Matayo 5:39 - KITAWO MALEŊ Catholic

³⁹ To onyo pama awaco riwin ni: Ikir'iculi kwor kwoŋ ŋata timo rin marac. Ka nyatoro ogoyo lembin maracuc g'adhoŋ, weyi wogoyi lembin maracam bende.

KITAWO MALEŊ

³⁹ To onyo pama awaco riwin ni: Ikir'iculi kwor kwoŋ ŋata timo rin marac. Ka nyatoro ogoyo lembin maracuc g'adhoŋ, weyi wogoyi lembin maracam bende.

Matayo 5:39 ပူးပေါင်းရင်းမြစ်များ

1 Kerin 22:24

Kenyo jatuci wac Were Zedekia okidho bongi Mikaya to payo pinde adhoŋ aka owaco ni, “Woki keraŋo ma cuny pa Rwoth oweyan to luwo kodin?”

Yobu 16:10

Ji joŋiyan gi dhok jo m'oŋamere, jopayo lemban gi yet, aka joriwere karan.

Agecin 20:22

Ikir'iwaci ni, “Alaculo raco.” Kur Rwoth, aka go lakonyin.

Agecin 24:29

Ikir'iwaci ni ilatimo ri ji paka bende jotimo rin, alaculo jo gima jotieko timo.

Isaya 50:6

Amiyo ŋeyan ri jono ma jogoyan, gi pindan ri jono ma jojwaco ye tikan, akipano waŋan, munyo joyetan to joŋulo kwoŋan law.

Ywakirok 3:30

Weyi go womiy lembe ri ŋata payo, aka woyey woyet go.

Jolevi 19:18

Ikir'iculi kwor kosa imaki ŋonge kwoŋ nyithindho pa joger perin, to mar nyawotin paka in won imare. An abedo Rwoth.

Mika 5:1

Ji ma Yerusalem, coki win jolweny mewin! Okar wan! Jomonjo jatel ma Isiraili!

Matayo 5:40

Aka ka nyatoro oterin i kapido ro yenyo sati perin, weyi go woter kiri kot perin bende.

Luka 22:64

Joboyo waŋe gi nanga aka jopenjo go ni, “Ŋat'ogoyin ŋa? Tuci riwan!”

Luka 6:7

Jondiko kodi Jofarisayo jocomo waŋ gin kwoŋ Yesu munyo jomito neno ni kono obothi jatwo no i Sabato, ŋey kono nyaka jowonwaŋ atoŋa ma kisita Yesu.

Yohana 18:23

Yesu odwoko ni, “K'awaco gimoro marac, nyuthi ginago kamaler. To ka gim'awaco otire, raŋo igoyan?”

1 Jokorintho 6:7

Iy'adieri, k'inen witero kiŋunyaŋunya mewin i ka winjo banjin ma piny ka, nyutho nike wipodho swa. Thimba di wikidiyo cuny win ka moro otimo riwin marac? Raŋo di wikidiyo cuny win ka nyatoro omayo win gimoro?

1 Jothesalonika 5:15

Neni win ni nyatoro wokiri woculi reco gi reco, to hongo je atoŋa mewin wobedi ma timo bero ri jowoti win kodi ri ji man je.

Joebulaniya 12:4

Kole i lweny mewin gi reco fodi wikitundo i tho.

Yakobo 5:6

Witieko thumo banjin ni oloyo ji m'oyido jongoye gi raco moro to wineko jo, kad'oyido jokipiem gi win.

1 Petero 3:9

Wikiri wicul reco gi reco kosa yet gi yet, to cul win gi silwany ayino; kole silwany a gima Were ociko miyo win munyo olwoŋo win.