Matayo 7:15 - KITAWO MALEŊ Catholic

¹⁵ Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

KITAWO MALEŊ

¹⁵ Gwokere win kwoŋ jotuci wac Were ma twodo, ma jobino bongi win i cal pa rombo gi woko, to iy'adieri mere jobedo arara i cuny gin.

Matayo 7:15 ပူးပေါင်းရင်းမြစ်များ

1 Kerin 13:18

Kenyo jatuci wac Were m'oti ma wok i Bethel owaco rigo ni, “An bende, abedo jatuci wac Were paka in, aka luwo i cik pa Rwoth malaika owaco ran nike aterin peco kodan aka ajolin.” To jatuci wac Were m'oti oyido twodo.

Yeremia 29:21

Rwoth pa lwak jolweny, Were pa Isiraili waco ama, ma mako Ahab wod pa Kolaya kodi Zedekia wod pa Maseya, ma joluwo gitwodo i nyingan. Akidho ketho jo i cingi Kere Nebukadineza ma Babilon, aka go laneko jo ka wineno.

Yeremia 29:32

riameno Rwoth waco ama: Akidho miyo Semaya ja Nehelam kodi nyikwaye gir'acula. Go k'obedi kodi nyatoro moro je makwo kwoŋ ji me m'onen gimaber m'akidho timo ri ji paran, Rwoth waco, rupiri go otieko luwo gwenyirok kwoŋ Rwoth.”

Ezekiel 13:16

jotuci wac Were no, ma jotuco wac ri Yerusalem nike joneno siem nitie, ma to siem ongoye, Rwoth Were waco.”

Ezekiel 13:22

Kwoŋbedo gi twodo mewin wicilo cuny joma timo gim'otire, aka wimiyo jokidakana meni medo timo kidakana aka jobotho kwo pajo.

Ezekiel 22:25

Riwirok pa jotuci wac Were mere cal simbwore ma johola kwoŋ ogwaŋ ma joneko. Joneko ji aka jonyaga pesa kodi lim ma jonyalo nwaŋo, aka gi neki pajo joweyo mon kweth ma bu cwo.

Ezekiel 22:27

Jodhum mere jocale paka arare ma joyeco ogwaŋ ma joneko. Joneko ŋey jowoŋaŋ.

Mika 3:11

Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Zekaria 13:4

I ndelo no kisi jatuci wac Were labedo giwickwot ro menyirok pere ka tuco wac Were. Jolaruko law ma yer ŋey jowotwodi.

Matayo 10:17

Kure win, rupiri ji jobino mako win to jotero win i kapido, aka jobino cwado win i kalamo pa Joyuda.

Matayo 16:11

Wibedo nedi ma wikiniaŋ ni oyido akiluw kwoŋ mugat? Gwokere win kwoŋ thow pa Jofarisayo kodi Josadukayo.”

Matayo 16:6

Yesu owaco rijo ni, “Gwokere win, odoko kure win kwoŋ thow pa Jofarisayo kodi Josadukayo.”

Matayo 24:11

Aka jotuci wac Were ma twodo mathoth jobino tundo to jowondo ji mathoth.

Matayo 7:14

Waŋkac madiny nigi royo matek luwo, to tero jo i kwo, aka ji manok ama jonwaŋo royo no.

Luka 12:15

To medere waco ri jono ni, “Kure win, odoko gwokere win kwoŋ woro ma nger je, rupiri kwo pa dhano kicungi i thotho pa lim ma go nitie gine, kada bedi ni go nigi ma kalo ma go yenyo.”

Luka 6:26

Kidamba otundi riwin ma pama piny pako win; kole meno apaka cango kwarere mewin bende jopako jotuci wac Were ma twodo.

Yohana 10:12

Jatic acula kibedi won rombo, ka oneno arara bino, weyo jo to ringo, to arara kwanyo rombo to kedho jo woko.

Tim pa Jomoor 13:40

Am'omiyo gwokere win, ŋey gima jotuci wac Were jowaco wokiri wotimere riwin ni:

Tim pa Jomoor 13:6

Joje jocewere yu loka i kigoda ma Pafo, kama jorom'iye gi jathieth moro ma nyinge Bar Yesu, Jayuda m'obedo jatuci wac ma twodo.

Jogalasia 2:4

Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

Joefeso 4:14

Wakiripi odoko bedo pa nyithindho, ma fonji moro je kwadho jo korin gi koca pa koyo, kareno jomoro jowondo wan gi riekorieko moro kodi twodo.

Joefeso 5:6

Wikiri wiyey moro wowondi win gi wac m'ongoye kony, rupiri gigipiny me je ama bino miyo Were kigaga gi ji ma jokiwinji go.

Jofilipi 3:2

Gwokere win kwoŋ jotimi reco, gwokere no, ma jocwire kwoŋ thumirok ma del.

Jokolosia 2:8

Am'omiyo, neni win ni moro wokiri wokethi win i bwo pajo gi piem kodi twodo masisiri, gi thenethene ma kula manyanono, gi wac kwoŋ cuny ma jodhumo i polo gi piny, aka kiwoki bongi Kristo.

2 Timothe 3:13

Aka ji mareco kodi ma jor'aporapora jobino medirok gi reco, munyo jowondo jowoti gin kareno iwondo jo bende.

2 Timothe 4:3

Kole ndir bino tundo ma ji jok'owinj'iye fonji mar'adieri, to jobino tiyo g'awanya pajo wegi, odoko jobino coko jofonji ma wegi joyenyo, jowofonji jo gima ithi jo yilo jo winjo.

2 Petero 3:17

To win, jowotan, paka witieko ŋeyo gime, onyo gwokere win aka moro wokiri wonyali wondo win gi fonji ma k'ago mapa joma kilwor cik to wipodho wok i kabedo m'oyido wicung'iye maber.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Menyirok ri Yohana 16:13

Gikenyo aneno cuny m'ocido jadek ma jocale g'ogwal munyo jowok i dhok bulir, i dhok ogwaŋ, kodi i dhok jatuci wac Were ma twodo ca.

Menyirok ri Yohana 17:6

Aka aneno ni dhako no oyido omer gi remo pa ji maleŋ pa Were, kodi remo pa jom'onek rupiri jocwire kwoŋ Yesu. Munyo aneno go, adhier swa.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 20:10

Aka jwogi m'oyido wondo jo ibino bolo i wakawaka ma mac gi telin maliel kam'ogwaŋ ca kodi jotuci wac were pere ma twodo jobino candirok'iye hongo je wor g'odieceŋ cil gi cil.