Matayo 5:37 - KITAWO MALEŊ Catholic

³⁷ Waci nyaka ni, “Ey.” Kosa “Be.” Gima kalo kenyo man m'inowaci meno wok bongi Ŋatarac.

KITAWO MALEŊ

³⁷ Waci nyaka ni, “Ey.” Kosa “Be.” Gima kalo kenyo man m'inowaci meno wok bongi Ŋatarac.

Matayo 5:37 ပူးပေါင်းရင်းမြစ်များ

Yakobo 5:12

Maloyo meno, wutmera, wikiri wikwoŋere ka witimo cikirok aka wituco polo, kosa piny, kosa gimoro man je. Waci win nyaka ni, Ey ka wimito yeyo gimoro, kodi Be ka wimito kwero gimoro, aka ŋey wik'obedi gi banja ruwaŋ Were.

Jokolosia 4:6

Kiliesa mewin ripo ndir je bedo maŋon ma ywayo cuny jo pa kado cumbi, aka wiripo ŋeyo kite ma dwoko dhano je maber.

Jokolosia 3:9

Wikiri wiwondere i dier win, rupiri oyido witieko lunyo woko kwo macon gi kula mere,

Yohana 8:44

Wibedo nyithindho pa bawin, jwogi, aka wimito timo gima bawin no yenyo. Wok con go oyido janek, fodi go k'obedo yuthenge mar'adieri, rupiri adieri ongoye i go. Ka go twodo meno go timo gikula pere won, rupiri go jatwodo aka go a ba jotwodo je.

Joefeso 4:25

Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

2 Jothesalonika 3:3

To Were genere, aka go bino miyo win meni to kuro win maber kwoŋ Ŋatarac.

Matayo 13:19

Ka nyatoro winjo mikwenda kwoŋ Ker to kiniaŋ dwoŋ mere, jwogi bino to mayo go woko gim'onwaŋo ocwoy i adundo pere; me a kodhi m'opodho i thengi royo.

Matayo 13:38

ndelo, meno piny me; kodhi maber meno nyithindho ma Ker pa Were; weeyo meno nyithindho pa jwogi;

1 Yohana 5:18

Waŋeyo nike nyathi pa Were kimedere timo gimarac, rupiri Wod Were kuro go maber, aka Jaraco kinyal timo go marac.

Matayo 6:13

Ikir'iter wan i karatem, to bothi wan ayino, kwoŋ gimarac, [rupiri ker obedo aperin, kodi meni, kodi dwoŋ, cil gi cil]. Ameno.

1 Yohana 2:13

Andiko riwin bacere nan, rupiri wiŋeyo ŋat'otieko bedo wok i cakirok. Andiko riwin, soye ma nyaka wiay, rupiri witieko loyo jwogi, Ŋatarac. Andiko riwin nyithindho, rupiri wiŋeyo Were Bawan.

1 Yohana 3:12

Wikiri wibedi paka Kayin: Go oyido obedo apa Jaraco, aka oneko omin won. Raŋo ma Kayin oneko omin? Kwoŋbedo tim pere oyido rac, aka gigipiny m'omin otimo oyido beyo.

Yohana 17:15

Akikway ni ikwany jo woko i piny, to nike ikuri jo maber kwoŋ meni pa ŋatarac.

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Matayo 5:36

Odoko ikir'ikwoŋere gi wiyin, rupiri ikinyal loko kada yer acel matar wobedi macol kosa macol wobedi matar;

Joefeso 6:16

Medo kwoŋ gigipiny no je, tiŋi win yeyo paka kwot mewin; meno ama wibino geŋo gi kweyo gine asere maliel mac ma Ŋatarac obay.