Matayo 1:20 - KITAWO MALEŊ Catholic

²⁰ Neni, munyo fodi go paro ameno, malaika pa Rwoth to bino rigo i lek, to waco rigo ni, “Yozefu wod pa Daudi, Ikir'ilwor rwako Maria bedo dhako perin, rupiri go yac gi meni pa Cuny Maleŋ.

KITAWO MALEŊ

²⁰ Neni, munyo fodi go paro ameno, malaika pa Rwoth to bino rigo i lek, to waco rigo ni, “Yozefu wod pa Daudi, Ikir'ilwor rwako Maria bedo dhako perin, rupiri go yac gi meni pa Cuny Maleŋ.

Matayo 1:20 ပူးပေါင်းရင်းမြစ်များ

Cakirok 31:11

Malaika olwoŋan i lek ni, ‘Yakobo’ Adwoko ni, ‘An e!’

Cakirok 46:3

Kenyo Were owaco ni, “An Were, Were pa benin. Ikir'ilwor kidho piny i Misir rupiri abino miyo nyikwayin bedo piny madwoŋ kenyo.

1 Kerin 17:13

Elia owaco rigo ni, “Ikir'ilwor kadhi itedi cemo mewin. To marapena kudho tedi ran mugat mathin wok kwoŋ gimathin m'initie gine no, aka rumacen itedi aperin gi wodin.

1 Kerin 3:5

Kenyo Rwoth omenyere rigo wor i lek; aka Were openjo go ni, “Kway gim'amiyin.”

Zabuli 119:125

Abedo ŋeca perin, miyan niaŋ, ŋey anyal ŋeyo fonji perin.

Zabuli 143:8

Weyi awinji kwoŋ mar perin makiwire odikin, kole aketho geno paran i in. Fonjan royo m'aripo luwo, kole atiŋo adundo paran rin.

Zabuli 94:19

Kisi k'aparo aka arembo, ikweyo cunyan aka imiyan kisangala.

Agecin 12:5

Can pa jom'otire ber, rieko pa jokidakana obedo twodo.

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 30:21

Ka winowire racuc kosa racam, ithi win lawinjo wac yuŋey win ka waco ni, “Me a yo; woth win i iye.”

Isaya 51:7

Winjan win, win ma wiŋeyo tiro, win ma winigi fonji paran i cuny win, wikiri wilwor yet pa ji man, aka wikiri wilwor ka jowaco riwin gima ŋedho cuny win.

Isaya 7:13

Kenyo Isaya owaco ni, “Onyo winji, Awi ker pa Daudi. Obedo gimathin swa riwin joko ji; ma wijoko Were paran bende?

Isaya 7:2

Munyo okow ri ker ma Yuda ni Siria oyido jonitie i riwirok gi Isiraili, cuny go gi ji pere opodho aka jokirin paka yen ma yengere ro kudho pa koyo.

Yeremia 31:22

Ilawiro paro kiri keraŋo, Awi ji paran ma jongoye g'adieri? Kole Rwoth otieko cweyo gimanyen i piny, go lagwoko go paka dhako gwoko jacwo.

Yeremia 33:26

dinyo akwero nyikway Yakobo kodi ŋeca paran Daudi m'akiyeyo moro kwoŋ nyikwaye paka jadhum kwoŋ nyikway Abraham, Isaka kodi Yakobo. Kole aladwoko lim pajo, aka alamako wor gi jo.

Yeremia 40:9

Gedalia wod pa Ahikam wod pa Safan okwoŋere rijo kodi jolweny pajo ka waco ni, “Wikiri wibwok tiyo ri Jobabilon. Bedi win i piny me, aka witiy ri Jobabilon, aka labedo maber gi win.

Yowel 2:28

Rumacen, alakonjo cuny paran kwoŋ dhano je; wot win kodi nyiki win jolatuco wac Were, cwo mewin ma jotegino jolaleko lek, aka yac mewin jolaneno menyirok.

Kwan 12:6

To waco rijo ni, “Mondo winji win wac paran: Ka nitie jatuci wac Were i dier win, An a Rwoth, amiyo ŋeyirok paran rijo i menyirok; aluwo gi jo i lek.

Matayo 1:18

Me apaka nywolirok pa Yesu Kristo obedo: Munyo Yozefu fodi oyido nyaka jocikere nywomirok kodi Maria min Yesu, mafodi k'orwako go i ot, to nenere ni go oyido otieko gamo iye i meni pa Cuny Maleŋ.

Matayo 2:12

Were onyutho jo i lek nike jokiri jogik kendo pa Herode, riameno jodok yupiny pajo gi royo man.

Matayo 2:13

Munyo jotieko kadho, malaika pa Rwoth omenyere ri Yozefu i lek munyo waco ni, “Ay malo ikwany nyathi gi yokimere wiringi i piny Misir, aka wibedi koro cuka anowaci riwin ndir ma dwoko. Herode larango nyathi no munyo mito neko.”

Matayo 2:19

Munyo Herode otieko tho, malaika pa Rwoth omenyere ri Yozefu i lek yu Misir;

Matayo 2:22

Munyo Yozefu owinjo ni Akelayo am'olunjo kom pa bamere Herode paka kere ma Yuda, lworo omako go dok kendo kenyo. Were omedo menyo rigo i lek, am'omiyo go okidho iy'adec ma Galili,

Matayo 27:19

Munyo Pilato oyido obedo i ot wothum banja, cege odhiro rigo mikwenda, ni “Ikir'itim gimoro kwoŋ dhano ma bu raco no, rupiri nende wor acandere swa i lek ma mako kwoŋe.”

Matayo 28:5

To malaika no owaco ri mon no ni, “Wikiri wilwor. Aŋeyo ni wirango Yesu ma ceŋino ogur kwoŋ musalaba.

Luka 1:19

Aka malaika owaco rigo ni, “An Gabriel m'acungo ruwaŋ Were; aka ooran luwo kodin gi kelo rin wac maber me.

Luka 2:4

Riameno Yozefu bende oay i tindi ma Nazareth, i Galili to kidho Yuda i tindi pa Daudi m'ilwoŋo ni Bethelehem, paka go oyido obedo ja ot pa Daudi.

Tim pa Jomoor 5:19

To i wor no, malaika pa Rwoth oyawo waŋkac ma od twec, to wodho woko jomoor, to waco rijo ni,

Menyirok ri Yohana 19:7

Weyi wayodere wasangala; weyi wapaki dwoŋ pere m'oasere! Kole ndir otundo ma nywomirok maleŋ mapa Nyathi rombo, aka mweha pere otieko yikirok.

Jothum Banja 13:3

Malaika pa Rwoth omenyere ri dhako no to waco rigo ni, “Neni, ikinywol aka ingoye gi nyithindho, t'ilagamo iyin t'inywolo wodin.