Matayo 13:44 - KITAWO MALEŊ Catholic

⁴⁴ “Ker ma polo cale ŋaŋo m'opan i ndelo. Dhano moro ocombo kwoŋe, gikenyo to umo kendo. Go odok gi kisangala m'omiyo go okidho to tana woko gigipiny man je ma go oyido nitie gine, to gik nyewo ndelo no.”

KITAWO MALEŊ

⁴⁴ “Ker ma polo cale ŋaŋo m'opan i ndelo. Dhano moro ocombo kwoŋe, gikenyo to umo kendo. Go odok gi kisangala m'omiyo go okidho to tana woko gigipiny man je ma go oyido nitie gine, to gik nyewo ndelo no.”

Matayo 13:44 ပူးပေါင်းရင်းမြစ်များ

Yobu 28:13

Ji jokuya nger ma limo rieko, aka kinwaŋere i lowo pa jomakwo.

Agecin 16:16

Nga ber nwaŋo rieko loyo zahabu! Limo niaŋ ber loyo feza.

Agecin 17:16

Aŋo m'omiy jomamiŋ culo pesa, ma nyewo rieko ma to jongoye gi nyaŋith?

Agecin 18:1

Ŋata bedo kakende bedo jagwondo, aka cayo kisi gima dhano je oŋeyo ni otire.

Agecin 23:23

Nyew adieri, t'ikir'itana, nyew rieko, fonji kodi niaŋ.

Isaya 55:1

Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

Matayo 13:24

Yesu oluwo rijo iy'ageca man ama: “Ker ma polo cale dhano m'ocwoyo kodhi maber i ndelo pere.

Matayo 13:46

Ka go onwaŋo ma welo tektek, go kidho to tana woko gigipiny man je ma go oyido nitie gine, to gik nyewo ge no.”

Matayo 13:47

“Ker ma polo bende cale bwo ma jokitoga jobolo i wakawaka, to jomako rec ma nger je.

Matayo 19:21

Yesu owaco rigo ni, “K'iyenyo bedo ŋataber kicutho, kidhi itana gimoro je m'inigine aka pesa mere imiy jocandi, aka ibino bedo gi ŋaŋo i polo; ŋey nyaka ibin iluwan.”

Matayo 19:27

Gikenyo Petero oluwo malo ka waco ni, “Panen, watieko weyo gimoro je to waluwin. Wanolimi aŋo?”

Matayo 19:29

Aka nyatoro je m'oweyo udi, kosa wutmin, kosa nyimin go, kosa bamere, kosa min, kosa nyithindho, kosa ndelin ro an, bino limo kendo dimiya acel, kanyacel gi kwo makirum.

Matayo 6:21

Kole kama diŋaŋo perin ama cunyin bed'iye ndir je.

Luka 14:33

Am'omiyo, i dier win ŋata kimaran loyo gimoro je ma go nitie gine, meno kinyal bedo jafonjirok paran.”

Yohana 6:35

Yesu owaco rijo ni, “Abedo mugat ma kelo kwo. Ŋata bino bongan kilawinjo kec, aka ŋata yeyan kilawinjo riyo.”

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Jokolosia 2:3

I go, okan'iye rieko mathoth kodi niaŋ kwoŋ wac.

Jokolosia 3:16

Weyi mikwenda pa Kristo gi ŋaŋo mere je, wobedi i cuny win, munyo wifonjo aka wimedo jowoti win meni gi rieko je, kareno wiwero wer Zabuli, kodi wer ma cuny ka wifoyo Were i cuny win.

Joebulaniya 10:34

Wimako wor gi jom'otwey i jiera, aka munyo omay win lim mewin wiciro teko no gi kisangala, rupiri oyido wiŋeyo ni winitie gi gima beyo loyo meno, ma yindira cil gi cil.

Menyirok ri Yohana 3:18

Am'omiyo, amiyin rieko ni nyew zahabu bongan, m'oyik gi mac, aka inoŋaŋ. Nyew nangin matar bende iruki aka ium gine kinyoro perin ma kelo rin wickwot no. Nyew yen ma waŋ jo bende ikethi i waŋin, aka ŋey inyal neno.