Matayo 11:3 - KITAWO MALEŊ Catholic

³ Jopenjo Yesu ni, “Waci riwan, in a ŋat'owaci nike labino kosa wakur ŋatiman?”

KITAWO MALEŊ

³ Jopenjo Yesu ni, “Waci riwan, in a ŋat'owaci nike labino kosa wakur ŋatiman?”

Matayo 11:3 ပူးပေါင်းရင်းမြစ်များ

Cakirok 12:3

Abino miyo silwany jono ma jomiyin silwany; t'abino kwoŋo jono ma jokwoŋin. Aka wok kwoŋin piny je bino limo silwany.”

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Zabuli 118:26

Jasilwany a ŋata donjo i nyingi Rwoth! Wamiyin silwany gi Ot pa Rwoth.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Obadia 1:21

Cwo ma jotieko loyo i Yerusalem, jobino monjo Edom to jodhumo. Aka Rwoth won bino bedo kere.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Hagay 2:7

aka alayengo nonin je, ŋey lim pa nonin je labino, aka alapoŋo ot me gi dwoŋ, Rwoth pa lwak jolweny waco.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Malaki 3:1

Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Kwan 24:17

Aneno go, to ki pama, aŋiyo go, to kinitie cegin, micala lawok kwoŋ Yakobo, kere lawok i Isiraili, go lareyo woko sondin ma Mowab, kodi adec pajo Seth.

Matayo 11:10

Me a ŋat'ondiki kwoŋe ni, ‘Eno adhiro jamikwenda paran yuwiyin, ma bino yiko rin royo.’

Matayo 11:4

Yesu odwoko ni, “Gik wiwaci ri Yohana gima pama wiwinjo kodi ma wineno.

Matayo 21:5

“Waci ri tindi Zayon ni, Neni kere perin bino bongin. Go mwol aka obedo wi punda, wi nyathi punda, wi punda mathin.”

Matayo 21:9

Lwak ji m'oyido wotho yuwiy Yesu kodi m'oyido luwo go cen jocako koko ni, “Ozana! Pak wobedi ri Nyakwar Daudi! Were womiy ŋata bino i nyingi Rwoth silwany! Ozana! Pak wobedi malo swa i polo!”

Mariko 11:9

Aka joma jotelo yuwiye kodi joma joluwo go yucen jowero ni, “Ozana! Jasilwany a ŋata bino i nyingi Rwoth!

Luka 19:38

Jowaco ni, “Silwany wobedi ri Kere ma bino i nyingi Rwoth! Siem wobedi i polo, aka dwoŋ wobedi ri Were!”

Yohana 11:27

Go odwoko ni, “Ey, Rwoth! Ayeyo nike in i Kristo, Wod Were, m'oyido genere ni labino i piny ka.”

Yohana 12:13

Riameno jokwanyo jangi thith to jokidho romo gine munyo jokoko ni, “Hosana! Jasilwany a ŋata bino i nyingi Rwoth! Silwany pa Were wobedi ri Kere ma Isiraili!”

Yohana 16:14

Go bino miyan dwoŋ, rupiri go bino waco riwin gimoro je m'okwanyo bongan.

Yohana 4:21

Yesu odwoko go ni, “Dhako me, yey gim'awaco rin; hongo bino tundo ma ji jok'olam Baba wi got me kosa kada i Yerusalem.

Yohana 6:14

Munyo ji joneno gir'aura ma Yesu otimo, jowaco ni, “Adieri me obedo jatuci wac Were m'oyido ripo bino i piny!”

Yohana 7:31

To kad'ameno ji mathoth i dier kitipa no joyeyo go, aka jopenjere ni, “Ka Kristo obin, otim tic madongo loyo ma jalin otieko timo?”

Joebulaniya 10:37

Kole ndiko waco ni, “Odoŋ nyaka hongo macek won ŋata ripo bino wobin kendo k'ogal.