo ma kwo aka abino tuco nyinge ruwaŋ Baba kodi jomalaika pere.