Malaki 1:11 - KITAWO MALEŊ Catholic

¹¹ Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

KITAWO MALEŊ

¹¹ Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Malaki 1:11 ပူးပေါင်းရင်းမြစ်များ

1 Kigana kwoŋ Kerin 16:25

Kole Rwoth dwoŋ, aka iripo pako go swa, iripo bwonirok rigo loyo werin je.

Zabuli 111:9

Rwoth ogonyo ji pere; to timo cikirok ma cil gi cil gi jo. Nyinge leŋ aka nigi meni!

Zabuli 113:3

Wok yuwok ceŋ tundo yupodho ceŋ, nyingi Rwoth iripo wopak!

Zabuli 138:5

Jolawero kwoŋ tim pa Rwoth, Kole dwoŋ pa Rwoth nimalo.

Zabuli 141:2

Weyi kwayo paran wotundi bongin paka buban, gi tiŋo cingan malo paka cowirok m'othieno.

Zabuli 45:17

Wer paran lamiyo ŋeyirok perin wobedi cil gi cil, aka kisi nyatoro bino pakin i luse je.

Zabuli 48:10

Paka nyingin nitie, Awi Were, apaka ipakin tundo i gike piny. In idhumo gi tiro.

Zabuli 48:11

Weyi ji ma Zayon jowosangala, weyi ji ma Yuda jowosangala, kwoŋbedo ithumo banja gi tiro.

Zabuli 50:1

Were ma jameni je, Were obedo Rwoth, luwo aka lwoŋo piny gibe, wok yuwok ceŋ tundo yupodho ceŋ.

Zabuli 65:9

Iwendo ri piny t'idhiro koth, iloko go m'oŋaŋ, ma diwa; malawa pa Were opoŋ gi pi, iŋat'ipoko jo cemo, me obedo yiko perin.

Zabuli 67:2

ŋey piny gibe wonyali ŋeyo gim'imito; ŋey nonin je jowonyal ŋeyo both perin.

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Zabuli 96:8

Miy win Rwoth dwoŋ ma ripo gi nyingi go, keli win mic aka wibin i Ot pere.

Isaya 12:4

Wilawaco i ndelo no, miy win Rwoth foyo, lwoŋ win nyingi go, miy win tim pere woŋeyere i dier nonin, tuci win ni nyingi go dwoŋ.

Isaya 12:5

Wer win pak ri Rwoth, kole go otieko timo gigipiny madongo, weyi gime woŋeyere i piny gibe.

Isaya 19:21

Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

Isaya 30:27

Neni, Rwoth bino wok bor swa, gi nge pere maliel, kodi tome yiro ma ay malo, dhoke opoŋ lam, aka lewe cal mac ma reyo woko jo.

Isaya 45:6

Atimo gime ŋey kisi dhano je, wok yuwok ceŋ gi yupodho ceŋ, jowoŋey ni ongoye were man, abedo Rwoth, aka ongoye man kendo.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 59:19

Ameno ji ma yupodho ceŋ jolalworo nyingi Rwoth, aka ji ma yuwok ceŋ jolamiyo go dwoŋ, kole go labino paka malawa ma ule, ma koyo pa Rwoth ama gweyo.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Yeremia 10:6

Ongoye ŋata cale kodin, awi Rwoth; Idwoŋ, aka nyingin dwoŋ i meni.

Yeremia 10:7

Ŋa m'oyido kinyal lworin, awi kere pa nonin? Kole iripo awora. I dier jomariek je ma nonin kodi i kerin pajo je ongoye ŋata cale kodin.

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Amos 9:12

Jobino mako gim'odoŋ i piny Edom, kodi piny je m'ilwoŋo gi nyingan, Rwoth waco, go ma timo me.

Mika 5:4

Ka go obin, go bino dhumo ji pere gi meni ma wok bongi Rwoth, kodi dwoŋ ma nyingi Rwoth Were pere. Aka ji pere jobino bedo ma jogonyere, rupiri ji ma piny gibe jobino yeyo dwoŋ pere.

Zefania 2:11

Rwoth lakelo lworo kwoŋ jo. Go lasewo werin je ma piny kisi nono lalamo go, kisi acel i piny pere won.

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Zekaria 8:7

Rwoth pa lwak jolweny waco ama: Neni, acegin botho ji paran wok i piny ma yuwok ceŋ kodi wok i piny ma yupodho ceŋ;

Malaki 1:14

Akwoŋo jakwo ma nigi wod rombo kwoŋ mwendi pere, m'ociko miyan, aka miyo Rwoth ma bukony; kole abedo Kere madwoŋ aka nyingan ilworo i dier nonin. Rwoth pa lwak jolweny waco.”

Malaki 3:3

Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

Kwan 7:74

Sen acel ma zahabu ma peko mere obedo siringi apar, m'opoŋ'iye buban.

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Matayo 8:11

Poyi win gime! Jomathoth jobino wok yuwok ceŋ kodi yupodho ceŋ to jobedo dhower i Ker ma polo kodi Abraham, Isaka, kodi Yakobo.

Luka 1:10

Aka lwak ji oyido jokwayo gi woko i hongo ma waŋo buban.

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

Jofilipi 4:18

Atieko limo cul je, kiri gi kalo; an gi gimoro je ma yenyo, paka Epafrodito otieko kelo ran mic mewin je. Gik piny me cale mic maŋwe kur, cowirok ma jolere aka sangala Were.

2 Jothesalonika 1:12

Meno aka nyingi Rwodhiwan Yesu bino limo dwoŋ bongi win, aka win bende bonge, gi nema pa Were mawan kodi Rwoth Yesu Kristo.

1 Timothe 2:8

Am'omiyo ayenyo ni kamoro je ji jowokway, ma jomiyere ri Were aka jotiŋo cingi gin malo i kwayo, m'ongoye nge kosa kiŋunyaŋunya.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”

Menyirok ri Yohana 5:8

Munyo go okwanyo gino ameno, cwec makwo aŋwen no kodi jodongo piero ario g'aŋwen no jogore piny ruwaŋ Nyathi rombo no. Kisi dhano oyido otiŋo tongol, kodi atewe ma zahabu ma buban opoŋ'iye, m'obedo kwayo pa ji pa Were.