Matayo 5:18 - KITAWO MALEŊ Catholic

¹⁸ Adieri awaco riwin, ka polo gi piny fodi nitie, ongoye kada gimathin kosa adec m'ondhilo kwoŋ Cik m'ibino kwanyo woko, to bino bedo ama tundo kama gimoro je otieko timer'iye.

KITAWO MALEŊ

¹⁸ Adieri awaco riwin, ka polo gi piny fodi nitie, ongoye kada gimathin kosa adec m'ondhilo kwoŋ Cik m'ibino kwanyo woko, to bino bedo ama tundo kama gimoro je otieko timer'iye.

Matayo 5:18 ပူးပေါင်းရင်းမြစ်များ

Zabuli 102:26

Jobino rwenyo, to in ibino doŋ, jobino ti paka nangin. Iwiro jo paka nangin, aka jobino rwenyo.

Zabuli 111:8

jobedo i hongo je; omiy jo iy'adieri gi i nger m'otire.

Zabuli 119:152

Cango con afonjere kwoŋ cik perin, imiyo jo bedo cil gi cil.

Isaya 40:8

Lum ner, mawuwa rwenyo rangi mere; to wac pa Were mawan lakiyindira cil gi cil.

Isaya 44:26

Go ma ridho wac pa ŋeca pere, to ketho i kare gima ŋecin pere jowaco. Go ma waco kwoŋ Yerusalem ni, “Ilabed'iye.” Go waco kwoŋ tindin ma Yuda ni, “Ilageto jo kendo, aka alacewo gundin pajo.”

Isaya 51:6

Tiŋi waŋ win malo i polo, aka wiŋiy pendi piny. Kole polo larere paka yiro, piny lati paka nanga, aka jono ma jobed'iye jolatho paka lwaŋino. To both paran bedo cil gi cil aka loyo paran langoye gi gike.

Matayo 10:15

Adieri awaco riwin, ndelo ma thumo banja bino bedo marac ri tindi no loyo Sodom kodi Gomora.”

Matayo 10:23

Aka ka ilwenyo gi win i tindi acel, ringi win i man. Awaco riwin, wik'ocow tic mewin i tindi je ma Isiraili mafodi Wod Dhano k'obino.”

Matayo 10:42

Aka adieri awaco riwin, ŋat'omiy acel kwoŋ nyithindho ma joluwan me kada nyaka pi maŋic rupiri go obedo ŋata luwan, ŋato kilakeŋ kemba pere.”

Matayo 11:11

Adieri awaco riwin, kwoŋ wot mon je, ongoye m'otieko yudhere malo i dwoŋ loyo Yohana Jakibatisa. Kucel, kada ŋat'oasa thin i Ker ma polo je loyo go gi dwoŋ.

Matayo 13:17

Adieri awaco riwin! Jotuci wac Were mathoth kodi ji pa Were mathoth cango joyenyo swa neno gima wineno, to jok'onyalo neno, kodi winjo gima wiwinjo, to jok'onyalo winjo.

Matayo 16:28

“Adieri awaco riwin, nitie joma jocungo ka ma jokibino tho mafodi jok'oneno Wod Dhano ka bino i Ker pere.”

Matayo 17:20

Yesu odwoko ni, “Ro yeyo mewin manok. Adieri awaco riwin, bedi winitie gi yeyo marom gi nyingi kalantus, diwinyalo waco ri got me ni, ‘Eye ka ikadhi yukoca.’ To bende timo ameno, aka ongoye gima dik'onyalere riwin.

Matayo 18:18

“Adieri awaco riwin, gima winotwey i piny ka ibino tweyo i polo, aka gima winogony i piny ka ibino gonyo i polo.”

Matayo 18:3

aka owaco ni, “Adieri awaco riwin ni, wik'odonji i Ker ma polo, kwanyo woko ka wiwire aka wilokere paka nyithindho.

Matayo 19:23

Gikenyo Yesu owaco ri jofonjirok pere ni, “Adieri awaco riwin, bino bedo matek swa ri jaŋaŋo donjo i ker ma polo.

Matayo 19:28

Yesu owaco rijo ni, “Adieri awaco riwin, i ndir manyen, ma Wod Dhano bino bed'iye wi kom pere ma dhum ma didwoŋ, gikenyo wijapar g'ario ma wiluwan bende wibino bedo wi kombere ma dhum apar g'ario, kareno withumo banjin ri nonin apar g'ario ma Isiraili.

Matayo 21:21

Yesu odwoko ni, “Adieri awaco riwin, ka wibedo gi yeyo, aka wikiganagana, wibino nyalo timo gim'atimo ri makuyu me; ki meno kende, wibino nyalo waco ri got me ni, ‘Ay ka ibolere i nam.’ To bende timo ameno.

