Matayo 6:10 - KITAWO MALEŊ Catholic

¹⁰ Keri perin wobin; Gim'iyenyo wotimere i piny paka timere i polo.

KITAWO MALEŊ

¹⁰ Keri perin wobin; Gim'iyenyo wotimere i piny paka timere i polo.

Matayo 6:10 ပူးပေါင်းရင်းမြစ်များ

Nehemia 9:6

Kenyo ji jokwayo ama: “In kende, ibedo Rwoth, icweyo polo gi micalin je. Icweyo lowo gi nam gi cwec ma jokwo i joje, imiyo joje kwo. Waŋceŋ, dwe gi micalin je jolamin.

Zabuli 2:6

Rwoth waco ni, “Atieko ketho kere paran wi got maleŋ Zayon.”

Zabuli 40:8

Amaro swa timo mito perin, Awi Were paran! Cik perin nitie i cunyan.”

Isaya 2:2

Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Yeremia 23:5

Hongo bino adieri, Rwoth waco, m'abino yer'iye kere ma jatiro nyakwar Daudi. Go bino dhumo gi rieko to timo gir'adieri kodi tiro i piny gipi.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Matayo 12:50

Kole ŋata timo gima Baba manitie i polo yenyo ni wotim, meno am'obedo omera, nyamera, gi yokan.”

Matayo 16:28

“Adieri awaco riwin, nitie joma jocungo ka ma jokibino tho mafodi jok'oneno Wod Dhano ka bino i Ker pere.”

Matayo 26:42

Odoko madirio, oeye to kidho kwayo. To waco ni, “Baba, ka agwata me kilaeye kwoŋan m'akimadho, weyi gim'iyenyo wotimere.”

Matayo 3:2

“Ŋuti win, rupiri Ker ma polo nicegin!”

Matayo 4:17

Wok i hongo no kadho yuwaŋe Yesu ocako fonjo ka waco ni, “Ŋuti win reco rupiri Ker ma polo nicegin.”

Matayo 7:21

Ki dhano je ma lwoŋan ni, Rwoth, Rwoth, ma bino donjo i Ker ma polo, kende ŋata timo gima Baba man polo yenyo.

Mariko 11:10

Silwany wobedi ri Ker ma bino mapa bawan Daudi! Ozana malo i polo!”

Mariko 3:35

Dhano je ma timo gima Were mito, ŋato am'obedo omera, kodi nyamera kodi mama.”

Luka 19:11

Munyo fodi jowinjo wac no, Yesu omedo luwo rijo iy'ageca rupiri go oyido oriko Yerusalem, aka ji oyido joparo ni Ker pa Were kidho tundo piyo no won.

Luka 19:38

Jowaco ni, “Silwany wobedi ri Kere ma bino i nyingi Rwoth! Siem wobedi i polo, aka dwoŋ wobedi ri Were!”

Luka 22:42

Owaco ni, “Baba, ka imito, kwany woko agwata me kwoŋan. Kad'ameno, wokiri wobedi paka aŋat'amito, to gim'imito ama wotimere.”

Yohana 4:34

Yesu owaco rijo ni, “Cemo paran obedo timo gima ŋat'ooran yenyo gi cowo tic pere.”

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 7:17

Ŋata yeyo timo gima Were yenyo bino ŋeyo k'agima afonjo wok bongi Were kosa ka aluwo gi meni paran won.

Tim pa Jomoor 13:22

Munyo Were otieko kwanyo go woko, oloko Daudi kere pajo. Me a gima Were oluwo kwoŋe: “Anwaŋo ni Daudi wod pa Yese, obedo kiti dhano ma amito, ŋata bino timo gimoro je ma ayenyo ni wotim.”

Tim pa Jomoor 21:14

Wakinyalo turo go i gime am'omiyo cuny wan bende oeye to wawaco ni, “Weyi mito pa Rwoth wotimere.”

Tim pa Jomoor 22:14

Gikenyo go owaco ran ni, ‘Were pa kwarere mawan oyerin ni iŋey gima go mito, ni inyal neno Ŋat'otire pere gi winjo go munyo iwinjo dwonde won;

Joroma 12:2

Wikiri wiluw kula ma piny me, to bedi win ma wiwire i paro mewin, aka nyaka wibino ŋeyo mito pa Were; gimaber ma sangala go, odoko m'olony kicutho.

Joefeso 6:6

Winji win jo, ki nyaka ni jowofoy win ka joneno win, to tiyi win paka jotic pa Kristo, ma jotimo gima Were yenyo.

Jokolosia 1:13

Kole go otieko botho wan kwoŋ meni ma mudho to kelo wan i Ker pa Wode ma migos m'omaro,

Jokolosia 1:9

Riameno, fodi wakikeŋ kwayo riwin, wok cuka wawinji kwoŋ win. Wakwayo Were wopoŋ win gi rieko ma ŋeyo gima go yenyo, gi rieko je kodi niaŋ ma Cuny miyo.

1 Jothesalonika 4:3

Me a gima Were mito riwin. Ni wibedi maleŋ aka wiwey kicutho kwo ma kidakana.

1 Jothesalonika 5:18

foy win Were i gimoro je ma timere; kole meno a mito pa Were riwin i Kristo Yesu.

Joebulaniya 1:14

Jomalaika meno ki cuny ma jotiyo ri Were, ma go ooro konyo joma jobino limo both?

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

Joebulaniya 10:7

Gikenyo awaco ni, ‘Anika, a Were, ma timo gim'iyenyo ni atimi, paka ondiki kwoŋan i kitawo ma Cik.’ ”

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

1 Petero 2:15

Kole Were yenyo ni tim mewin mabeyo woum luwo masisiri mapa jomamiŋ.

1 Petero 4:2

Riameno, wok gunyo ni, mito pa Were ama dhumo kwo pere gipi i piny ka makiweno awanya mareco ma del.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 12:10

Gikenyo awinjo dwondi nyatoro m'okoko malo i polo ka waco ni, “Pama both gi meni ma dhum kodi Ker pa Were mawan kodi adhum pa Kristo je otieko tundo! Kole jamisegey ma osa wutmin wan bongi Were, wor g'odieceŋ, otiek wito piny.

Menyirok ri Yohana 19:6

Gikenyo awinjo gim'ocale dwondi Lwak madwoŋ, ma derino mere omor pa pi ma mol gi meni, kendo pa mwoc pa lithkoth madwoŋ. Awinjo ka jowaco ni, “Paki Were! Kole Rwoth Were mawan Majameni je dhumo!

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.