Matayo 10:17 - KITAWO MALEŊ Catholic

¹⁷ Kure win, rupiri ji jobino mako win to jotero win i kapido, aka jobino cwado win i kalamo pa Joyuda.

KITAWO MALEŊ

¹⁷ Kure win, rupiri ji jobino mako win to jotero win i kapido, aka jobino cwado win i kalamo pa Joyuda.

Matayo 10:17 ပူးပေါင်းရင်းမြစ်များ

Mika 7:5

Ikir'igen jager, kosa mere. Gwokere i gim'iwaco, kada ri dhako perin.

Matayo 10:18

Ibino tero win bongi jodhum madongo kodi kerin ro an, ŋey wititi Wac Manyen Maber rijo kodi ri Jopath bende.

Matayo 20:19

Aka jobino ketho go i cingi Jopath wonyeri go, wocwadi go, t'iguro go kwoŋ musalaba, aka i ndelo mar'adek ibino cerino go.”

Matayo 23:34

Am'omiyo abino dhiro riwin jotuci wac Were kodi jomariek, kodi jondiko, ma megi kwoŋ jo wibino neko gi guro kwoŋ musalaba, aka joman wibino cwado i kalamo mewin, gi cando jo wok i tindi acel tundo i man,

Matayo 26:59

Jatel pa jocway ri Were i wi migam kodi jopido jotemo rango gir'anena ma twodo kwoŋ Yesu, ma d'omiyo woneki go;

Matayo 5:22

To pama onyo awaco riwin ama: Ŋat'omaki nge g'omin bino bedo jabanja kapido. Ŋat'otim roro kwoŋ omin ibino tero go ruwaŋ jothumi banja, aka ŋat'oyeti omin ni, mamiŋ ma bukony, ibino bolo go i mac makitho.

Mariko 13:12

Dhano bino kisegeya omin ni woneki, ba nyathi bino kisegeya nyathi pere; nyithindho jobino wire ri jonywol pajo to jomiyo ineko jo.

Mariko 13:9

“Kure win, rupiri jobino tero win i kapido; ibino goyo win i kitipa pa jom'oyeyo pa Joyuda aka wibino cungo ruwaŋ rwodhe kodi kerin ro an, aka wititi rijo Wac Manyen Maber,

Luka 12:11

“Ka joteri win i kalamo pa Joyuda kodi i waŋ jodhum kodi rwodhe, wikiri wirembi kwoŋ gima winowaci kosa gima winodwoki.

Yohana 11:47

Ameno Jofarisayo kodi jotel pa jocway ri Were i wi migam joromo kodi jopido to jowaco ni, “Watim win aŋo? Neni paka jame onyo timo gir'aura madit!

Yohana 16:2

Jobino riemo win woko i kitipa pa jom'oyeyo pa Joyuda, aka ndir bino tundo ma moro je ma neko win bino paro nike ka timo ameno meno tiyo ri Were.

Tim pa Jomoor 17:14

Piyo piyo jom'oyeyo jodhiro Paulo i thengi jwom to Sila kodi Timothe jodoŋ Bereya.

Tim pa Jomoor 22:19

Adwoko ni, ‘Rwoth, kole joŋeyo maber paka yado akidho i kalamo pa Joyuda m'omore, amako jom'oyeyin, agoyo jo aka atero jo i twec.

Tim pa Jomoor 26:11

I ndir m'omore amiyo jo limo gir'acula i kalamo pa Joyuda je, aka atemo miyo jo kwedirok kwoŋ yeyo pajo. Keme omakan swa gi jo m'omiyo akidho kiri i tindi ma wiloka lwenyo gi jo.”

Tim pa Jomoor 9:2

to kwayo balwa ma dhiro go i kalamo pa Joyuda i Damasiko, ni k'onwaŋo joma luwo royo pa Rwoth kenyo, wonyali mako jo, cwo gi mon, to dwoko jo Yerusalem.

Jofilipi 3:2

Gwokere win kwoŋ jotimi reco, gwokere no, ma jocwire kwoŋ thumirok ma del.

2 Timothe 4:15

Ibende gwokere kwoŋe, rupiri go opiemo swa kodi mikwenda mawan.

Joebulaniya 11:36

Joman oyeti jo t'icwado jo, aka joman otwey jo gi lijegere t'ibolo jo i jiera.