Matayo 21:31

Mene kwoŋ jario no m'otimo gima bamere oyenyo? To jodwoko ni, “Wode madwoŋ.” Yesu owaco rijo ni, “Adieri awaco riwin, jocoki misolo kodi mon ma jotana delkwoŋ jo i timo giwickwot ama jolakidho i Ker pa Were to widoŋ.

Matayo 23:36

Adieri awaco riwin, gir'acula me je bino bedo ri luse ji ma pama me.”

Matayo 24:2

To go odwoko jo ni, “Wineno gigipiny me je, k'ameno? Adieri awaco riwin, ongoye ka tele kad'acel m'ibino weyo wi nyawote ma k'okedhi woko.”

Matayo 24:47

Adieri awaco riwin, rwoth pere bino ketho go kuro lim pere je.

Matayo 25:12

To go odwoko ni, ‘Adieri awaco riwin, akuya ran win.’

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 25:45

Gikenyo go bino dwoko jo ni, ‘Adieri awaco riwin, munyo wikitimo gino ri kad'acel m'oasa thin kwoŋ jowotan me, meno wikitimo ran.’

Matayo 5:26

Ibino bedo kenyo, awaco rin, cuka inocul kiri pesa macowe m'othumi rin.

Matayo 6:16

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Matayo 6:2

Am'omiyo ka wimiyo jacandi gimoro, wikiri wiasa nyutho kamaler, paka joma rendere jotimo i kalamo pa Joyuda kodi i royo m'okare i tindi. Jotimo ameno nike ji jowopaki jo. Adieri awaco riwin, otiek miyo jo kemba pajo m'opoŋ.

Matayo 8:10

Yesu ouro munyo owinjo gime, omiyo owaco ri ji m'onwaŋo joluwo go ni, “Awaco riwin, fodi akineno kiti yeyo me i nyatoro je i Isiraili.

Mariko 10:15

Adieri awaco riwin, ŋata k'ojolo Ker pa Were paka nyathi mathin, kiladonj'iye.”

Mariko 10:29

Yesu odwoko ni, “Adieri awaco riwin, ongoye ŋat'owey ot, wutmin, nyimin, yokimere, bamere, nyithindho, kosa lowo kwoŋbedo an kodi Wac Manyen Maber,

Mariko 11:23

ŋat'owaci ri got me ni, ‘Mukere woko, ikidhi imunyere i wakawaka.’ Ongoye gi kiganagana i cunye, to yeyo ni gima go owaco bino timere, ibino timo rigo gino.

Mariko 12:43

Gikenyo Yesu olwoŋo jofonjirok pere bonge to waco rijo ni, “Adieri awaco riwin, citho ma jacandi me obolo i sanduku mic mathoth loyo apa joman je.

Mariko 13:30

Adieri awaco riwin, luse ji ma pama jok'orum mafodi gigipiny me k'otimere.

Mariko 14:18

Munyo jonitie dhower, Yesu owaco ni, “Awaco riwin, ŋat'acel kwoŋ win kidho camo ran sereko; aka manago ŋata cemo kodan.”

Mariko 14:25

Awaco riwin ni, odoko ak'omadhi vini me cuka ndelo m'anomadh'iye vini manyen i Ker pa Were.”

Mariko 14:30

Yesu owaco ri Petero ni, “Adieri awaco rin, kafodi wod gweno k'okoko dirio wor ma konon, ibino kwedere kwoŋan didek.”

Mariko 14:9

Aka adieri awaco riwin, kamoro je ma ofonj'iye Wac Manyen Maber i piny gipi, gima dheno otimo ibino tuco ma poyo go.”

Mariko 3:28

“Adieri awaco riwin, reco pa ji je ibino cwako rijo, kada luwo gima k'otire kwoŋ gimaleŋ;

Mariko 6:11

Ka witundo kamoro to jokwero jolo win, kosa winjo fonji mewin, ka wikadho teŋi win woko fukefuke ma tiendi win, paka ranyuth ma theko win gi jo.”

Mariko 8:12

Yesu oywe ywe mabor aka owaco ni, “Raŋo ma luse ji me jokwayo ranyuth? Adieri awaco riwin, ongoye ranyuth m'ibino miyo ji me.”

Mariko 9:1

Aka omedo waco ni, “Adieri awaco riwin, nitie jomegi kwoŋ win ka ma jok'otho mafodi jok'oneno Ker pa Were ka bino gi meni.”

Mariko 9:41

Adieri awaco riwin, nyatoro je m'omiy win agwata pi amadha kwoŋbedo wi ji pa Kristo, go kilakeŋ kemba pere.”

Luka 11:51

cako kwoŋ remo pa Abel tundo i remo pa Zekaria ma joneko i dier migam kodi Kabedo Maleŋ. Ey, awaco riwin, ji ma pama ibino ketho rijo banja kwoŋ reco no je!”

