Luka 8:25 - KITAWO MALEŊ Catholic

²⁵ Aka owaco rijo ni, “Nikune yeyo mewin?” Aka jodhier to lworo mako jo, to jowaco wegi kendi gin ni, “Me ŋa ma oro kiri koyo gi pi je to jowinjo go?”

KITAWO MALEŊ

²⁵ Aka owaco rijo ni, “Nikune yeyo mewin?” Aka jodhier to lworo mako jo, to jowaco wegi kendi gin ni, “Me ŋa ma oro kiri koyo gi pi je to jowinjo go?”

Luka 8:25 ပူးပေါင်းရင်းမြစ်များ

Agecin 30:4

Ŋa m'otieko idho polo to loro piny, aka ŋa m'otieko coko koyo i cinge. Ŋa m'otieko mino pi i nanga, aka ŋa m'otieko nwaŋo gike ma piny? Ŋata go ilwoŋo nedi aka nyathi pere ilwoŋo nedi? Adieri iŋeyo.

Agecin 8:29

Go oyiko ri nam gike mere, ŋey pi wokiri wotur or pere. Oyido anitie munyo go jengo kindi piny.

Matayo 14:31

Yesu ocwayo cinge mayot to mako go munyo waco ni, “Ijayeyo mathin. Raŋo ma iganagana?”

Matayo 17:20

Yesu odwoko ni, “Ro yeyo mewin manok. Adieri awaco riwin, bedi winitie gi yeyo marom gi nyingi kalantus, diwinyalo waco ri got me ni, ‘Eye ka ikadhi yukoca.’ To bende timo ameno, aka ongoye gima dik'onyalere riwin.

Matayo 6:30

To k'inen meno apaka Were ruko lum, ma konon nitie to yawere mere thwo t'iwaŋo i kendo, go k'oruki win maloyo kenyo, a ji ma yeyo pajo nok me!

Matayo 8:10

Yesu ouro munyo owinjo gime, omiyo owaco ri ji m'onwaŋo joluwo go ni, “Awaco riwin, fodi akineno kiti yeyo me i nyatoro je i Isiraili.

Matayo 8:26

Yesu odwoko ni, “Wibwok ameno raŋo! Apaka yeyo mewin nok ama!” Gikenyo go oay malo to oro asur kodi wakawaka m'oyido tula kwe; aka gimoro je okwe maber.

Mariko 4:35

Munyo piny oyutho, Yesu owaco ri jofonjirok pere ni, “Wapor win loka ma koca ma wakawaka.”

Luka 12:28

To k'inen Were ruko dudi ma konon nitie to dikin iwaŋo i kidhur yuk, onyo Were k'oruki win loyo dudi no? Apaka yeyo mewin nok ameno!

Luka 8:24

Gikenyo jofonjirok jokidho to jocewo Yesu munyo jowaco ni, “Jafonji, Jafonji, watho!” Yesu ocew to ay malo, to oro koyo kodi pi ma tula kwe; gimoro je oliŋ to piny kwe.

Luka 8:26

Jocewere jotundo i piny pa Jogerasa m'ocimere gi Galili.

Yohana 11:40

Yesu owaco rigo ni, “Akiwaco rin nike ibino neno dwoŋ pa Were k'iyeyo?”