Malaki 3:11 - KITAWO MALEŊ Catholic

¹¹ Akibino weyo kudin wonyeki cemo mewin, aka ndelo vini mewin bino poŋ gi nyingi vini.

KITAWO MALEŊ

¹¹ Akibino weyo kudin wonyeki cemo mewin, aka ndelo vini mewin bino poŋ gi nyingi vini.

Malaki 3:11 ပူးပေါင်းရင်းမြစ်များ

Yeremia 8:13

Munyo oyido amito coko jo, Rwoth waco, olemo ongoye i yath vini, nyandere ongoye i wi makuyu; kiri boke je joner, aka atieko yeyo jokicar mayo jo lowo pajo.

Hoseya 2:21

I ndelo no aladwoko, Rwoth waco, aladwoko polo, aka joladwoko piny;

Yowel 1:12

Yath vini, kodi yath makuyu jothwo woko, pomo kodi thith kodi olemo madongo, yen je ma ndelin jothwo woko; adieri, kisangala othwo woko i dier ji.

Yowel 1:4

Gima bonyo jonyaro joweyo, bonyo ma jobino i tome jotieko camo. Gima bonyo ma jobino i tome joweyo, bonyo ma jopor jocamo, gima bonyo ma jopor joweyo, bonyo ma jorey jotieko camo.

Yowel 1:7

Jotieko loko yen vini paran gim'ongoye kony, jotoŋo makuyu paran to loko kasik; opoko to bolo woko apoka mere; jangi jo olokere matar.

Yowel 2:20

Alakwanyo woko tome bonyo ma yumalo bor gi win, t'agweyo jo woko i piny m'othwo, m'ojwangere, yuwaŋe mere i nam ma yuwok ceŋ; yucen mere i nam ma yupodho ceŋ; topo mere marac kodi ŋwece mere laay malo. Jotieko timo gigipiny madongo!

Yowel 2:22

Wikiri wilwor, win ogwaŋe madudi, kole lum ma thim jobedo nyaboke pendi; yen jonyak olemo mere, yath makuyu gi yath vini jotieko miyo olemo pajo.

Yowel 2:25

Alaculo win cemo ma oro je, ma tome bonyo otieko camo, jolweny paran madwoŋ, m'adhiro kwoŋ win.

Amos 4:9

Adhiro koyo malieth thwo cemo mewin. Bonyo ocamo ndelin mewin gi ndelin vini mewin, makuyu gi nanzi mewin, to je wikidwoko bongan.

Habakuk 3:17

Makada nende makuyu kithiw, aka ongoye olemo wi yath vini; makada nende olemo ma yath oliv kibedi, aka ndelin kinyak cemo, makada nende mwendi orey woko wok i sidwol, aka dhok ongoye i cel.

Hagay 1:11

Atieko lwoŋo piny wothwo, kwoŋ gote, kwoŋ ŋano, kwoŋ vini manyen, kwoŋ mo, kwoŋ gima lowo nyak, kwoŋ ji, kwoŋ ogwaŋe, kodi kwoŋ tic ma cingi jo je.

Hagay 2:17

Agoyo win kodi tic ma cingi win gi two ma nyeko cemo kodi pe; kucel wikidwoko bongan, Rwoth ama luwo.

Zekaria 8:12

Kole ilacwoyo kodhi ma siem; vini lanyak olemo mere, lowo lanywolo ranyak, polo lamiyo thoyo pajo, aka alamiyo joma joboth kwoŋ ji me lunjo gigipiny me je.

Kitawo mar'abic mapa Musa m'ilwoŋo ni Cik 11:14

kenyo go lamiyo win koth ri lowo mewin i hongo mere, koth ma cwir kodi ma oro, ŋey winyal coko ŋano, vini, kodi mo mewin.