Malaki 4:2 - KITAWO MALEŊ Catholic

² To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

KITAWO MALEŊ

² To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Malaki 4:2 ပူးပေါင်းရင်းမြစ်များ

2 Samwiri 23:4

keko kwoŋ jo pa lero m'odikin, pa ceŋ maliel odikin ma pondeponde ongoye, pa koth ma miyo lum twi wok i lowo.

Zabuli 103:3

Go cwako reco paran je, aka cango two paran je.

Zabuli 147:3

Go botho ji ma cuny gin otur, to tweyo adholin pajo.

Zabuli 61:5

Kole in, Awi Were, itieko winjo cikirok paran, itieko miyan gir'alunja pa ji ma jolworo nyingin.

Zabuli 67:1

Weyi Were wotim gi wan ŋono to miyo wan silwany; to neno wan gi wor,

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 85:9

Adieri go oyikere botho jono ma jobwonere rigo, ŋey dwoŋ pere wobedi i lowo mawan.

Agecin 4:18

To yo pa jom'otire obedo lero ma ŋamba, maliel maber tundo odieceŋ.

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 35:6

Jor'aŋolo jolapor to jomielo aka obadhin jolakoko ri kisangala. Waŋ pi lamol i opalipat;

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 53:5

To olimo adhola ro reco mawan, oyure ro raco mawan. Gir'acula pere miyo wan kwo gibe, aka luth m'ogoy go cango two mawan.

Isaya 9:2

Ji m'oyido jowotho i mudho, jotieko neno lero madwoŋ, oyido jobedo i piny ma mudho, to lero omenyo jo.

Yeremia 17:14

Cangan, awi Rwoth, aka abino cango; bothan, aka abino both; kole ibedo pak paran.

Yeremia 30:17

Kole alamiyo wilama kendo; aka alacango adholin mewin je, Rwoth waco. Kwoŋbedo jotieko lwoŋin ni jawoko; Zayon m'ongoye ŋata dewo kwoŋe,

Yeremia 33:6

To aladwoko jo t'acango jo. Alacango two ma tindi madwoŋ me, alanyutho jo siem, t'akweyo piny rijo.

Ezekiel 47:12

I kisi thenge ma malawa, ladongo kisi nger yath kodi cemo. Boke pajo kilathwo kosa olemo pajo kilarumo, to jolabedo kisi dwe kwoŋbedo pi mol rijo wok i Ot pa Were. Olemo pajo labedo cemo, aka boke pajo ma cango two.

Hoseya 6:1

“Biye win, weyi wagiki win bongi Rwoth; kole go am'oyeco wan, aka go lacango wan; otieko rwadho wan piny, aka go latweyo riwan wonga.

Hoseya 6:3

Weyi waŋey, wakethi kinen ma ŋeyo Rwoth; menyirok pere obedo adieri paka ŋamba; go labino riwan paka koth ma cwe nyiknyik, paka koth cwir ma dhieko piny.”

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Matayo 11:5

Joma waŋ gin otho joneno, jom'oŋol jowotho, jodhowo jolony, joma ithi gin otho jowinjo, aka jom'otho icerino jo, aka ifonjo jocandi Wac Manyen Maber.

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

Luka 1:50

Go timo ŋono ri joma lworo go, wok i luse ji acel tundo i luse man.

Luka 1:78

Ro wor mathoth ma Were mawan nitie gine, go bino miyo waŋceŋ gulo to ŋamba ma both wok riwan,

Luka 2:32

Lero ma bino menyo ri Jopath royo pa Were, to kelo dwoŋ ri ji perin Isiraili.”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:4

Gimoro je manitie olimo kwo i go aka kwo no oyido a lero pa ji.

Yohana 1:8

Go am'oyido k'obedo lero no, to jamikwenda ma luwo ri lero ayin.

Yohana 12:40

“Were oculo waŋ jo to umo paro pajo, nike waŋ jo wokiri wonen, paro pajo wokiri woniaŋi gimoro, ŋey jokiri jowonyal gik bongan, ni aboth jo.”

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Yohana 9:4

Kafodi piny ler waripo timo tic pa ŋat'ooran, mudho bino, ma ongoye dhano m'onyal tic.

Tim pa Jomoor 13:26

Wutmera, nyikway Abraham, kodi Jopath je manitie ka ma jolamo Were: Fonji ma mako kwoŋ both me otiek dhiro riwan!

Tim pa Jomoor 13:47

Kole meno a or ma Rwoth omiyo wan munyo owaco ama.” “ ‘Aketho win paka lero pa Jopath, ni winyal kelo both ri piny gipi.’ ”

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

2 Jothesalonika 1:3

Waripo foyo Were riwin hongo je, wutmin wan! Obedo riwan gim'otire timo ameno, rupiri yeyo mewin medo dongo swa aka mar ma kisi dhano kwoŋ win nitie gine ri nyawote onyo medere.

2 Petero 1:19

Aka, wanitie gi wac pa jotuci wac m'otiek ridho. Wibino timo maber ka wiketho paro mewin kwoŋe; kole obedo pa lero ma meny kama col cuka ndelo yawere to lero pa sulwe m'odikin menyo cuny win.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.

1 Yohana 2:8

To or m'andiko riwin nyen, aka adieri mere nenere i Kristo kodi i win bende, rupiri mudho onyo eye woko aka lero mar'adieri ama pama onyo meny.

Menyirok ri Yohana 11:18

Keme opoŋ i cuny nonin; kole onyo ndir otundo, ma nyutho keme perin, gi thumo banja ri jom'otho. Ndiri ma miyo jotic perin, ma jotuci wac, kemba pajo, kodi ji perin maleŋ je, jomadongo kodi jomathindho je ma jolworin. Ndiri otundo ma reyo woko joma nyeko piny!”

Menyirok ri Yohana 2:28

Aka abino miyo go sulwe m'odikin.

Menyirok ri Yohana 22:16

“An, Yesu, aoro malaika paran rin gi mikwenda me ri kitipa pa jom'oyeyo. An anywola ma wok i ot pa Daudi, an a sulwe m'odikin maliel m'oasere.”

Menyirok ri Yohana 22:2

aka mol i dier royo ma tindi. I thengi jwom korin gi korin oyido nitie yath ma kwo, ma nyak gim'opokere apar g'ario i oro, dicel kisi dwe, aka boke mere obedo ma botho nonin.

Ruth 2:12

Rwoth womiyin kemba ro gim'itimo, aka kemba pere wobedi m'opoŋ; Rwoth Were pa Joisiraili m'ibino nwaŋo kapondo i bwombe”.