Malaki 3:16 - KITAWO MALEŊ Catholic

¹⁶ Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

KITAWO MALEŊ

¹⁶ Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Malaki 3:16 ပူးပေါင်းရင်းမြစ်များ

Cakirok 22:12

Malaika owaco ni, “Ikir'ikethi cingin kwoŋ jayac, kosa ikir'itim rigo gimoro je. Pama onyo aŋeyo ni ilworo Were, rupiri ikithwono go nyaka wodin acel.”

2 Samwiri 7:1

Kere Daudi oripo peco pere, aka Rwoth ogwoko go kwoŋ jokwor pere je.

1 Kerin 18:12

Anyalo waco ri Ahab nike initie ka, to tekin akadho cuny pa Rwoth to tiŋin terin i kabedo ma k'oŋeyere to Ahab nekan. Poyi nike wok i soye paran tundo gunyo ni, alworo Rwoth.

1 Kerin 18:3

Ameno Ahab olwoŋo Obadia m'oyido jatel ma cel pa kere. (Onyo Obadia oyido lworo Rwoth swa,

2 Kigana kwoŋ Kerin 6:7

“Baba Daudi oyido ocano geto Ot pa Were ma lamo Rwoth Were pa Isiraili,

Nehemia 1:11

Awi Rwoth, ciki ithin iwinji kwayo pa ŋeca perin gi ŋecin perin je ma jofore i lworo nyingin. Miyan loyo konon me, ŋey kere wobedi ran gi wor.” I hongo no oyido abedo jakonji ri kere vini.

Yobu 28:28

Were owaco ri dhano ni, “Adieri, lworo Were, meno obedo rieko, aka weyo raco obedo niaŋ.”

Zabuli 10:4

Jokidakana jokidew kwoŋ Rwoth, joparo ni Were ongoye.

Zabuli 104:33

Alawero ri Rwoth i kwo paran je; kafodi akwo, alawero ri Were paran pak.

Zabuli 111:10

Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.

Zabuli 115:13

Go bino miyo silwany jono je ma jolworo Rwoth, mathindho gi madongo.

Zabuli 119:63

Abedo mere pa jono je ma jolworin, gi jono je ma jowinjo cik perin.

Zabuli 139:4

Mafodi lewan k'otuco wac, neni, Awi Rwoth, iŋeyo joje.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Zabuli 16:3

Paka ri ji pa Were ma jonitie i piny, jo ama jonitie gi dwoŋ mar'adieri m'aworo.

Zabuli 20:7

Jomegi joketho noro i cawilin aka jomegi i kayina, to noro mawan nitie i nyingi Rwoth Were mawan.

Zabuli 33:18

Adieri Rwoth como waŋe kwoŋ jono ma jolworo go, jono ma jogeno mar pere makiwire.

Zabuli 34:15

Rwoth kwonga jono ma jotimo gim'otire, aka winjo ywak pajo,

Zabuli 56:8

Iŋeyo paka acandere; itieko kano pigi waŋan, k'ondikere i kitawo perin?

Zabuli 56:9

I ndelo m'anolwoŋin, ilariemo woko jokwor paran, gime aŋeyo, ni Were nitie i thenge paran.

Zabuli 66:16

Wijoje ma wilworo Were, biye wiwinji, aka alawaco gima go otieko timo ran.

Zabuli 94:19

Kisi k'aparo aka arembo, ikweyo cunyan aka imiyan kisangala.

Kitawo mar'ario mapa Musa m'ilwoŋo ni Wok 32:32

Mondo cwaki reco pajo; to k'ik'ocwaki, onyo reyi woko nyingan i kitawo m'indik'iye.”

Agecin 13:20

Ŋata wotho gi ŋatariek lokere mariek, to jawodhi jomamiŋ nwaŋo litho.

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 26:8

Watieko kuro yo ma thumo banja perin, wakurin, Awi Rwoth, poyo nyingin, a mito ma cuny wan.

Isaya 4:3

Ŋat'owey i Zayon to doŋ i Yerusalem ilalwoŋo ni ŋataleŋ, kisi ŋat'ondiki ri kwo i Yerusalem,

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 65:6

Neni, gir'acula pajo ondiki i ruwaŋan, akilaliŋ to alaculo jo, gima rom gi reco pajo.

