Matayo 22:3 - KITAWO MALEŊ Catholic

³ Ooro jotic pere waco ri wendo m'olwoŋ ni jowobin i kalima; to jok'omito bino.

KITAWO MALEŊ

³ Ooro jotic pere waco ri wendo m'olwoŋ ni jowobin i kalima; to jok'omito bino.

Matayo 22:3 ပူးပေါင်းရင်းမြစ်များ

Zabuli 68:11

Rwoth wodho or; to mon kweth jotiŋo wac maber:

Isaya 30:15

Kole Rwoth Were, Were Maleŋ pa Isiraili otieko waco ama: I dwoko bongan wilalimo ywomirok gi both, liŋ gi geno labedo meni mewin, to wikiyeyo.

Yeremia 25:4

Kada nende Rwoth omena dhiro riwin ŋecin pere jotuci wac Were, fodi wikiwinjo kosa ciko ithi win ma winjo

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Hoseya 11:2

Paka amedo lwoŋo jo, apaka bende jomedo weyan; jomedere miyo cowirok ri Bal, kodi waŋo buban ri cal.

Hoseya 11:7

Ji paran jomiyere wirok kwoŋan. Jolwoŋo Jamalo Swa, to go kitiŋi jo malo kada mathi.

Zefania 1:7

Bedi liŋ ruwaŋ Rwoth Were! Kole ndelo pa Rwoth orikere, Rwoth otieko yiko cowirok, go otieko loko wendo pere maleŋ.

Matayo 21:34

Munyo ndir otundo ma fono vini, go ooro ŋecin pere bongi jotic nike jowomiy go vini pere.

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

Matayo 3:2

“Ŋuti win, rupiri Ker ma polo nicegin!”

Matayo 9:15

Yesu odwoko jo ni, “Cene wendo ma kalima ma nywomirok bende jobedo gi rem mafodi jamweha nitie gi jo? Ki nyalere! To ndir bino tundo m'ibino kwany'iye woko jamweha bongi jo nyaka to joriyo kec.”

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Luka 15:28

Omin madwoŋ nge omako to kwero kiri donjo i ot; gikenyo bamere owok woko to temo naŋo go ni wodonji.

Luka 19:27

Aka jokwor paran ma jokweran bedo kere pajo no keli win ka wineki jo ruwaŋan!’ ”

Yohana 5:40

To je fodi wikiyey bino bongan limo kwo.”

Tim pa Jomoor 13:45

Munyo Joyuda joneno lwak ji, nyeko omako jo; jopiemo gi gima Paulo oyido waco aka joyeto kiri go.

Joroma 10:21

To ma mako kwoŋ Isiraili go waco ni, “Atiŋo cingan malo ndelo gipi ri ji ma jocay kendo ma jopiem.”

Joebulaniya 12:25

Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!

Joebulaniya 9:15

Ro wac me Kristo obedo jatim can ma miyo cikirok manyen wotiy, ŋey joma Were olwoŋo jowonyal limo silwany ma Were ociko. Kole go otieko tho paka cul ma gonyo ji woko kwoŋ kibenga ma jotimo munyo oyido jonitie i cikirok marapena.

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.