Matayo 6:13 - KITAWO MALEŊ Catholic

¹³ Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

KITAWO MALEŊ

¹³ Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

Matayo 6:13 ပူးပေါင်းရင်းမြစ်များ

Cakirok 22:1

Rumacen ma gigipiny me, Were otemo Abraham, aka olwoŋo go ni, “Abraham!” Abraham odwoko ni, “An e!”

1 Kerin 1:36

Aka Benaya wod pa Yehoyada odwoko kere, “Wobedi ameno! Weyi Rwoth, Were pa jadwoŋ paran kere, wowaci ameno.

1 Kigana kwoŋ Kerin 16:36

Pak Rwoth, Were pa Isiraili pak go pama kodi cil gi cil! Weyi kisi dhano wowaci ni, “Obedi ameno!” Pak Rwoth!

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

1 Kigana kwoŋ Kerin 4:10

To Yabez okwayo Were pa Isiraili ni, “Miyan silwany, Were, aka yaw kew paran. Bedi kodan aka kuran kwoŋ gima nyalo kelo ran litho.” Aka Were omiyo go gim'okwayo.

Zabuli 10:16

Rwoth obedo kere cil gi cil. Ji ma jolamo werin man, jobino rere wok i lowo pere.

Zabuli 106:48

Pak Rwoth, Were pa Isiraili, pak go pama gi cil gi cil! Weyi kisi nyatoro wowaci ni, “Ameno!” Rwoth wopak!

Zabuli 22:28

Kole Rwoth obedo kere aka dhumo nonin je.

Zabuli 41:13

Pak win Rwoth, Were pa Isiraili! Pak go pama gi cil gi cil! Ameno! Ameno!

Zabuli 47:2

Kole Rwoth, Were madwoŋ loyo iripo lworo; kere madwoŋ kwoŋ piny gibe.

Zabuli 47:7

Kole Were obedo kere ma piny gibe, pak go gi wer.

Zabuli 72:19

Silwany wobedi ri nyingi go madwoŋ cil gi cil; weyi dwoŋ pere wopoŋ i piny gibe! Ameno, Ameno!

Zabuli 89:52

Pak win Rwoth cil gi cil! Ameno! Ameno!

Kitawo mar'ario mapa Musa m'ilwoŋo ni Wok 15:18

Rwoth bino dhumo cil gi cil.”

Agecin 30:8

Kwany woko kwoŋan ngoye g'adieri gi twodo, ikir'imiyan candi kosa ŋaŋo, pidhan gi cemo m'amito.

Yeremia 15:21

Alagonyin wok i cingi jokidakana, Rwoth waco, t'abothin wok i cingi jogwayo.”

Yeremia 28:6

to jatuci wac Were Yeremia waco ni, “Ayeyo! Weyi Rwoth wotim ameno; weyi Rwoth wokethi i kare wac je m'itieko luwo, aka wodwoki i kabedo me wok Babilon atewe ma Ot pa Rwoth kodi jotwec je.

Kwan 5:22

Onyo weyi pi me ma kelo kwoŋ wodonji i nyagir iyin to miyo iyin podho woko, nyaseye perin wopodhi!” To dhako no dwoko ni, “Ameno, Ameno.”

Matayo 26:41

Bedi win waŋ win wikway aka ŋey wikiri widonji i karatem. Cuny win yenyo, to del ama nyap.”

Matayo 28:20

Aka wifonji jo mako or je m'amiyo win. Aka ŋey win nike abino bedo gi win ndir je, tundo i gik piny.”

Matayo 5:37

Waci nyaka ni, “Ey.” Kosa “Be.” Gima kalo kenyo man m'inowaci meno wok bongi Ŋatarac.

Matayo 6:10

Keri perin wobin; Gim'iyenyo wotimere i piny paka timere i polo.

Yohana 17:15

Akikway ni ikwany jo woko i piny, to nike ikuri jo maber kwoŋ meni pa ŋatarac.

