Malaki 3:3 - KITAWO MALEŊ Catholic

³ Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

KITAWO MALEŊ

³ Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

Malaki 3:3 ပူးပေါင်းရင်းမြစ်များ

Zabuli 116:17

Abino miyin cowirok ma foyin t'alwoŋo nyingi Rwoth.

Zabuli 4:5

Miy win Rwoth cowirok m'otire, aka gen win i go.

Zabuli 4:6

Ji kweth jokwayo ni, “Bedi oyido wanen ye bero moro! Awi Rwoth, weyi lero ma waŋin woliel kwoŋ wan!”

Zabuli 50:14

Miy Were cowirok ma foyo, aka cul Were madwoŋ loyo gim'iciko go je.

Zabuli 50:23

Ŋata kelo foyo pere paka cowirok pere miyan dwoŋ; ri ŋata wotho i yo m'otire, alanyutho go both pa Were!”

Zabuli 51:19

Nyaka ilakisangala gi cowirok m'otire, gi mic awaŋa gi mic ma gikululu, kenyo ilamiyin rwath i wi migam perin.

Zabuli 66:10

Kole in, Awi Rwoth, itieko temo wan; Itieko temo wan paka feza m'itemo gi mac.

Agecin 17:3

Paka mac temo feza gi zahabu, apaka Rwoth temo cuny dhano.

Agecin 25:4

Yuy woko nyal wok i feza, aka jandijo lanwaŋo gitimo atawo.

Isaya 1:25

Alawiro cingan kwoŋ win, alathodho win kwanyo woko koco mewin, t'awaro woko cilo mewin je.

Isaya 48:10

Neni, atieko temo lonyo win, to makiweno paka ilonyo feza i mac, atieko temo win i kabangala ma candirok.

Isaya 61:6

To win, ilalwoŋo win ni jocway ri Were i wi migam pa Rwoth, ilalwoŋo win ni ŋecin pa Were mawan, wilawinjo cwe ma lim pa nonin man, aka wilakwoto i ŋaŋo pajo.

Yeremia 9:7

Riameno Rwoth pa lwak jolweny waco ama: “Alarudo t'atemo jo, onyo anotim aŋo kendo gi ji paran ma joreco?

Ezekiel 20:38

Alakwanyo woko jogwenyirok i dier win, kodi jono ma jotimo reco kwoŋan. Alawodho jo woko i lowo ma jobed'iye paka jopath, to jokiladonjo i lowo pa Isiraili. Kenyo wilaŋeyo ni An Abedo Rwoth.

Hoseya 14:2

Kadhi win gi kwac, aka wigik bongi Rwoth; wiwaci rigo ni, “Kwany woko reco je; jol gimaber mere, aka walapakin gi dhok wan.”

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Kwan 8:6

Kwany Jolevi wok i dier Joisiraili aka ilony jo.

Luka 3:16

Am'omiyo Yohana odwoko jo ni, “An abatisa win kodi pi, to nitie nyatoro ma bino ma loyan bor gi dwoŋ, m'akiripi kada lunyo thol war pere. Go bino kibatisa win gi Cuny Maleŋ kodi mac.

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

Jofilipi 2:17

To kad'onyo cale p'ikonjan woko pa vini m'imedo wi cowirok man kodi tic ma wok i yeyo mewin, je fodi asangala, aka apoko kisangala paran no gi wijoje.

Jofilipi 4:18

Atieko limo cul je, kiri gi kalo; an gi gimoro je ma yenyo, paka Epafrodito otieko kelo ran mic mewin je. Gik piny me cale mic maŋwe kur, cowirok ma jolere aka sangala Were.

2 Timothe 4:6

To an, onyo hongo otundo ran ma bedo cowirok; hongo paran ma kadho otieko tundo.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 12:10

Bacere wan jotemo tiro wan gi gir'acula, i hongo macek paka joneno ni otire rijo; to Were miyo wan gir'acula ma tiro wan ma bero mawan, ŋey wopok wan ye leŋo pere.

1 Petero 1:7

Candirok me obino r'atoŋa ma temo yeyo mewin. Kole kada zahabu ma nyekere je itemo gi mac. Am'omiyo yeyo mewin ma diwelo loyo zahabu, bende yenyere wotem wonen k'otire, ŋey gino wokel riwin pak kodi dwoŋ kodi wor i Ndelo m'ilanyuth'iye Yesu Kristo kamaler.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 1:6

to loko wan bedo ker, kendo joma cwayo wi migam pa Were kendo Bamere. Dwoŋ kodi meni wobedi rigo cil gi cil. Ameno.

Menyirok ri Yohana 3:18

Am'omiyo, amiyin rieko ni nyew zahabu bongan, m'oyik gi mac, aka inoŋaŋ. Nyew nangin matar bende iruki aka ium gine kinyoro perin ma kelo rin wickwot no. Nyew yen ma waŋ jo bende ikethi i waŋin, aka ŋey inyal neno.

Menyirok ri Yohana 5:10

Iloko jo ker pa jocway ri Were i wi migam; aka jobino dhumo piny.”