Matayo 22:4 - KITAWO MALEŊ Catholic

⁴ Riameno go odoko ooro jotic man gi mikwenda me: ‘Waci win ri jom'olwoŋ ni atieko yiko kisi gimoro i kalima paran; megikwe paran kodi dhok ma cwe otiek neko, aka gimoro je onyo oyikere. Biye win i kalima ma nywomirok.’

KITAWO MALEŊ

⁴ Riameno go odoko ooro jotic man gi mikwenda me: ‘Waci win ri jom'olwoŋ ni atieko yiko kisi gimoro i kalima paran; megikwe paran kodi dhok ma cwe otiek neko, aka gimoro je onyo oyikere. Biye win i kalima ma nywomirok.’

Matayo 22:4 ပူးပေါင်းရင်းမြစ်များ

Nehemia 9:17

Jokwero winjo, wi jo owil gi gim'imito je, gi gir'aura m'oyido itieko timo. I noro pajo joyero jatel dwoko jo i twec i Misir. To ibedo Were ma cwako; inyutho wor, ipoŋ gi mar makiwire, aka ikimaki nge piyo. Inyutho wor madwoŋ, aka ikijwango jo.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Agecin 15:17

Ber camo fufa kama mar nitie i iye, loyo camo riŋo maleny kama dakirok nitie i iye.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Matayo 21:36

Go odoko ooro ŋecin man mathoth loyo jomarapena, to jotic jotimo jo ameno bende.

Matayo 22:5

To jom'olwoŋ jo jok'odewo, jokadho i tic pajo ayino; acel okadho i ndelo pere, ŋatiman i mitan pere;

Matayo 22:8

Gikenyo go olwoŋo jotic pere to waco ni, ‘Kalima ma nywomirok onyo otieko yikere, to paka ji m'oyido alwoŋo jokiripi gine,

Luka 14:17

Aka i hongo ma cemo, go odhiro jotic pere waco ri joma go olwoŋo ni, ‘Biye win, kole gimoro je otieko yikere.’

Tim pa Jomoor 1:8

to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny.

Tim pa Jomoor 13:46

To Paulo kodi Barinaba jomedo luwo pajo gi miseni ni, “Oyido yenyere ni wac pa Were wopen tito riwin ayino. To paka wikijol, aka wikiter i kwo mewin paka joma ripo limo kwo makirum, walaweyo win to wakidho bongi Jopath.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?