Matayo 4:10 - KITAWO MALEŊ Catholic

¹⁰ Gikenyo Yesu odwoko ni, “Eye bongan Sitan! Ondiki ni, ‘Lami Rwoth Were perin aka itiy rigo won kende.’ ”

KITAWO MALEŊ

¹⁰ Gikenyo Yesu odwoko ni, “Eye bongan Sitan! Ondiki ni, ‘Lami Rwoth Were perin aka itiy rigo won kende.’ ”

Matayo 4:10 ပူးပေါင်းရင်းမြစ်များ

1 Kigana kwoŋ Kerin 21:1

Sitan oyido omito kelo kwoŋ Joisiraili teko, ameno omiyo Daudi kwano Joisiraili.

Yobu 1:12

Rwoth owaco ri jakwor Sitan ni, “Meno ber, kisi gima go nitie gine je nitie i cingin, to nyaka ikir'itel cingin geyo go!” Ameno Sitan oeye woko ruwaŋ Rwoth.

Yobu 1:6

Ndelo acel, jomalaika jobino ruwaŋ Rwoth, aka jakwor Sitan bende obino i dier jo.

Yobu 2:1

Ndelo acel jomalaika jobino ruwaŋ Rwoth, aka jakwor Sitan bende obino i dier jo ruwaŋ Rwoth.

Zabuli 109:6

Jowaco ni woyeri jakidakana wothum rigo banja; weyi jakwor pere won wosegeya go.

Kitawo mar'ario mapa Musa m'ilwoŋo ni Wok 23:25

Ka wilaman, Rwoth Were mewin, abino miyo win silwany ma cemo gi pi, t'abotho two mewin je.

Isaya 30:22

Kenyo wilakwanyo cal mewin m'oum gi feza kodi zahabu to wibolo woko paka oselo ma dhako oro ka ruko dwe, aka wilawaco ni, “Wikoci.”

Matayo 16:23

Yesu owire to waco ri Petero ni, “Eye bongan, Sitan! Iriwere ran i royo, rupiri paro perin me kiwoki bongi Were, to wok bongi dhano ayin.”

Mariko 1:13

Yesu otieko kenyo ndelo piero aŋwen, munyo Sitan temo go; aka jomalaika jokonyo go.

Luka 10:18

Yesu odwoko jo ni, “Aneno Sitan munyo podho pa lithkoth m'owok i polo.

Luka 11:18

Onyo ka Sitan won owire to tiakere diere, ker pere ocungi nedi? Ato wiwaco ni ariemo jwogi gi meni pa Belzebul.

Luka 13:16

To yagi, dhako me ma nyar Abraham, aka Sitan onwaŋo otweyo go kweth oro apar g'aboro gipi, ama di k'onyal gonyo go i twec me kada nende i ndelo ma Sabato?”

Luka 22:3

Gikenyo Sitan odonjo i Yuda, m'ilwoŋo ni Iskariot, m'onwaŋo obedo acel kwoŋ jofonjirok apar g'ario.

Luka 22:31

“Simon, Simon, panen! Sitan oridho ri Were ni yenyo win, ŋey woyeki win pa nyingi kal.

Luka 4:8

To Yesu dwoko go ni, “Ondiki ama.” “Lam Rwoth Were perin, aka itiy rigo won kende.”

Yohana 13:27

Tekin Yuda jolo mugat no, Sitan odonjo kwoŋe. Yesu owaco rigo ni, “Kwaki timo gim'iyiko timo!”

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Tim pa Jomoor 5:3

Petero owaco rigo ni, “Anania, raŋo m'iyeyo Sitan odonjo i cunyin to miyin itwodo ri Cuny Maleŋ to ikano adec ma pesa m'ilimo i lowo perin?

1 Jokorintho 5:5

wiripo cwayo ŋati me ri Sitan wonyeki delkwoŋe, g'awanya mere ŋey cunye wolimi both i ndelo pa Rwoth Yesu.

1 Jokorintho 7:5

Wikiri wikwere, kwanyo woko ka wiyere wijario timo ameno cowo hongo macek, ŋey wilimi hongo ma kwayo; to gik win mayot i kwo ma nywomirok, ka k'obedo ameno ciro mewin manok nyalo miyo widonjo i karatem pa Sitan.

2 Jokorintho 11:14

Aka meno ki gidhier, rupiri kiri Sitan bende twodo to lokere paka malaika ma lero!

2 Jokorintho 12:7

To ma jukan ŋey akir'akwoti gi pakirok ro menyirok ma urere m'aneno, okethi kwoŋan gima cale okudho, ma tiyo paka jamikwenda pa Sitan ma wocandan aka wojukan akir'abedi gi kwoto.

2 Jokorintho 2:11

ŋey wageŋ Sitan loyo wan gi rieko; ato waŋeyo can pere.

Kitawo mar'abic mapa Musa m'ilwoŋo ni Cik 10:20

Wiripo lworo Rwoth Were mewin, go kende ama wiripo lamo, wiripo ketho go marapena, to wikwoŋere i nyinge.

Yakobo 4:7

Am'omiyo, bedi win joma winjo Were. Ciri win Jwogi aka go bino eye kwoŋ win gi ŋwec.

Yosuwa 24:14

“Onyo riameno wor win Rwoth, aka witiy rigo iy'adieri kodi genirok; wikethi gicen werin ma kwarere mewin jotiyo rijo yombo Malawa kodi i Misir, aka witiy ri Rwoth.

1 Petero 5:9

Piem win gine, munyo wicungo matek i yeyo mewin, rupiri wiŋeyo ni jowoti win ma joyeyo i piny gipi bende onyo joluwo i kiti candirok no.

1 Samwiri 7:3

Ameno Samwiri owaco ri Joisiraili je ni, “Ka wigik bongi Rwoth g'adundo mewin je, wiripo ketho gicen werin pa jopath kodi cal pa Asitate were mewin madhako. Miyere win kicutho ri Rwoth aka wilam go kende, aka go labotho win kwoŋ meni pa Jofilistia.”