Matayo 12:34 - KITAWO MALEŊ Catholic

³⁴ Win nyithindhi malasaŋ! Di winyal luwo nedi wac maber ma to wireco? Kole wac ma dhano luwo meno gim'opoŋ i cunye.

KITAWO MALEŊ

³⁴ Win nyithindhi malasaŋ! Di winyal luwo nedi wac maber ma to wireco? Kole wac ma dhano luwo meno gim'opoŋ i cunye.

Matayo 12:34 ပူးပေါင်းရင်းမြစ်များ

Zabuli 53:1

Jamiŋo waco i cunye ni, “Were ongoye.” Jombaka aka jotimo gimienirok, ongoye ŋata timo gimaber.

Zabuli 64:3

Jopako lew gin paka abore, to joyiko wac mager paka aserin,

Zabuli 64:5

Jonitie g'atoŋa ma timo reco; joluwo ciko bwo nyaliŋliŋ, ka joparo ni, “Ŋa manyalo neno wan?

Agecin 16:23

Paro pa ŋatariek miyo luwo pere bedo ma rieko, aka fonji pere dwoŋo jo.

Agecin 4:23

Gwok adundo perin, kwoŋbedo obedo waŋ kwo.

Isaya 32:6

Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

Isaya 59:14

Tiro odwoki yucen, aka ongoye gim'otire m'itimo. Kole adieri ongoye i kapido, aka genirok ongoye.

Isaya 59:4

Ongoye ŋata donjo i kapido g'adieri, aka wiluwo twodo i kapido; wigoŋere kwoŋ ywakirok ma twodo, joluwo twodo, witimo can mewin ma miyo joman litho.

Isaya 9:17

Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Matayo 12:35

Dhano maber wodho gigipiny mabeyo wok kwoŋ gigipiny mabeyo m'opoŋ i cunye; aka dhano marac bende wodho gigipiny mareco wok kwoŋ reco m'opoŋ i cunye.”

Matayo 15:18

To gigipiny ma wok i dhok dhano wok i cunye; gigipiny ma cale ameno ama loko dhano makoc.

Matayo 23:33

Wibedo thwole, nyithindhi malasaŋ, winobothi nedi banja ma tero win i mac makitho?

Matayo 3:7

Munyo Yohana oneno kweth Jofarisayo kodi Josadukayo jobino bonge obatisa jo, owaco rijo ni, “Win sidwol malasang, ŋata onyutho win rieko ma both kwoŋ keme pa Were macegin bino?

Luka 3:7

Riameno go owaco ri lwak ji m'oyido jobino obatisa jo ni, “Win nyithindhi malasaŋ! Ŋat'onyutho win ni ber wibudhere kwoŋ nge pa Were macegin bino?

Luka 6:45

Am'omiyo dhano maber wodho tim mabeyo wok i kakano bero manitie i adundo pere; aka ŋatarac bende wodho tim mareco wok i kakano reco manitie i adundo pere. Kole wac ma dhano luwo je wok i gim'opoŋ iy'adundo pere.

Yohana 8:44

Wibedo nyithindho pa bawin, jwogi, aka wimito timo gima bawin no yenyo. Wok con go oyido janek, fodi go k'obedo yuthenge mar'adieri, rupiri adieri ongoye i go. Ka go twodo meno go timo gikula pere won, rupiri go jatwodo aka go a ba jotwodo je.

Joefeso 4:29

Weyi win luwo wac ma ramo cuny jo, to luw win wac mabeyo kendo kodi ma konyo joman, kende ma ripo i hongo m'oluw'iye no, ŋey wac mewin wonyali kelo nema ri joma winjo.

Joefeso 5:4

Kendo kiripi ni wac ma wiluwo wobedi ma kwoto wiy jo, ma miŋo, kosa kiliesa makoc. Kucel wiripo bedo munyo wifoyo Were ayino.

Yakobo 3:2

Wajoje ndir madit wapodho. Dhano ma kipodhi i luwo pere meno dhano m'otire kicutho, manyalo dhumo kwo pere gipi.

1 Yohana 3:10

Me apaka wanyalo poko maber i dier nyithindho pa Were kodi apa jwogi: Nyatoro je ma kitim gim'otire kosa ma k'omaro omin go, meno k'obedo nyathi pa Were.

1 Samwiri 24:13

Iŋeyo ageca ma waco ni, ‘Tim marac wok bongi jomarac.’ Riameno akibino timo rin gimarac.