1 Jokorintho 10:13

Ongoye karatem moro je ma bino riwin ma kicale gi ma bino ri dhano je. Kole Were genere, aka k'oyey karatem ma bino riwin wokadhi kor win, to ka karatem moro obino, go bino miyo win royo ma both aka ŋey winyal ciro.

1 Jokorintho 14:16

Ka wifoyo Were gi cuny win, onyo dhano ma ndir je m'obin i dier joma kwayo owaci nedi ni Ameno i kwayo mewin ma foyo Were ma to go kuya gima wiwaco?

2 Jokorintho 1:20

Am'omiyo cikirok pa Were je, kada mathoth nedi, i Kristo bed'abeda Ey. Meno am'omiyo i Yesu Kristo, wawaco Ameno mawan, ma miyo Were dwoŋ.

Jogalasia 1:4

Kristo omiyo kwo pere ro reco mawan, ŋey wobothi wan kwoŋ ndir marac ma pama, i mito pa Were mawan ma Bawan.

Kitawo mar'abic mapa Musa m'ilwoŋo ni Cik 8:16

Go m'opidho win i thim gi mana ma kwarere mewin oyido jokuya, mwolo win kodi temo win, aka i cowe timo riwin bero.

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

1 Jothesalonika 1:10

gi kuro Wode wobin wok i polo, m'obedo Yesu, ma Were ocerino go kwoŋ jom'otho, aka ama botho wan kwoŋ keme pa Were ma labino.

2 Jothesalonika 3:3

To Were genere, aka go bino miyo win meni to kuro win maber kwoŋ Ŋatarac.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

Joebulaniya 11:36

Joman oyeti jo t'icwado jo, aka joman otwey jo gi lijegere t'ibolo jo i jiera.

1 Petero 5:8

Bedi win ma wiŋeyo dhumo kwo mewin ma wineno. Kole jakwor mewin, jwogi, riwo piny pa simbwor ma hola, munyo rango nyatoro m'omwony.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,

1 Yohana 3:8

Ŋata medere gi timo reco meno dhano pa jwogi, rupiri jwogi ocako gi reco pere wok con. Wod Were obino ro wac me: Reyo woko tic ma jwogi oyido otieko timo.

Menyirok ri Yohana 1:18

onwaŋo atho, to neni, onyo akwo cil gi cil. Anitie gi meni kwoŋ tho kodi piny pa jom'otho je.

Menyirok ri Yohana 19:1

Rumacen awinjo gim'owinjere malo pa dwondi lwak ji madwoŋ ma polo munyo waco ni, “Paki Were! Both, dwoŋ kodi meni je apa Were mawan!

Menyirok ri Yohana 19:4

Gikenyo, jodongo piero ario g'aŋwen no kodi cwec aŋwen no, je jogore piny to jolamo Were m'onwaŋo obedo wi kom pere ma dhum no, ka jowaco ni, “Ameno! Paki Were!”

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.

Menyirok ri Yohana 21:4

Go bino yweyo pigi waŋ jo. Tho odoko k'obedi, kosa rembo, kosa ywak kosa litho, rupiri gigipiny macon jotieko leny woko.”

Menyirok ri Yohana 3:10

Kwoŋbedo ikuro or paran ma diyo ici gi ciro candirok; abino kurin maber i ndir ma teko obin'iye ri piny gipi ma temo ji je.

Menyirok ri Yohana 3:14

Ri malaika ma kitipa pa jom'oyeyo ma Lawodisia ndiki ama: Me mikwenda m'owok bongi ŋata lwoŋere ni Ameno, jakony ma genere odoko mar'adieri, m'obedo kacakirok ma cwec pa Were.

Menyirok ri Yohana 5:13

Aka awinjo cwec je ma polo, ma piny, kodi ma pendi lowo, kodi cwec je ma nam, gi cwec je ma polo gi piny munyo jowero ni, “Ri ŋata bedo wi kom ma dhum, kodi ri Nyathi rombo, wobedi pak kodi wor, kodi dwoŋ kodi meni ma cil gi cil!”