Matayo 2:13 - KITAWO MALEŊ Catholic

¹³ Munyo jotieko kadho, malaika pa Rwoth omenyere ri Yozefu i lek munyo waco ni, “Ay malo ikwany nyathi gi yokimere wiringi i piny Misir, aka wibedi koro cuka anowaci riwin ndir ma dwoko. Herode larango nyathi no munyo mito neko.”

KITAWO MALEŊ

¹³ Munyo jotieko kadho, malaika pa Rwoth omenyere ri Yozefu i lek munyo waco ni, “Ay malo ikwany nyathi gi yokimere wiringi i piny Misir, aka wibedi koro cuka anowaci riwin ndir ma dwoko. Herode larango nyathi no munyo mito neko.”

Matayo 2:13 ပူးပေါင်းရင်းမြစ်များ

1 Kerin 11:17

to Hadad oringo i Misir, kanyacel gi Joedom moro m'oyido ŋecin pa bamere, Hadad oyido fodi thin.

1 Kerin 3:5

Kenyo Rwoth omenyere rigo wor i lek; aka Were openjo go ni, “Kway gim'amiyin.”

Yobu 33:15

Bedo i lek, i menyirok ma wor, ka nindo mapek okwalo ji, kareno jonur i kanindo pajo,

Yobu 33:17

Were luwo ma miyo jo weyo tim pajo marac, kodi geŋo jo kwoŋ noro.

Kitawo mar'ario mapa Musa m'ilwoŋo ni Wok 1:22

Kenyo Farawo omiyo ji pere cik ni, “Kisi nyathi majayac ma Joebulaniya jonywolo bol win i malawa Nayil, to manyir mere weyi win jowokwo.”

Matayo 1:20

Neni, munyo fodi go paro ameno, malaika pa Rwoth to bino rigo i lek, to waco rigo ni, “Yozefu wod pa Daudi, Ikir'ilwor rwako Maria bedo dhako perin, rupiri go yac gi meni pa Cuny Maleŋ.

Matayo 10:23

Aka ka ilwenyo gi win i tindi acel, ringi win i man. Awaco riwin, wik'ocow tic mewin i tindi je ma Isiraili mafodi Wod Dhano k'obino.”

Matayo 2:12

Were onyutho jo i lek nike jokiri jogik kendo pa Herode, riameno jodok yupiny pajo gi royo man.

Matayo 2:14

Am'omiyo Yozefu oay malo okwanyo nyathi gi yokimere, to joay wor kidho yu Misir,

Matayo 2:16

Munyo Herode oneno ni jorieko ma jowok yuwok ceŋ jothumo rigo rieko, keme omako go to wodho or nike woneki woko nyithindho mayac je ma joromo oro ario gik cen, i Bethelehem kodi loka m'othenere gine. Otimo gino je cungo kwoŋ gima go oyido otieko ŋeyo kwoŋ ndir ma go openj'iye jorieko ca kwoŋ menyirok pa micala.

Matayo 2:22

Munyo Yozefu owinjo ni Akelayo am'olunjo kom pa bamere Herode paka kere ma Yuda, lworo omako go dok kendo kenyo. Were omedo menyo rigo i lek, am'omiyo go okidho iy'adec ma Galili,

Tim pa Jomoor 10:22

Jowaco ni, “Jasirikale madwoŋ m'ilwoŋo ni Kornelio ama ooro wan. Go obedo ŋataber ma lamo Were aka Joyuda joworo go swa. Acel kwoŋ jomalaika pa Were owaco rigo nike wolwoŋin i ot pere, wonyali winjo gim'inowaci.”

Tim pa Jomoor 10:7

Gikenyo malaika m'onwaŋo luwo gine okadho, aka Kornelio olwoŋo jotic ma ot pere jario kodi jasirikale, ma bende jadin matek m'onwaŋo obedo acel kwoŋ jokur pere.

Tim pa Jomoor 12:11

Gikenyo Petero nyaka oniaŋ kwoŋ gim'owok timirok rigo, to waco ni, “Nyaka onyo aŋeyo ni gime obedo adieri! Rwoth ooro malaika pere wobothan kwoŋ meni pa Herode kodi kwoŋ gigipiny je ma Joyuda oyido jocano timo ran.”

Tim pa Jomoor 12:7

Piyo piyo malaika pa Rwoth omenyere, to lero meny i od twec. Malaika no ogwelo buti Petero, oyengo go to cewo go aka owaco ni, “Kwakere! Ay malo!” Gikenyo won to atege ma cinge budhere woko.

Tim pa Jomoor 16:36

Gikenyo jakur od twec owaco ri Paulo ni, “Jothumi banjin jodhiro or ni wogonyi win. Onyo winyalo kadho, kadhi win gi siem.”

Tim pa Jomoor 5:19

To i wor no, malaika pa Rwoth oyawo waŋkac ma od twec, to wodho woko jomoor, to waco rijo ni,

Tim pa Jomoor 7:19

Go obuto ri ji mawan to lokere mager ri kwarere mawan, munyo romo jo jwango nyithindho pajo maŋic nike jowotho.

Yosuwa 3:13

Ka par tiendi jocway ri Were i wi migam ma jotiŋo Kakan pa Rwoth, Rwoth ma piny gipi, ogey pi ma Yordan, pi ma mol wok yumalo bino ŋadere woko, to jocungo i kidhur acel.”

Yosuwa 3:17

Munyo Joisiraili oyido joŋado kam'othwo, Jocway ri Were i wi migam ma jotiŋo Kakan ma Cikirok pa Rwoth jocungo kam'othwo i dier Yordan, cuka nono parom jotieko ŋado Yordan.

Yosuwa 4:10

Jocway ri Were i wi migam ma jotiŋo Kakan ma Cikirok jodoŋ ma jocungo i dier Yordan, cuka kisi gimoro ma Rwoth ooro Yosuwa ni wowaci ri ji orumo, paka i gimoro je ma Musa ooro Yosuwa. Ji joŋado gi kwakirok.

Yosuwa 4:18

Aka munyo jocway ri Were i wi migam ma jotiŋo Kakan ma Cikirok pa Rwoth jobino malo wok i dier Yordan, aka par tiendi jo oyido otiŋere malo kam'othwo, pi ma Yordan ogik i kabedo mere to mol i coŋino mere je paka con.

Menyirok ri Yohana 12:14

Dhako no omiy bwombe ario mapa ango madongo ŋey woay wokidhi i kabedo m'oyik rigo i thim kam'ibino kur'iye go cowo oro adek g'adec, ma thwol no kinyal monj'iye go.

Menyirok ri Yohana 12:4

Go owaro woko gi yiwe acel wiy adek ma micalin ma i hongo to rwadho jo piny i lowo. Go ocungo ruwaŋ dhako m'oyido cegin nywol no, ni womwonyi nyathi pere tekin podho.

Menyirok ri Yohana 12:6

Gikenyo dhako no oringo i thim; Were oyido oyiko rigo kabedo kenyo, kam'ibino kur'iye go cowo hongo ma ndelo gana acel miya ario gi piero aucel.