Matayo 6:16 - KITAWO MALEŊ Catholic

¹⁶ Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

KITAWO MALEŊ

¹⁶ Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Matayo 6:16 ပူးပေါင်းရင်းမြစ်များ

2 Samwiri 12:16

Daudi okwayo Were ŋey nyathi wobedi maber. Orio, aka kisi ka wor otundo odonjo i kisika pere to nindo piny i dier ot.

2 Samwiri 12:21

Jotel pere jodhier to jopenjo go ni, “Me ginaŋo m'itimo? Mafodi nyathi kwo, iywak aka iriyo rigo; to tekin nyathi tho, iay malo t'icemo!”

1 Kerin 21:27

Munyo Elia otieko luwo, Ahab oyeco woko nangin pere aka oruko kutiya. Okwero cemo, aka onindo i kutiya, to kadho kun.

Nehemia 1:4

Munyo awinjo wac me je, abedo piny t'aywak. Aywak aka ariyo kec ma ndelo m'oromo, kareno akwayo Were ma i polo.

Zabuli 109:24

Congan nyap ro ngoye pa cemo, delkwoŋan odoŋ pien gi cokin.

Zabuli 35:13

To an, munyo jotwo, aruko kutiya ariyo kec, akwayo gi wiyan piny,

Zabuli 69:10

K'amwolo adundo paran gi riyo kec, joyetan timo ameno.

Malaki 3:14

Witieko waco ni, “Ongoye kony tiyo ri Were? Bero aŋo timo gima go waco kosa temo nyutho Rwoth pa lwak jolweny ni warem ri gima watimo?

Matayo 6:1

Gwokere win wikiri winyuthi tim mewin mabeyo i waŋ ji ni aka ji jowoneni to jofoyo win. Ka witimo ameno i dier ji wik'olim kemba bongi Bawin manitie i polo.

Matayo 6:2

Am'omiyo ka wimiyo jacandi gimoro, wikiri wiasa nyutho kamaler, paka joma rendere jotimo i kalamo pa Joyuda kodi i royo m'okare i tindi. Jotimo ameno nike ji jowopaki jo. Adieri awaco riwin, otiek miyo jo kemba pajo m'opoŋ.

Matayo 6:5

K'ikwayo, ikir'ibedi paka joma rendere! Jomaro cungo ka jokwayo i kalamo pa Joyuda kodi i thengi royo m'okare ma tindi ŋey dhano je wonen jo. Adieri awaco riwin, ameno jotieko limo kemba pajo kicutho.

Mariko 2:18

Ndelo moro munyo jofonjirok pa Yohana Jakibatisa kodi apa Jofarisayo onwaŋo joriyo kec, jomoro jobino to jopenjo Yesu ni, “Raŋo ma jofonjirok pa Yohana Jakibatisa kodi apa Jofarisayo joriyo kec aka aperin jokiriy?”

Luka 18:12

Ariyo kec dirio i sabiti acel; aculo acel wiy apar kwoŋ gima alimo je.’

Luka 2:37

to doŋ citho cuka oro pere oromo piero aboro g'aŋwen. Go k'oweyo Ot pa Were, to otiyo ri Were wor g'odieceŋ munyo riyo kec gi kwayo.

Tim pa Jomoor 10:30

Kornelio owaco ni, “Ndelo aŋwen m'okadho onwaŋo akwayo i ot paran sawa abuŋwen m'odieceŋ. Piyo piyo dhano m'orukere i ruk ma minyin ocungo ruwaŋan.

Tim pa Jomoor 14:23

Munyo jotieko ketho jotel i kisi kitipa pa joma yeyo gi kwayo kodi riyo kec, joketho jo i cingi Rwoth m'oyido joketho geno pajo kwoŋe.

1 Jokorintho 7:5

Wikiri wikwere, kwanyo woko ka wiyere wijario timo ameno cowo hongo macek, ŋey wilimi hongo ma kwayo; to gik win mayot i kwo ma nywomirok, ka k'obedo ameno ciro mewin manok nyalo miyo widonjo i karatem pa Sitan.

2 Jokorintho 11:27

Atieko tic gi olo; ndir mathoth akibil nindo; abedo gi kec kodi riyo; ndir mathoth akicem, odoko koyo goyan kinyoro.

2 Jokorintho 6:5

Otiek goyo wan, tweyo wan, kodi woy gi wan; tic opikere riwan, ruman nindo ngoye, to cemo je ngoye.