Matayo 5:16 - KITAWO MALEŊ Catholic

¹⁶ Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

KITAWO MALEŊ

¹⁶ Riameno lero mewin bende ripo menyo iye je ŋey ji jowoneni gima beyo ma witimo to jopako Bawin man polo.

Matayo 5:16 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 34:35

aka oyido joneno nike waŋ Musa menyin. Kenyo go oyido dwoko kitambala cuka hongo ma go okidhi luwo gi Rwoth.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 58:8

Ameno nyaka lero mewin laliel paka ŋamba, aka adhola mewin lacango piyo. Jaboth mewin latelo yuwiy win, aka dwoŋ pa Rwoth lagwoko win yucen.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Matayo 23:5

Gimoro je ma jotimo, jotimo nyaka ni ji jowoneni jo. Neni paka joyaro migowa m'iketh'iye ndiko, jojaŋo gim'ondiki i nyim gin kodi i badi jo! Aka jotimo tiendi kanzu pajo bedo de malac aka maboyo!

Matayo 23:9

Aka wikiri wilwoŋ moro i piny ka ni baba, rupiri winitie gi Bawin acel kende ma i polo.

Matayo 5:45

aka nyaka wibino bedo nyithindho pa Bawin manitie i polo; kole go miyo ceŋ pere liel ri ji mareco kodi mabeyo marom, aka go miyo jomabeyo gi joreco je koth.

Matayo 6:16

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Matayo 6:9

Me apaka wiripo kwayo, Bawan ma i polo; Nyingin wolwor.

Matayo 9:8

Munyo lwak ji m'oyido nikenyo joneno gino, jouro swa, to jopako Were m'omiyo dhano kiti meni ma cal ameno.

Luka 11:2

Yesu owaco rijo ni, “Waci win ama ka wikwayo.” “‘Bawan manitie polo, Nyingin wolwor. Ker perin wobin.

Yohana 15:8

Me apaka Baba bino limo dwoŋ: Ka wiwodho gima nyak madit ma nyutho ni wibedo jofonjirok paran.

Tim pa Jomoor 9:36

I Yopa onwaŋo nitie dhako m'oyeyo m'ilwoŋo ni Tabisa, (Nyinge i Dhogrik obedo Dokas, dwoŋ mere ni amudhe), m'oyido oro hongo pere je ma timo bero gi konyo jocandi.

1 Jokorintho 14:25

aka paro m'opondo i cunye bino wodhere kamaler. Gikenyo go bino riewere piny to lamo Were munyo tuco ni, “Adieri, Were nitie gi win!”

2 Jokorintho 9:13

Aka ro tic mewin m'otieko nyuthere kamaler me, jomathoth jobino miyo Were dwoŋ ro cwirok mewin kwoŋ Wac Manyen Maber mapa Kristo ma wituco ni wiyeyo, kodi ro miyo kony mewin munyo wipoko lim mewin gi jo kodi joman bende.

Jogalasia 1:24

Gikenyo jopako Were ro wac ma jowinjo kwoŋan.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 5:8

Kole con oyido wibedo jomudho, to pama onyo wilokere joparo i Rwoth. Riameno woth win paka nyithindho ma lero.

1 Jothesalonika 2:12

Waruma win gi miyo win miseni, wadiyo cuny win, aka wakwayo win nike kwo mewin wobedi ma sangala Were, ma lwoŋo win donjo i Ker kodi i dwoŋ pere.

1 Timothe 2:10

To jowobedi gi tim mabeyo paka ripo gi mon ma jowaco ni jolworo Were.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

1 Timothe 5:25

Meno bende apaka, tic mabeyo nenere kamaler; kendo kada jok'othangere kamaler jokinyal panirok.

1 Timothe 6:18

Or jo timo gima beyo, jowoŋaŋ i tic mabeyo, jowobedi jomiyo munyo jopoko gigipiny gi joman.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 2:7

Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Tito 3:14

Ji mawan joripo fonjere timo tic mabeyo, ŋey jowolimi gikonyirok ma noknok aka nyaka jokiri jowobedi gi kwo m'ongoye kony.

Tito 3:4

To munyo bero kodi mar pa Were ma Jaboth mawan onenere,

Joebulaniya 10:24

Aka weyi wapar win kwoŋ jowoti wan, munyo wakonyere i nyutho mar gi timo bero ri jowoti wan.

1 Petero 2:12

Kula mewin i dier joma bu Were wobedi maber ma ka jotemi kelo kwoŋ win wac ni wireco, jobino neno tim mewin mabeyo, to jopako Were i Ndelo ma bino pere.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 3:1

I royo acel, win mon wiripo yere gi cwogi win, ŋey ka moro kwoŋ jo jokiyey wac pa Were, kiti mon pajo mabeyo wonyali ywayo jo to joyeyo.

1 Petero 3:16

To tim win ameno gi mwolo ka wimiyo jo dwoŋ. Kendo kuri win paro ma cuny win maber, aka ŋey joma joluwo marac kwoŋ kiti win maber i Kristo, wiy jo bino kwot kwoŋ gima jowaco.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 4:14

Wijosilwany k'oyeti win ro oro nyingi Kristo; dwoŋ mere ni Cuny ma nigi dwoŋ aka apa Were, nitie i win.