Yeremia 31:18

Adieri awinjo Efrayim ywakere ama: Ifonjan, aka awinjo fonji, oyido acalo nyathi dhiaŋ ma k'ofonji. Dwokan, aka weyi adwoki, kole in ibedo Rwoth Were paran.

Yeremia 8:6

Atieko ciko ithan t'awinjo, to jokiluwi g'adieri; ongoye ŋata ŋuto kidakana pere, ka penjere ni, Gimarac aŋo m'atimo? Joje jowire itimo gima jomito, paka kayina pa podho gi wiye kama lweny ogunj'iye.

Ezekiel 9:4

Rwoth owaco rigo ni, “Luw i dier tindi madwoŋ, i dier Yerusalem, aka ikethi ranyuth i nyim jono ma jotuco aka joywak kwoŋ amien je m'otimi kenyo.”

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Malaki 4:2

To riwin ma wilworo nyingan, meni ma both paran bino wok kwoŋ win pa waŋceŋ to kelo both pa minyin ceŋ. Wibino bedo m'ogonyere aka gi kisangala paka nyathi dhiaŋ m'owodhi wok i kigo dhok.

Luka 2:38

I hongo no won ama go bende odonj'iye i Ot pa Were to cako foyo Were; aka oluwo kwoŋ Nyathi no ri ji je m'onwaŋo jokuro both pa Yerusalem.

Tim pa Jomoor 1:13

Jodonjo Yerusalem aka joidho malo i ot m'onwaŋo jobed'iye; Petero, Yohana, Yakobo kodi Andereya, Filipo gi Toma, Batholomayo kodi Matayo, Yakobo wod pa Alfayo, Simon ma jalweny ri piny pere, kodi Yuda wod pa Yakobo.

Tim pa Jomoor 10:2

Go oyido obedo jadin matek gi ot pere gibe aka jolworo Were. Go oyido miyo kony madit ri jocandi, aka onwaŋo kwayo Were noknok.

Tim pa Jomoor 2:1

Munyo ndelo ma Pentekost otundo, jom'oyeyo jocokere kanyacel i ot.

Tim pa Jomoor 9:31

Gikenyo kitipa pa jom'oyeyo i Yuda gipi kodi Galili kodi Samaria obedo gi hola ma siem. Jokonyere aka jodongo i welo ro kony pa Cuny Maleŋ, munyo jowotho i kwo ma lworo Were.

Joefeso 5:19

Wer win wer ma Zabuli kodi wer man je ma cuny. Wer win gi dwondi win mamit ri Rwoth munyo wipako go i cuny win.

1 Jothesalonika 5:11

Ro wac me, kwey win cuny jowot win, aka konyere win paka eno witimo.

1 Jothesalonika 5:14

Jowoti wan ma wamaro, waruma win ni, gwok win joma bed'abeda m'ongoye tic; miy win joma lworlwor miseni; kony win joma nyap; aka bedi win moth gi kisi dhano.

Joebulaniya 10:24

Aka weyi wapar win kwoŋ jowoti wan, munyo wakonyere i nyutho mar gi timo bero ri jowoti wan.

Joebulaniya 12:15

Gwokere win ŋey moro wokiri wokeŋ limo nema pa Were, kendo moro wokiri wolokere pa yath makec ma medere dongo to nyeko wadi gi keco pere.

Joebulaniya 3:13

Kucel, wiripo kweyo cuny wadi win kisi ndelo, tekin ilwoŋo ndelo no ni konon, ŋey moro kwoŋ win wokiri wowondi gi gimarac to lokere ŋata wiye tek.

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”

Menyirok ri Yohana 20:12

Aka aneno joma cango jotho, madongo kodi mathindho, munyo jocungo ruwaŋ kom no, t'iyawo kitawin. To odoko iyawo kitawo man m'obedo kitawo ma kwo. Aka joma cango jotho no othum rijo banjin cungo kwoŋ gima kisi dhano cango otimo i kwo pere, m'ondiki i kitawin no.