Matayo 6:1 - KITAWO MALEŊ Catholic

¹ Gwokere win wikiri winyuthi tim mewin mabeyo i waŋ ji ni aka ji jowoneni to jofoyo win. Ka witimo ameno i dier ji wik'olim kemba bongi Bawin manitie i polo.

KITAWO MALEŊ

¹ Gwokere win wikiri winyuthi tim mewin mabeyo i waŋ ji ni aka ji jowoneni to jofoyo win. Ka witimo ameno i dier ji wik'olim kemba bongi Bawin manitie i polo.

Matayo 6:1 ပူးပေါင်းရင်းမြစ်များ

2 Kerin 10:16

ka waco ama: “Biye kodan ineni nger m'amiyere ri Rwoth.” Aka ogweyo Yehonadab i cawila pere.

2 Kerin 10:31

To Yehu k'oluwo cik pa Rwoth, Were pa Isiraili gi cunye je, kwanyo woko oluwo kite pa Yerobowam, m'omiyo Isiraili timo reco.

Zabuli 112:9

Go miyo ma nono, miyo jocandi, wor pere bedo cil gi cil go bino bedo jameni aka ibino woro go.

Ezekiel 33:31

Jobino bongin paka ji jobino, jobedo ro nyim win paka ji paran, aka jowinjo wac mewin, to jok'owor jo. Kole jonyutho mar mathoth gi dhok jo, to cuny gin nitie i magowa pajo.

Zekaria 13:4

I ndelo no kisi jatuci wac Were labedo giwickwot ro menyirok pere ka tuco wac Were. Jolaruko law ma yer ŋey jowotwodi.

Zekaria 7:5

Luw gi ji je ma piny kodi jocway ri Were i wi migam k'iwaco ni, “Ma oro piero ario, wiriyo kec to wiywak i dwe mar'abic kodi i dwe mar'abirio, i oro ario me, adieri obedo ran ma wiriy'iye kec?

Matayo 16:27

“Kole Wod Dhano labino gi dwoŋ pa Bamere gi jomalaika pere, aka bino culo dhano je kemba pere cungo kwoŋ tim pere.”

Matayo 16:6

Yesu owaco rijo ni, “Gwokere win, odoko kure win kwoŋ thow pa Jofarisayo kodi Josadukayo.”

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

Matayo 23:5

Gimoro je ma jotimo, jotimo nyaka ni ji jowoneni jo. Neni paka joyaro migowa m'iketh'iye ndiko, jojaŋo gim'ondiki i nyim gin kodi i badi jo! Aka jotimo tiendi kanzu pajo bedo de malac aka maboyo!

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 5:16

Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Matayo 5:46

Raŋo ma di wigen ni womiy win kemba ka wimaro ji ma bende jomaro win won kende? Jocoki misolo bende jokitim ameno?

Matayo 5:48

Bedi win maleŋ paka Bawin manitie i polo leŋ.

Matayo 6:16

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Matayo 6:9

Me apaka wiripo kwayo, Bawan ma i polo; Nyingin wolwor.

Mariko 8:15

Yesu ofonjo jo ni, “Gwokere win, aka kure win kwoŋ thow pa Jofarisayo kodi thow pa Herode.”

Luka 11:35

Am'omiyo kure aka ŋey lero ma kwoŋin k'olokere mudho.

Luka 12:1

I hongo no, munyo lwak ji gana gi gana oyido jonyonere dho bonge, Yesu okutho ocako waco ri jofonjirok pere ni, “Kure win kwoŋ gipa Jofarisayo ma tiyo pa thow, m'obedo rendirok.

Luka 12:15

To medere waco ri jono ni, “Kure win, odoko gwokere win kwoŋ woro ma nger je, rupiri kwo pa dhano kicungi i thotho pa lim ma go nitie gine, kada bedi ni go nigi ma kalo ma go yenyo.”

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Yohana 12:43

Ato oyido jomaro foy pa ji loyo foy pa Were.

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Tim pa Jomoor 3:12

Munyo Petero oneno gime, owaco rijo ni, “Ji ma Isiraili raŋo ma wiuro gime, kosa raŋo ma wicomo waŋ win kwoŋ wan? Wiparo nike gi meni mawan won, kosa ni rupiri waŋeyo lamo Were maber am'omiyo ŋatin wotho?

Jogalasia 6:12

Joma jotemo romo win nike withumere meno joma jomito kwoto gi pakirok kwoŋ gigipiny manyadel. Ato jotimo ameno nike aka wokiri wolwenyi gi jo ro yeyo musalaba pa Kristo.

Kitawo mar'abic mapa Musa m'ilwoŋo ni Cik 24:13

Iripo dwoko rigo gim'osinga ka waŋceŋ podho, ŋey jager perin wonyali nindo i nanga pere, aka labedo rin gim'otire ruwaŋ Rwoth Were perin.

Joebulaniya 11:26

Go oparo ni candirok yet ri Kristo onwaŋo ber loyo ŋaŋo ma Misir; rupiri go oyido oketho waŋe kwoŋ kemba ma bino.

Joebulaniya 2:1

Am'omiyo, waripo cwirok matek kwoŋ adieri ma watieko winjo aka nyaka gimoro k'orweny wan.

Joebulaniya 6:10

Were k'obedo ŋata cunye k'otire. Wiye k'owil kodi tic ma witieko timo, kosa mar ma witieko nyutho go i kony ma wimiyo i konyo ji pere aka fodi wimedere konyo jokristo jowoti win.

2 Yohana 1:8

Am'omiyo, kure win, ŋey gima witieko tiyo rigo wokiri wobudhi win, to wilimi kemba mewin m'opoŋ.