Matayo 18:31 - KITAWO MALEŊ Catholic

³¹ Munyo jotic man joneno gime paka otimere, cuny gin oramo jo swa, to jokidho bongi rwoth pajo to jowaco rigo gimoro je m'otimere.

KITAWO MALEŊ

³¹ Munyo jotic man joneno gime paka otimere, cuny gin oramo jo swa, to jokidho bongi rwoth pajo to jowaco rigo gimoro je m'otimere.

Matayo 18:31 ပူးပေါင်းရင်းမြစ်များ

Cakirok 37:2

Me kigana ma mako kwoŋ peco pa Yakobo. Yozefu, jayac ma jaoro apar g'abirio, oyido kwayo mwendi gi wutmin go; wot Biliha kodi Zilipa mon pa bamere. Yozefu oyido osa ri bamere gimarac ma wutmin go oyido jotimo.

Zabuli 119:136

Pigi waŋan cwer paka malawa, kwoŋbedo ji jokikur cik perin.

Zabuli 119:158

K'aŋiyo jocam sereko, cunyan ŋedhere, kwoŋbedo jokikur or perin.

Yeremia 9:1

Awi ka bedi wiyan oyido obedo waŋ pi, aka waŋan kama pigi waŋ jo wok'iye, ŋey anyal ywak wor g'odieceŋ ri ji paran ma jocandi m'oneki jo!

Matayo 14:9

Kere ogut, to ro kwoŋirok pere ma go oyido otieko timo i nyim wendo pere gibe, go owodho or nike gima nyano oyenyo womiy go.

Matayo 18:28

“To munyo jatic no oyido kadho, oromo gi jatic nyawote m'onwaŋo nigi banja pere ma muma pesa miya acel, go omako ŋato to cako deyo. Owaco ni, ‘Culan pesa paran m'ikopa!’

Matayo 18:30

To go k'oyeyo; kucel omiyo obol ŋato i twec cuka woculi banja no.

Matayo 18:32

Gikenyo rwoth olwoŋo jatic no to waco ni, ‘In i dhano marac! Acwakin banja m'onwaŋo initie gine bongan gipi rupiri iywakere ran;

Mariko 3:5

Yesu ogawo jo gi keme, rupiri cuny jo oyido nwaŋ, aka owaco ri ŋato ni, “Riey cingin.” Ŋato orieyo cinge, to cinge bedo maber kicutho.

Luka 14:21

Gikenyo jatic no ogik to dwoko wac ri rwoth pere. Won peco owaco ri jatic pere no gi nge ni, ‘Kidhi i royo madwoŋ kodi i royo je m'okare i tindi, idwoki kodi jocandi gi jom'omienere gi joma waŋ gin otho kodi jom'oŋol.’

Luka 19:41

Yesu otundo cegin gi tindi madwoŋ aka munyo oneno tindi no, oywako

Joroma 12:15

Sangala win gi joma sangala, ywak win gi joma ywak.

2 Jokorintho 11:21

Kole wiyan kwot k'apoyo ni oyido wanyap swa ma wakinyalo timo ameno. To ka moro timo miseni to yumere gi gimoro, ka aluwo paka ŋatamiŋ, abende onyo alatimo miseni ma yumirok amanago.

Joebulaniya 13:17

Winji win jotel mewin, odoko bedi win ma wimwol rijo, rupiri jo jokuro win paka joma ripo tito ri Were kite ma jotiyo gine. Ka wiwinjo jo, aka jobino timo tic pajo gi kisangala; makiweno gi cuny jo m'ocile, aka meno kinyal konyo win.

Joebulaniya 13:3

Poyi win joma nitie i twec paŋini winitie i twec gi jo. Poyi win joma candere, paŋini wicandere gi jo.