Matayo 5:6 - KITAWO MALEŊ Catholic

⁶ Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

KITAWO MALEŊ

⁶ Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

Matayo 5:6 ပူးပေါင်းရင်းမြစ်များ

Zabuli 107:9

Kole go yeŋo ji ma riyo neko jo, aka miyo joma kec neko gigipiny maber.

Zabuli 145:19

Go ketho i kare mito pa ji ma lworo go je, go bende winjo ywak pajo, to botho jo.

Zabuli 17:15

To paka ri an, kwoŋbedo angoye gi komo, abino nenin, aka k'acew, bedo perin bino miyan kisangala.

Zabuli 63:5

Adundo paran lacemo to yeŋ, aka dhokan lapakin gi wer mamit.

Zabuli 65:4

Josilwany a jono m'iyero, ji m'ikelo bedo i kabedo perin maleŋ. Wabino yeŋ gi gigipiny mabeyo ma ot perin, silwany ma Ot pa Were maleŋ.

Zabuli 84:2

Amito swa bedo kenyo. Ayenyo swa bedo i Ot pa Rwoth. Cunyan gi delkwoŋan wero gi kisangala ri Were makwo.

Agecin 10:24

Gima jakidakana lworo layimere kwoŋe, t'ibino miyo ŋat'otire gima gomba.

Agecin 21:21

Ŋata dwaro timo gim'otire gi wor, labedo gi kwo mabor kodi wor.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 25:6

Rwoth pa lwak jolweny latimo kalima ri nonin je wi got me, kalima ma cemo maleny, kalima ma vini ma loŋo, cemo maleny m'opoŋ'iye more, vini ma loŋo, m'okenera.

Isaya 41:17

Ka jocandi gi joma bu gimoro jorango pi, aka ongoye moro, aka lew jo othwo gi riyo, An Rwoth aladwoko jo, An Were pa Isiraili ak'ojwangi jo.

Isaya 44:3

Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 65:13

Riameno me apaka Rwoth Were waco, ŋecin paran jolacemo, to kec laneko win, ŋecin paran jolabedo gi gir'amadha, to riyo laneko win, ŋecin paran jolafore, to wilabedo giwickwot.

Isaya 66:11

Go lapido win to yomo cuny win, paka yok win, cuka wiyeŋ. Wilakisangala gi dwoŋ pere.

Yeremia 31:25

Alayeŋo jom'oloc, t'apidho joma kec neko.

Luka 1:53

Go oyeŋo joma kec neko gi gigipiny mabeyo, aka oriemo woko joŋaŋo gi cingi gin nono.

Luka 6:21

Josilwany a win ma pama kec neko win, kole ibino yeŋo win. Josilwany a win ma pama wiywak, kole wibino nyero.

Luka 6:25

Kidamba otundi riwin ma pama wiyeŋ; kole wibino pal gi kec. Kidamba otundi riwin ma pama winyero; kole wibino winjo malith to wiywak.

Yohana 4:14

to ŋat'omadhi pi m'abino miyo go odoko kilawinjo riyo kendo. Aka pi m'anomiy go bino lokere i go waŋ pi ma mol to miyo go kwo makirum.”

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 7:37

Ndelo macowe ma kalima am'obedo ndelo m'oloyo dwoŋ. I ndelo no, Yesu ocungo to luwo gi dwonde ma malo ni, “Ka nitie moro je ma riyo neko wobin bongan womadhi pi,

Menyirok ri Yohana 7:16

Jok'owinji kec gi riyo kendo; kendo ceŋ kosa lietho k'orewi jo.