Matayo 1:21 - KITAWO MALEŊ Catholic

²¹ Go bino nywolo nyathi majayac, aka ibino cwoko nyinge ni Yesu; rupiri go ama bino botho ji pere kwoŋ reco pajo.”

KITAWO MALEŊ

²¹ Go bino nywolo nyathi majayac, aka ibino cwoko nyinge ni Yesu; rupiri go ama bino botho ji pere kwoŋ reco pajo.”

Matayo 1:21 ပူးပေါင်းရင်းမြစ်များ

Cakirok 17:19

To Were owaco ni, “Be, cegin Sara bino nywolo rin wodin, aka ibino cwoko nyinge ni Isaka. Abino timo cikirok paran gi go paka cikirok ma cil gi cil ri nyikwaye.

Cakirok 17:21

T'abino timo cikirok paran gi Isaka, ma Sara lanywolo rin i hongo me i oro ma bino.”

Cakirok 18:10

Kenyo Rwoth owaco ni, “Abino dwoko bongin i oro ma bino i hongo paka ama, kareno Sara dhako perin nitie gi nyathi majayac.” Sara oyido winjo i dhiot wema yuŋey go

Yeremia 23:6

I hongo pere ilabotho Yuda kodi Isiraili aka ji ma Isiraili jolabedo i siem. Aka me a nyingi m'ibino lwoŋo gine go: “Rwoth a tiro mawan.”

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Matayo 1:25

aka k'obedo gine tundo munyo ocowo nywolo nyathi no to cwoko nyinge ni Yesu.

Luka 1:13

To malaika owaco rigo ni, “Ikir'ibedi gi lworo Zekaria, kole Were owinjo kwayo perin, aka dhako perin Elizabeth bino nywolo rin wodin, aka ibino cwoko nyinge ni Yohana.

Luka 1:31

Kole ibino gamo iyin, t'inywolo wodin; aka ibino cwoko nyinge ni Yesu.

Luka 2:11

Konon i tindi pa Daudi onywol riwin Jaboth, m'obedo Kristo Rwoth.

Luka 2:21

Munyo ndelo mar'aboro ma thumo Nyathi otundo, ocwoki nyinge ni Yesu, nyinge ma malaika omiyo go mafodi k'ogam go i iy min.

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 4:42

aka jowaco ri dhako no ni, “Pama onyo wayeyo go, ki kwoŋbedo gim'iwaco, to rupiri wawegi watieko winjo go, aka onyo waŋeyo adieri ni go a Jaboth pa piny.”

Tim pa Jomoor 13:23

Yesu, acel kwoŋ nyikway Daudi, a ŋata Were oloko Jaboth pa ji ma Isiraili paka cango ociko.

Tim pa Jomoor 3:26

Am'omiyo Were oyero aka okutho open dhiro jatic pere bongi win won, womiy win silwany munyo wiro wijoje ni wieye woko i yo mewin mareco.”

Tim pa Jomoor 4:12

“Aka both kinwaŋere bongi ŋatiman, rupiri ongoye nyingi nyatoro man je i piny gipi, ma Were omiyo ji, ma waripo nwaŋ'iye both.”

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

1 Yohana 1:7

To ka kwo mawan nitie i lero paka go won nitie i lero, meno wanitie i riwirok gi jowoti wan, aka remo pa Yesu, Wod Were, loko wan m'olony kwoŋ reco je.

1 Yohana 3:5

Wiŋeyo ni Kristo omenyere ŋey wokwany woko reco mawan, aka go ongoye gi gimarac.

Menyirok ri Yohana 7:14

Adwoko ni, “Jadwoŋ, iŋat'iŋeyo.” Go owaco ran ni, “Me a ji ma jowok i candirok madwoŋ. Jolwoko ruk pajo to joloko matar i remo pa Nyathi rombo.

Jothum Banja 13:3

Malaika pa Rwoth omenyere ri dhako no to waco rigo ni, “Neni, ikinywol aka ingoye gi nyithindho, t'ilagamo iyin t'inywolo wodin.

1 Samwiri 1:20

I hongo no won Hana ogamo iye to nywolo wode, aka ocwoko rigo nyinge ni Samwiri; dwoŋ mere ni, “Akwayo Rwoth go.”