Luka 7:25 - KITAWO MALEŊ Catholic

²⁵ Neni win, kole joma rukere ma noro aka jocemo maber jonwaŋere i diedipo pa kere ayin.

KITAWO MALEŊ

²⁵ Neni win, kole joma rukere ma noro aka jocemo maber jonwaŋere i diedipo pa kere ayin.

Luka 7:25 ပူးပေါင်းရင်းမြစ်များ

2 Samwiri 19:35

Pama ajaoro piero aboro, aka ongoye gima miyan siem doko. Akiwinji mito ma gim'acamo kosa amadho, aka akinyali winjo kiri dwondi ji ma wero. Alabedo rin bieto jadwoŋ.

1 Kerin 10:5

cemo m'itoko i meza pere, pecin pa jodhum pere, kitipin pa jotic kodi ŋecin pere kodi nangin pajo ma cale ma joruko, jotic pere, kodi cowirok ma Solomon miyo i Ot pa Were aka cunye okwe.

2 Kerin 1:8

Jodwoko ni, “Oruko law ma pien ogwaŋ to tweyo piere gi del ma pien diel.” Kere odwoko ni, “Meno Elia!”

Isaya 59:17

Oruko tiro paka kwot ma lweny, gi both paka junga i wiye, to ruko nangin ma culo kwor, to boyere i nge paŋini del m'itwere gine.

Matayo 11:8

To aŋo won ma wikidho yukoro neno? Neno dhano m'orukere i nangin mabeyo mayom? Kole joma ruko nangin mayom no jonwaŋere i udi pa kerin ayino.

Matayo 3:4

Ruk pa Yohana oyido otim ma yer ŋamia, aka go oyido tweyo piere gi del ma pien, aka cemo pere oyido obedo bonyo kodi mo kic.

Matayo 6:29

To awaco riwin kada Solomon, ma cango oŋaŋ m'oasere, k'obedo gi ruk mabeyo paka nyaka acel kwoŋ thiw dudi me.

Luka 16:19

“Cango obedo jaŋaŋo moro ma ruko nangin ma welo ma malo swa aka camo cemo ma welo tektek ndir je.

Luka 7:24

Munyo jomikwenda pa Yohana jotieko kadho, Yesu ocako luwo gi lwak ji kwoŋ Yohana ka waco ni, “Onwaŋo wikidho neno aŋo i thim? Midole ma koyo yengo? Aŋo won m'onwaŋo wikidho neno? Dhano m'oruko nangin mabeyo?

Luka 7:26

To onwaŋo wikidho neno aŋo won? Jatuci wac Were? Adieri awaco riwin, go loyo kiri jatuci wac Were!