Matayo 6:9 - KITAWO MALEŊ Catholic

⁹ Me apaka wiripo kwayo, Bawan ma i polo; Nyingin wolwor.

KITAWO MALEŊ

⁹ Me apaka wiripo kwayo, Bawan ma i polo; Nyingin wolwor.

Matayo 6:9 ပူးပေါင်းရင်းမြစ်များ

2 Samwiri 7:26

Ji jobino tiŋo nyingin malo cil gi cil ka jowaco ni, ‘Rwoth pa lwak jolweny obedo Were i Isiraili.’ Aka ibino kuro dhum paran i hongo je.

1 Kerin 8:43

winji kwayo pere. I polo, kam'ibed'iye, winji go aka tim gima go kwayin timo, ŋey nonin je i piny gibe jowoŋeyin aka jowowinjin, paka ji perin Isiraili jotimo. Kenyo jobino ŋeyo nike Ot pa Were m'ageto me kabedo m'iripo lamin'iye.”

1 Kigana kwoŋ Kerin 17:24

Ji jobino tiŋo nyingin malo cil gi cil ka jowaco ni, ‘Rwoth pa lwak jolweny obedo Were i Isiraili.’ Aka ibino kuro dhum paran i hongo je.

2 Kigana kwoŋ Kerin 20:6

to kwayo ni, “Awi Rwoth Were pa kwarere mawan, ikibedo Were manitie i polo? Iŋat'ikidhum kerin je ma piny? Initie gi meni kodi nyalo, aka ongoye ŋata nyalo piem kodin.

Nehemia 9:5

Kenyo Jolevi, Yesuwa, Kadmiel, Bani, Hasabineya, Serebia, Hodia, Sebania, gi Pethahia jowaco ni, “Ay win malo wipak Rwoth Were mewin, pak win go cil gi cil. Weyi kisi dhano wopak nyingi go madwoŋ, makada nende go dwoŋ loyo pak pa dhano.”

Zabuli 111:9

Rwoth ogonyo ji pere; to timo cikirok ma cil gi cil gi jo. Nyinge leŋ aka nigi meni!

Zabuli 115:3

Were mawan nitie i polo, go timo gima sangala go je.

Zabuli 72:18

Silwany wobedi ri Rwoth, Were pa Isiraili, go ma won kende timo gir'aura.

Isaya 37:20

Riameno Rwoth Were mawan, akwayin, both wan kwoŋ Joasiria, ŋey nonin je ma piny jowoŋey ni in kende a Rwoth.”

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 6:3

Acel oyido lwoŋo nyawote to waco ni, “Maleŋ, Maleŋ, Maleŋ! Rwoth pa lwak jolweny! Dwoŋ pere opoŋ i piny gibe.”

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 64:8

Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Isaya 66:1

Me apaka Rwoth waco, polo obedo kom ma dhum paran, aka piny obedo kama aketh'iye tiendan. Nger ot aŋo ma winyalo geto ran, aka kune m'anyalo ywomirok'iye?

Ezekiel 36:23

Alaloko nyingan madwoŋ maleŋ, m'otieko koco i dier nonin, ma bende witieko koco i dier jo; aka nonin jolaŋeyo nike Abedo Rwoth, Rwoth Were waco. Alaoro win ma nyutho nonin ni abedo ŋataleŋ.

Ezekiel 38:23

Ameno alanyutho dwoŋ paran gi leŋo paran, t'anyuthere i waŋ nonin kweth. Nyaka to joŋeyo ni An Abedo Rwoth.

Jolevi 10:3

Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Habakuk 2:14

To piny lapoŋ kodi ŋeyo dwoŋ pa Rwoth, paka pi umo nam.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 10:29

Obico ario kinyew nyaka dome acel won? To kad'acel kwoŋ jo kinyal podho piny ma Bawin k'oŋeyo.

Matayo 23:9

Aka wikiri wilwoŋ moro i piny ka ni baba, rupiri winitie gi Bawin acel kende ma i polo.

Matayo 26:29

Awaco riwin, akibino madho vini me kendo cuka ndelo m'anomadh'iye vini manyen gi win i Ker pa Baba.”

Matayo 26:42

Odoko madirio, oeye to kidho kwayo. To waco ni, “Baba, ka agwata me kilaeye kwoŋan m'akimadho, weyi gim'iyenyo wotimere.”

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Matayo 5:48

Bedi win maleŋ paka Bawin manitie i polo leŋ.

Matayo 6:14

Kole ka wicwako ri ji reco ma jotimo riwin, Bawin manitie i polo bende bino cwako win.

Matayo 6:6

To ka ikwayo, donji i ot perin icegi thigo, aka ikway Benin, ma kinenere kamaler. Aka Benin, ma neno gim'imito nyaliŋliŋ bino miyin kemba.

Matayo 7:11

Kole kada wireco ameno, wiŋeyo miyo nyithindho mewin gigipiny mabeyo. Aka Bawin manitie i polo oloy win didi i miyo joma kwayo go, gigipiny mabeyo!

Luka 15:18

Alaay mayot t'adok bongi baba t'awaco rigo ni, baba, atieko nyeko ruwaŋ Were kodi i waŋin.

Luka 15:21

Gikenyo wode owaco ni, ‘Baba, atieko timo gimarac i nyim Were kodi i nyimin. Pama akiripi kad'alwoŋa ni wodin.’

Luka 2:14

“Dwoŋ wobedi ri Were malo i polo, aka i piny siem wobedi ri ji ma silwany pere nigi jo.”

Yohana 20:17

Yesu owaco rigo ni, “Ikir'imakan rupiri fodi akigiki bongi Baba. To kidhi bongi wutmera iwaci rijo ni akidho malo bongi Baba ma Bawin, Were paran ma Were mewin.”

Joroma 1:7

Am'omiyo andiko ri wijoje ma winitie Roma ma Were omaro to lwoŋo bedo ji pere won. Weyi Were Bawan kodi Rwoth Yesu Kristo womiy win nema gi siem.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

Jogalasia 1:1

An Paulo jamoor, ma lwoŋo pere k'owoki bongi dhano kosa kwoŋ dhano, to bongi Yesu Kristo kodi Were Bawan, m'ocerino go kwoŋ jom'otho.

Jogalasia 4:6

Paka wibedo wote, Were ooro Cuny Maleŋ pa Wode i cuny wan, Cuny ma koko ni, “Aba, Baba.”

1 Timothe 6:16

Go kende ama kitho, go bedo i lero ma moro kinyal core cegin gine. Ongoye ŋata fodi oneno go, odoko ongoye ŋata nyalo neno go. Ri go dwoŋ wobedi kodi meni ma cil gi cil. Ameno.

1 Petero 1:17

Kole wilwoŋo Were ni Baba ka wikwayo, aka go ama thumo banja ri ji je marom. Am'omiyo or win kwo mewin i piny ka paka joma wendo munyo wimiyo go dwoŋ.

Menyirok ri Yohana 4:11

“Rwodhiwan kendo Were! Iripo limo dwoŋ, gi wor kodi meni, rupiri icweyo gigipiny je, aka gi mito perin am'omiyo jokwo.”

Menyirok ri Yohana 5:12

to jowero gi dwondi jo ma malo ni, “Nyathi rombo m'oneki paka cowirok ripo limo meni ma dhum, lim, rieko kodi mwamba, Wor, dwoŋ, kodi pak!”