Malaki 3:6 - KITAWO MALEŊ Catholic

⁶ Rupiri An abedo Rwoth akiwire, riameno win, wot Yakobo fodi wikirere kicutho.

KITAWO MALEŊ

⁶ Rupiri An abedo Rwoth akiwire, riameno win, wot Yakobo fodi wikirere kicutho.

Malaki 3:6 ပူးပေါင်းရင်းမြစ်များ

Cakirok 15:18

I ndelo no Rwoth otimo cikirok gi Abram ka waco ama: Ri nyikwayin abino miyo lowo me, wok i malawa ma Misir tundo i malawa madwoŋ, Yufrete,

Cakirok 15:7

Kenyo Rwoth owaco rigo ni, “An abedo Rwoth m'otelin wok Ur i Babilon, bino miyin lowo me paka aperin.”

Cakirok 22:16

aka owaco rigo ni, “An won akwoŋere, aka Rwoth waco ni, rupiri itimo gime aka ikithwonan wodin acel g'acel,

Zabuli 102:26

Jobino rwenyo, to in ibino doŋ, jobino ti paka nangin. Iwiro jo paka nangin, aka jobino rwenyo.

Zabuli 102:27

To in ikiwire, aka oro perin ongoye gike.

Zabuli 102:28

Nyithindho pa ŋecin perin jobino bedo i siem, aka ibino kikwonga nyikway jo.

Zabuli 103:17

To mar pa Rwoth makiwire bedo cil gi cil, kwoŋ jono ma jolworo go, aka bero pere bedo i luse je,

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Zabuli 78:57

Jowire woko kwoŋe aka jotimo gibanirok paka kwarere pajo, jominere paka asere m'ominere.

Isaya 41:13

Kole An, Rwoth Were mewin, amako cingi win maracuc, aŋat'awaco riwin ni, “Wikiri wilwor, alakonyo win.”

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 46:4

Kiri ka witi, abedo Were mewin, kiri ka witwi lwar, alatiŋo win. Atieko cweyo win, aka alabielo win, alatiŋo win t'abotho win.

Yeremia 32:27

Neni, An Abedo Rwoth, Were pa ji je, nitie gimatek swa ran?

Hoseya 11:9

Ak'onyuthi nge paran maliel; doko ak'orey Efrayim; kole abedo Were makiweno dhano, Ŋataleŋ manitie i dier win, aka akilabino i keme.

Habakuk 1:12

Ikibedo wok cene, awi Rwoth Were paran, Ŋataleŋ paran? Wakilatho. Awi Rwoth, itieko ketho kwoŋ jo ranyuth ri thumo banja; aka in, awi Tele, itieko ketho jo ri gir'acula.

Kwan 23:19

Were k'obedo dhano, ma go nyalo twodo, kosa wod dhano, ma go owir paro pere. Ka go otieko waco, kilatimo? Ka go otieko luwo, kilaketho i kare?

Joroma 5:10

Wan oyido wabedo jokwor pa Were, to Were odwoko wan i tiyirok gine kwoŋ remo pa Wode. Aka paka onyo watieko dwoko i tiyirok gi Were, kwo pa Wode onyo bino botho wan kicutho.

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Joebulaniya 13:8

Yesu Kristo kiwire nyoro, konon, kodi cil gi cil.

Joebulaniya 6:18

Were ooro gigipiny ario me (cikirok kodi kwoŋirok) ma kinyal wire, odoko ma go kinyal twodo kwoŋe, ma nyutho gino. Am'omiyo wan ma watieko limo kagoŋirok bonge wanyalo nwaŋo miseni madwoŋ ma cwirok matek kwoŋ geno m'oketh ruwaŋ wan.

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Menyirok ri Yohana 1:8

“An a marapena kendo macowe,” Rwoth Were Majameni je waco; go manitie pama, m'obedo con, kendo bino bedo.

Menyirok ri Yohana 22:13

Abedo Alifa kodi Omega, marapena kodi macowe, cakirok kodi gike.”

1 Samwiri 15:29

Aka Were pa Isiraili madwoŋ kitwodi kosa kiwir paro pere; rupiri go k'obedo nyatoro manyalo wiro paro pere.”