Luka 12:37

Jotic no josilwany ma rwoth pajo onwaŋ jonigi waŋ gin ka go bino. Awaco riwin adieri, go bino tweyo nanga moro i kore, to bedo piny dhower to poko jo cemo. Miti go odwoki munyo piny keko kosa munyo ocot;

Luka 13:35

Kole Ot pa Were man kenyo ibino jwango, aka awaco riwin, wik'onenan kendo cuka winowaci ni, ‘Jasilwany a ŋata bino i nyingi Rwoth!’ ”

Luka 16:17

To yot ri polo gi piny rerok, makiweno nyeko woko kada nyaka adec m'ondhilo kwoŋ Cik.”

Luka 18:17

Adieri awaco riwin, ŋata kijol Ker pa Were paka nyathi kiladonj'iye.”

Luka 18:29

Yesu owaco rijo ni, “Ey, t'awaco riwin ama: Ongoye ŋat'owey peco pere kosa cege kosa wutmin kosa jonywol kosa nyithindho pere ro Ker pa Were

Luka 23:43

Yesu owaco rigo ni, “Adieri awaco rin, konon ibino bedo kodan i kabedo ma yupolo.”

Luka 4:24

Aka owaco ni, “Adieri awaco riwin, jatuci wac Were kijol maber i piny pere won.

Yohana 1:51

Aka Yesu owaco rigo ni, “Adieri awaco rin, ibino neno munyo polo oyawere kareno jomalaika pa Were joidho malo aka joloro piny wi Wod Dhano.”

Yohana 10:1

“Adieri awaco riwin, ŋata kidonji i dier sidwol rombo gi dhiot, to idho gi yuthenge man, meno go jakwo kendo jamahembi.

Yohana 10:7

Yesu odoko owaco ni, “Adieri awaco riwin, Aŋat'abedo dhiot pa rombo.

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Yohana 13:16

Adieri awaco riwin, ongoye ŋeca maloyo rwoth pere gi dwoŋ, kendo ongoye jamikwenda madwoŋ loyo ŋat'ooro go.

Yohana 13:38

Yesu odwoko ni, “Iyikere adieri tho ran? Adieri awaco rin, kafodi wod gweno k'okoko, ibino kwedirok kwoŋan didek.”

Yohana 14:12

Adieri awaco riwin, moro je ma yeyan bino timo tic ma an atimo, ey, bino timo kiri maloyo me, rupiri akidho bongi Baba.

Yohana 16:20

Adieri awaco riwin, wibino ywak to wirem, kareno piny sangala. Wibino winjo malith, to winjo malith mewin no bino lokere kisangala.

Yohana 16:23

“Ka ndelo no otundo wikibino kwayan gimoro. Adieri awaco riwin, Baba bino miyo win gimoro je ma winokway i nyingan.

Yohana 21:18

Adieri awaco rin, munyo fodi ithin onwaŋo iwon irukere t'ikidho kam'iyenyo je; to ka iti ibino rieyo cingin ŋatiman ama worukin to terin kama d'ikimito kidh'iye.”

Yohana 3:11

Adieri awaco rin, waluwo gima waŋeyo, aka wawaco gima watieko neno to ongoye moro kwoŋ win ma yeyo jolo mikwenda mawan.

Yohana 3:3

Yesu odwoko ni, “Adieri awaco rin, ongoye ŋata nyalo neno Ker pa Were kwanyo woko k'onywole madirio.”

Yohana 3:5

Yesu odwoko ni, “Adieri awaco rin, ongoye ŋata nyalo donjo i Ker pa Were kwanyo woko ka olimo nywolirok ma pi kodi ma Cuny.

Yohana 5:19

Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

Yohana 6:26

Yesu odwoko ni, “Adieri awaco riwin, wirangan rupiri ceŋino wicamo mugat wiyeŋ wijoje, to makiweno ni wineno ranyuth ma gir'aura.

Yohana 6:32

Yesu owaco rijo ni, “Adieri awaco riwin, Musa ama k'omiyo win mugat ma wok i polo. To Baba won ama miyo win mugat mar'adieri ma wok i polo.

Yohana 6:47

“Adieri awaco riwin, ŋata yeyo je nitie gi kwo makirum.

Yohana 6:53

Yesu owaco rijo ni, “Adieri awaco riwin ni ka wikicamo delkwoŋ Wod Dhano to wimadho remo pere wik'obedi gi kwo i win.

Yohana 8:34

Yesu owaco rijo ni, “Adieri awaco riwin, moro je ma timo gimarac meno ŋeca pa gimarac.

Yohana 8:51

Adieri awaco riwin, ni ŋata winjo fonji paran kilatho.”

Yohana 8:58

Yesu odwoko ni, “Adieri awaco riwin, mafodi k'onywol Abraham oyido anitie.”

1 Petero 1:25

to wac pa Rwoth doŋadoŋa cil gi cil.” Aka me a wac m'otiti riwin.

Menyirok ri Yohana 20:11

Odoko aneno kom moro madwoŋ matar ma dhum kodi ŋat'obed'iye; polo gi piny joringo joeye woko ruwaŋe m'odoko jok'onenere kicutho.